Mahmoud Badawy
25-08-2021 - 07:06 pm

حابب اسمع آراء الناس انهي أفضل ان الطفل يتصرف عليه كورسات خارجية تنمي
مهاراته كلغة وكمبيوتر أفضل وهوا عربي ولا يكون في لغات افضل من غير
الكورسات الخارجية في حالة صعوبة الجمع بين الاتنين كمجهود وتكلفة دروس
للمدرسة لغات مع الكورسات الخارجية؟؟؟ وهل فعلا خريج مدارس عربي بكورسات
وشهادات من أماكن معتمده أفضل لسوق العمل ولا خريج لغات بشهادة المدرسة بس ؟؟
أتمنى الرد يكون عن تجربة وافضل مع الأبناء أو الإخوة وشكرا
ملحوظة هوا الطفل فعلا في مدرسة خاصة لكن عربي لان مكنش فيه اماكن لما
اتقدمله في اللغات في نفس مدرسته وفرق نظام المصاريف بين عربي ولغات في
مدرسته لا يذكر فعلا لكن السؤال بالنسبة أنه يكمل عربي ومعاه كورسات ولا
ينقل لغات ودروس وتقل الكورسات يعني المستوى الاجتماعي فعلا واحد وكويس
الحمد لله
توضيح .... أنا عملت تعديل في البوست بعد نشره والتعليق عليه من البعض
مشكورين طبعا عشان محدش يستغرب الردود الأولى ... ومشكورين على ردهم ...
الشاي ده عندي


تريند

التعليقات (33)

Houreya Sarhan
Houreya Sarhan
25-08-2021 - 09:10 pm

مدرسة لغات ونركز فيها
Medhat El Halaby
Medhat El Halaby
25-08-2021 - 10:15 pm

ليس لي تجربة لكن طالما في صعوبة بين الجمع بينهما خليه في تجريبي لغات +
كورسات لكن بلاش عربي
Shahy Gamal
Shahy Gamal
25-08-2021 - 11:22 pm

في سوق العمل احب اقول لحضرتك أن الطلب اكتر على خريجين مدارس اللغات، لأن
الطفل مهما اخد كورسات ما فيش ممارسة يومية زي اللي في المدرسة
Raafat Ramses
Raafat Ramses
26-08-2021 - 12:31 am

اللغه الأجنبيه و مهارات إستعمال الكومبيوتر مهمين جداً في مجال العمل.
بس اللغه تأني أولا
تعلم اللغه في الصغر أسهل و هي التي ستمكنه من دراسة مهارات إستعمال
الكومبيوتر في المستقبل.
المهم أن تكون المدرسه فعلاً متميزه في مجال اللغه.
أنا حتى الآن لا أستطيع فهم العبارات العربيه اللي بيستعملوها في مجال
التكنولوجيا عامة.😄
Dody Shaheen
Dody Shaheen
26-08-2021 - 01:42 am

عربى واديله كورسات
Heba Said
Heba Said
26-08-2021 - 02:55 am

المدرسه اللغات احسن
اللغه عموما ممارسه فكورس شهر ولا اتنين في السنه مش زس اللس بيسمع
المدرسين بيتكلموا انجلش (في كل المواد ماث ساينس انجلش) ومطلوب منه يحاول
يتكلم هو كمان يرد عليهم بالانجلش
المدرسه العربي هياخد الانجلش كماده بيذاكرها عشان ينجح فيها مش كلغه
بيستخدمها كل يوم في المدرسه
Mahmoud Badawy
Mahmoud Badawy
26-08-2021 - 04:10 am

الفكر أن مدرسين اللغات في معظم المدارس الا من رحم ربي بيشرحوا انجليزي
على عربي مش شرح انجليزي كامل وبيبقى شايف انه كده فهم الاولاد وشكرا ...
لكن طبعا استخدام الانجليش في اللغات اكتر ايا كان فعلا
ففروا إلي الله
ففروا إلي الله
26-08-2021 - 05:27 am


Mahmoud Badawy

الاولاد نفسهم اللي بيطوروا من لغتهم و هما بيعملوا الهوم ورك او حتى
يتفرجوا على التيك توك لانهم بيعتبروها زي لغتهم ما بيبقاش عندهم رهبه الكلام
Menna Karim
Menna Karim
26-08-2021 - 06:46 am

فيه مدارس لغات اسم بس لكن مستواها عيان جيدا مش هيفرق حاجه بعدين عن واحد
خريج عربى و خد كورسات هما الاتنين
لكن فيه مدارس لغات بتخلى الولاد لبلب فى الانجليش وديه بتبقى غاليه قوى
Naglaa Abd AlFattah
Naglaa Abd AlFattah
26-08-2021 - 08:07 am

طبعا لغات افضل من الكورسات بكتير الكورسات ممكن يستفيد بيها بعدين لما
يكبر انه يحسن جزءمعين او يصقل مهارة معينة و هكذا
لكن الكورسات لوحدها مش كافية
انه يكون لغات معناها انه هيتعرض للغة و يستخدمها في كذا مادة عكس القسم
العربي هيكون بياخد اللغة كمادة واحدة فقط و كورساتها تعتبر بردو مادة واحدة
لكن لما بيكون لغات بيستخدم اللغة بأشكال مختلفة وبتقوي عنده كل المهارات و
بتحببه في اللغة بشكل مختلف عن الدراسة بمعني انه بيميل يسمع الكرتون او
الاغاني او الافلام او غيره بالانجليزي مش العربي
كلامي عن تجربة مع أولادي
فا انصحك لو ماديا تقدر يبقا توكل علي الله واختار اللغات بدون تفكير
Bahiga Mostafa Abdel Rahman
Bahiga Mostafa Abdel Rahman
26-08-2021 - 09:30 am

هو هياخد دروس فى عربى ولغات وانترناشونال كمان بس اللغات طبعا افضل لان ده
بيفرق فى سوق العمل
Roo Ghoniem
Roo Ghoniem
26-08-2021 - 10:55 am

انا كنت لغات وفثانوي حولت عربي والمدارس اللغات فرقت فتربيتي وثقافتي
Remaa Bassem
Remaa Bassem
26-08-2021 - 12:22 pm

انا بقى هقولك الكلام ده لو ابن حضرتك لغات خاص ومش اى خاص حضرتك تروح كده
المدرسه وتسمع بودنك لهجه المستر اللى بيدى اللغه لقتها محترمه انقله مش
لقتها كده يبقى خليه احسن فى مكانه ولما يدخل الجامعه ان شاء الله أدى
كورسات واصرف لان اقل من كده فى المستوى مالوش اى ريحه اللازمه اغلبيه
المدرسين مش بيعرفوا ينطقوا اصلا اللغه صح ولا بيدرسوا اصلا صح ده انا بقيت
بصحح لمدرس الانجليش بتاع بنتى 😔 وهى تجريبي فا نصيحه لو هتنقل مش تقل عن
المستوى اللى انتوا فيه واتاكد كويس اوى انتوا بتنقلوا من اللهجه للمدرسه
اللى هتنقل ليها غير كده صدقنى ولا اى حاجه بالمناسبه انا كنت تجريبي برده 😒
ففروا إلي الله
ففروا إلي الله
26-08-2021 - 01:51 pm

الدراسه لغات افضل عن تجربه لان اللغه بتكبر معاه في كل المواد و ممارستها
قويه في كل المواد فبتبقى جزء من حياته متكرر
لكن كورسات الانجليش مهما كانت قويه بيبقى دايما لها وقت و تخلص ما فيش
ممارسه دائمه
Heba Abo Elazm
Heba Abo Elazm
26-08-2021 - 04:55 pm

اللغات هي المستقبل
Elmahdy Silver
Elmahdy Silver
26-08-2021 - 06:30 pm

ولادي فتجريبي اللي هما مسمينه لغات وطبعا اشد الندم
لاسف لو الطفل مدخلش انترنشونال محدش بيهتم بي الخاص اي كلام
بقي زيه زي الحكومي
Alberto Sulaiman
Alberto Sulaiman
26-08-2021 - 08:07 pm

المهم بالنسبة لي ال community
Menna Khaled
Menna Khaled
26-08-2021 - 09:46 pm

كنت بفكر كده زمان و لما شوفت اللي حواليا لقيت ان الطفل مبيلحقش يخلص اللي
بياخده في المدرسة اصلا عشان ياخد كورس
Omaima Elgarf
Omaima Elgarf
26-08-2021 - 11:27 pm

هي الفكره ان اللغات هتسهل عليه في الكورسات فهيبقي اسهل
Esraa Abdelmaksoud
Esraa Abdelmaksoud
27-08-2021 - 01:10 am

السؤال هنا.. المدرسة العربي بتدي advanced English و لغة كمان كويسين ولا
سلق بيض؟ من رأيي اللغات بيبقى فيه ضغط جامد ودروس وهم في حين ان فالاخر
مثلا هيطلع مش محتاج من المواد دي الا اتنين تلاته عشان الكلية.. والكورسات
هتبقى حاجه خفيفه كده فالصيف فهيذاكروا عشان مهمة مش عشان مجبرين..
انا كنت في مدرسة خاصة فيها عربي ولغات بردو وكنت فالقسم العربي وبناخد
مناهج لغة اضافية.. وانا في ثانوي كنت بذاكر جرامر بالتحديد كتير جدا
ومهتمة باللغة ولما دخلت الكلية كمان.. ودلوقت انا certified advanced
English speaker.. بس لو هنيجي نتكلم مثلا ع مصطلحات حاجه ملهاش علاقة
بشغلي او دراستي زي ال chemistry هتلاقي ابيض.. معرفش الا فالحاجات اللي
بستخدمها او مكونات ادوية بتاعتي وهكذا.. فهو الاستخدام اللي بيحكم واي
حاجه تانية بتبقى إلى مزبلة التاريخ...
الفكرة بقى هو لو اتضغط دروس والقصص دي هيحتاج ايه فالاخر؟ وهل الحاجه دي
تستحق الضغط ده؟ اجابة السؤال ده كفاية لأخذ القرار..
ففروا إلي الله
ففروا إلي الله
27-08-2021 - 02:55 am


Esraa Abdelmaksoud

خالص انتي فاهمه غلط عشان كنتي مدارس عربي . الاطفال في مدارس لللغات
بيتعلموا كله انجليش من كى جي زيهم زي ما انتي اتعلمتي العربي فعامل اللغه
مش بيأثر على صعوبه الدراسه لانها بالنسبه له زي العربي بالنسبه ليكي و لو
خد دروس بيبقى عشان ماده صعبه و رخمه زي التاريخ مثلا او الجغرافيا
Mohamed Fawzy
Mohamed Fawzy
27-08-2021 - 04:42 am

مدرسة لغات افضل طبعا ولو الطفل نفسة شاطر مش هيحتاج للكورسات ولو حتى
احتجها هيستفيد منها احسن واسرع من غيره فى مدرسة عربى
Yasser Salama
Yasser Salama
27-08-2021 - 06:31 am

حتى لو مدرسة لغات لابد من كورسات تنمية مهارات
الافضل مدرسة عربى وكورسات
Maaly Samir
Maaly Samir
27-08-2021 - 08:22 am

طالما الفرق فالفلوس مبلغ قليل فالاحسن تخليه لغات هو أكيد حضرتك هتحس أن
المذاكرة صعبة بس الولد نفسه مع الوقت بيتعود و بيلاقي الموضوع سهل عادي
كأنه بيذاكر بالعربي و من وجهه نظري أنا أن ممكن جدا لما يكبر يحتاج ياخد
كورسات برضوا معتقدتش ان مكان واحد هيعلم كل حاجة بس درجة الصعوبة و الفهم
بتختلف خد أراء و صلي صلاة أستخارة وإن شاء الله توصل لقرار مناسب
Mayoya Metwally
Mayoya Metwally
27-08-2021 - 10:15 am

لو فى امكانية للغات انقله لغات افضل طبعا ومش هتحتاج ساعتها لكورسات لانه
كده كده هيتعلم اللغة ف المدرسة.
وفى وظايف بيبقى الاساس خريج مدارس اللغات لانه مهما اخد كورسات مش هيبقى
زى اللى بيتعلم من صغره يوميا ف المدرسة وهيبقى ملم بكل المصطلحات سواء ماث
او ساينس وغيرهم لكن الكورسات هتبقى محادثات وخلاص
Abeer Ahmed
Abeer Ahmed
27-08-2021 - 12:10 pm

المدرسة لغات طبعا افضل حتى لو مستوى اللغة ضعيف بها يبقا سهل علية بعد كدا
اى كورس واكيد هيبدا من ليفل عالى مش من البداية طبعا
كيان معتز
كيان معتز
27-08-2021 - 02:07 pm

انا شايفه من وجهة نظرى انه المدرسه اللغات هى اللى هتأهله لمستقبل احسن
وانه لما يخلصها او حتى وهو فيها وخد كورس واحد استيعابه هيكون اسرع
والدنيا هتكون سهله عليه على عكس المدرسه العربي
Nona Moon
Nona Moon
27-08-2021 - 04:06 pm

ينقل لغات طبعا...الكورساتعمرها ابدا ما هتغني عن مدرسه اللغات.
انا مدرسه و عارفه بقولك ايه..
Walaa Saber
Walaa Saber
27-08-2021 - 06:07 pm

اهم حاجة كمان انك تشجع الطفل انه يسمع كرتون وفيدهات بالانجليزي من غير
ترجمة في السن الصغير ده بيلقط اللغة حلو انا ابن اخويا ماشاء الله لقط
اللغة بالطريقة دي ونطقه في الانجليزي فرق كتير
Nour-eldin Ibrahim
Nour-eldin Ibrahim
27-08-2021 - 08:10 pm

وجهة نظري أن المدرسة لوحدها ملهاش قيمة كلام بيتعبي و يترمي في ورقة
الامتحان نظام عقيم و معفن و فاشل شوف الطفل بيحب ايه و اشتغل عليه و لو مش
محدد يبقي يجرب كذا حاجة لحد ما يقرر و المهم في السن الصغير حفظ القرأن
برضو و غرس القيم و المبادئ
Walaa Saber
Walaa Saber
27-08-2021 - 10:15 pm

الكورس مش هيخلي الولد ملتزم بالمذاكرة زي المدرسة بس اهم حاجة تكون مستوي
التعليم في المدرسة كويس لان فيه مدارس لغات اي كلام لو المدرسة مستواها مش
حلو يبقي تعتمد علي الكورسات
بس الافضل مدرسة طبعا لان المدرسة الوقت فيها اطول ومواد كتير ب اللغات لكن
الكورس مجرد ساعتين علي مدار شهر او شهرين استحالة الطفل يدرس كله فيه
Mahmoud Badawy
Mahmoud Badawy
28-08-2021 - 12:22 am

أنا بتكلم عن كورس مستمر سنتين او تلاته مش شهر او اتنين
Walaa Saber
Walaa Saber
28-08-2021 - 02:31 am

مسمعتش عن كورسات مستمرة بالسنة بتبقي مستويات وكل مستوي شهر او اتنين
بالكتير واما ينجح فيه بيتنقل لمستوي اللي بعده
|