"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
08-04-2018 - 05:54 am
لو سمحتم هى الدكاترة الى بتولد ب23الف وانت طالع ده سبب ايه الى بيعملوه زيادة عناى دكتور تانى هو اجرة ايده مثلا ١٠ الاف ومستشفى الى ام بتعد فيها ساعتين تلاتة تاخد كده برضه وفوق ده كله العملية الى بتم للبيبى الولد ب4000 من سنتين ولدت مراتى بالدكتور بالعملية دفعت كله 4500ومرات اخويا هنولد باذن الله اول رمضان والدكتور قال كده لاخويا معرفتش اقوله ايه دكتورشاطر بس السعر مبالغ فيه وكانت متابعة معاه وهى متعرفش سعر ولادة
التعليقات (28)
و ان افترضنا مفيش فرق كدكتور لكن عايز تقنعنى ان مفيش فرق كمان فى المستشفى ازاى يعنى !!! يعنى تبقي قاعد ليلة فى بنسيون زى ما تقعد فى الرويال سويت فى الفورسيزون مثلا !! و فى الاول و الاخر انت عندك حرية الاختيار و على قد لحافك مد رجليك زى اى حاجة تانية فى حياتك 5
متولدهاش عنده عادى جدا هو مضربكش ع ايدك يعنى هو بيعرض عليك الاول و من حقك تقبل او ترفض 2
الفرق زي الفرق بين فزيتة الدكتور حديث التخرج و استاف الجامعة الفرق بين ام محمد الممرضة و الممرضة الاجنبية الفرق بين الليلة في فندق نجمتين و فندق خمس نجوم و كل واحد يشوف ايه يناسبه و يعملو
عادي جدا ممكن تروح لحد،تاني هو ماجبركش حضرتك عندك من اول اللي بلاش زي القصر العيني لحد اللي ب 20 و 30 وحضرتك ليك كامل الحرية في الاختيار 2
الولادة مش سهله زى مانت فاكر الولادة لو غلطه دكتور واحدة هتكلف الام حياتها او الطفل حياته ولو دماغ الطفل اتزنقت او الاكسجين قل الطفل هيعانى طول حياته السعر مبالغ فيه في دكتارة بقت اسم فبتفترى بس برضوا مش كل دكتور سعرة رخيص تتطمنله
فرق الدكتور ومكانه وخبرته وفرق الاكبر بقى في المستشفى اللي هتولد فيها .. كل مستشفى غير التانية في مستشفى بيبقى فيها بنك دم وحضانة ودكتور التخدير ودكتور الاطفال لازم يحضروا الولادة ويطمنوا على الام والجنين وطبعا الغرفة والخدمة بتكون فندقية :D زينة للبيبي وسرير وعصاير وهكذا كل ما المبلغ يزيد الدلع يزيد .. بس بأمانة خليك في المتوسط الوسط حلو اهو تبقى متطمن وماتبقاش برضه مفترى 5
بجد بقي بعيدا عن الهزار الناس هي اللي بتشجع علي كده لما حد بيراعي ربنا في الفلوس وبياخد قليل بيقولوا شغله مش كويس حتي فمهنة الكوافير لو ميكب ارتست فلوسها قليله بيقولوا بتسخدم خامات وحشه وهكذا في كله مش بس الدكاترة لو حد حصل معاه خد علاج من دكتور والعلاج كان غلط وجه اشتكي اول كلمه هيقولهالك ده كتور كبير وكشفه ٦٠٠ وبنروحله بالحجز
انا مراتى ولدت مرتين مع طبيبة نساء دكتوراة واستاذة بالجامعة بالفين جنية فى كل مرة وهو دا السعر اللى الدكتورة محدداه للكل انتم اللى بتغلوا سعر كل شىء على نفسكم يوم ما بتسألوا بتقولوا مين اشطر دكتور او دكتورة فى اكتوبر او التجمع او حدائق القبة او او وطبيعى ان اللى بتسال عليه دا الفيزيتة بتاعته غالية زى اى محامى وزى اى صاحب مهنة اخرى مشهور ملحوظة انا طبيب اخصائى باطنة وكذلك زوجتى والطبيبة الى الان بتولد فى حدود تلات الاف جنيه 7
بعتذرلك البوست مفيش منه فايده غير إهانة فئه من المجتمع في التعليقات بدون داعي، حضرتك بنفسك بتقول ولدت زوجتك بكذا، وغيرك بيولد بكذا، دي خدمه مش مجانيه وكل دكتور حر يحط رقمه حسب إسمه وخبرته، بعتذرلك سيتم حذف البوست. 2
عايزة عنوان ورقم دكتور اسنان شاطر في فيصل←
عايز رقم وعنوان دكتور عظام شاطر فالهرم او فيصل→