Islam Ibrahim Mohamed
30-07-2023 - 10:45 pm
علي حد علمي ان ممكن تطلبي من البنك يعمل Chargeback والفلوس ممكن تترد
عادي.. وعلي حد علمي شركه فيزا وماستر كارد المفروض انها بتوفر تأمين ضد
العمليات الغير مصرح بها فاعتقد ان مفيش داعي اوي للقلق
Doaa Se'dawy
30-07-2023 - 10:46 pm
←
Islam Ibrahim Mohamed
البنك مش راضي يعمل charge back لان المبلغ لسة مسمعش من الحساب
بيقولوا لما يتخصم تعمل شكوى وبعدين يتم التحقيق فيها ومحدش بيديني معلومة
ايه اللي هيحصل بعد الشكوى
Ahmed Meto
30-07-2023 - 10:47 pm
←
Doaa Se'dawy
بعد مالمبلغ يتخصم كلمي البنك واعملي اعتراض ولو المبلغ اللي اتسحب اتاكدوا انه محدش استفاد بيه هيرجعلك لسه حاصله معايا من شهر والمبلغ رجع
Yahia Aboellief
30-07-2023 - 10:48 pm
لما الموضوع يخلص ، طلعي كارت مدفوع مقدما و استخدميه للمستريات و
المدفوعات اونلاين
Doaa Se'dawy
30-07-2023 - 10:49 pm
←
Yahia Aboellief
قررت كدا فعلا بس لما المشكلة تتحل
Menna Ali
30-07-2023 - 10:50 pm
←
Yahia Aboellief
ده اللي هوه كارت المشتريات؟
Yahia Aboellief
30-07-2023 - 10:51 pm
←
Menna Ali
هو اسمه في البنوك كارت مدفوع مقدما
الحساب حضرتك بتحطي فيه مبلغ صغير و ليكن ٥٠٠ ج او اي مبلغ و تدفعي منه
فواتيرك و مشترياتك و اي حاجه اونلاين و لما الفلوس تخلص تحطي فلوي تاني و
هكذا ، او حضرتك ناويه تشتري حاجه مثلا ب ٤٠٠٠ ج ، قبل ما تشتريها بكام
ساعه ممكن تحطي ال ٤٠٠٠ج في الحساب الخاص بالكارت و بعد كده تشتريها
بيطلع من اي بنك بصورة البطاقه و مش لازم يكون لحضرتك حساب في البنك
ايه الميزه ؟
ان اللي بيتعامل مدفوعات فواتير او مشتريات كتير اونلاين بيتعامل بأمان
علشان لو الكارت بياناته اتسرقت ، الحرامي او الهاكر مش هيعرف يستخدمه ولا
يشتري بيه حاجه علشان الكارت مفيهوش فلوس او المبلغ اللي فيه بسيط
و طبعا كخطوات امان عامه ، متشتريش اونلاين من مواقع غير موثوقه و لما
تكوني في مطعم او سوبرماركت ، عينيكي تكون على الكارت و متديش الكارت لاي
حد و زياده امان ، اقلبي الكارت هتلاقي ٣ ارقام في الخلف عند منتصف الكارت
اقصى اليمين ، احفظي الارقام دي في اي مكان خارجي و بعد كده اخدشيهم براحه
او ممكن تحطي بلاستر عليهم
Mohamed Refat
30-07-2023 - 10:52 pm
امشي ف الناحيتين
اعتراض ف البنك حالا
اعتراض عند الشاري بالفون والايميل ان العمليه دي اتعملت بفيزا مسروقه
وتطلبي رفض العمليه
Abd El-Rahman Medhat
30-07-2023 - 10:53 pm
حصل معايا نفس الموقف بالظبط ،، وعرفت ان الفلوس اللي اتخصمت كانت ل apple
،، كلمتهم واديتهم تفاصيل العمليات اللي تمت والكارت اللي تمت من عليه
قالولي هنعملك طلب باسترداد المبلغ وتاني يوم قالولي الطلب اتقبل وبعدها
بحوالي ٣ أيام الفلوس رجعت الحمدلله ،، فانتي كلمي apple وان شاء الله هما
اللي هينجزوا الموضوع البنك ممل جدا في القصص ده
Abd El-Rahman Medhat
30-07-2023 - 10:54 pm
وحاجة تانية ،، البنك مش هيعمل شكوي غير لما الفلوس يتأكد خصمها من الحساب
وولو المشكلة ده حصلت في البنك الأهلي بيكون معاكي ٨٩ يوم من وقت ما
العملية اتعملت تقدري تعملي فيهم الشكوي ،، والشكوي لو متقبلتش بيخصم منك
٥٠ جنيه لكل عملية اتعملت ،، فانتي امشي الاول ف سكة apple وهما محترمين
وهيرجعوا الفلوس لو لسة متسحبتش
Doaa Se'dawy
30-07-2023 - 10:55 pm
←
Abd El-Rahman Medhat
ابل مش راضيين يعملولي حاجة علشان لسة الفلوس متعلقة ومتخصمتش من حسابي ف
البنك مش فاهمة ليه يعني
Abd El-Rahman Medhat
30-07-2023 - 10:56 pm
←
Doaa Se'dawy
انتي بتكلمي الرقم الدولي ولا الوكيل هنا ؟! ،، كلميهم علي رقم 08000000888
Abdelfattah Shora
30-07-2023 - 10:57 pm
نوع الكارت اللي اتسرق كريدت ولا ديبت والمبلغ كام
لأن اعرف ان البنك عامل فلاج علي موقع آبل ٢٠٠ دولار كحد أقصى شهريا.
والحرامي اللي استخدم الكارت واضح أنه مش أول مره يعمل كدا وعارف بيتعامل إزاي
أحمد حسن
30-07-2023 - 10:58 pm
بلغي سرقة فيزا و هيسالوكي اخر معاملة انكري المبلغ المشكوك فيه و خلاص
Ahmed Hasan Zoroo
30-07-2023 - 11:00 pm
علشان الفلوس تتسرق لازم البطاقة والفيزا يكونو موجودين مع الهكر .
اللي انسرق منك بطاقة البنك أو ارقمها للرقم الثلاثي الخلفي للبطاقة حاول
تاني مع البنك قبل الخصم وصعد الموضوع
Rashaa Mohsen
30-07-2023 - 11:04 pm
اوقفي الفيزا وقدمي شكوي بسرعه
Ehab Elhifnawy
30-07-2023 - 11:05 pm
المبلغ اصلا بيكون مجنب علشان يتأكدوا ان صاحب البطاقة الفعلي هو اللي قام
بالعملية
Doaa Se'dawy
30-07-2023 - 11:06 pm
←
Ehab Elhifnawy
بكلمهم مش راضيين يكنسلوا 😅
Ehab Elhifnawy
30-07-2023 - 11:07 pm
←
Doaa Se'dawy
و من حقك انك ايضا تعرف الفلوس رايحة لمين و ليه
Doaa Se'dawy
30-07-2023 - 11:08 pm
←
Ehab Elhifnawy
رايحة ل آبل
Ehab Elhifnawy
30-07-2023 - 11:09 pm
←
Doaa Se'dawy
ليه ؟ ايه السبب
Doaa Se'dawy
30-07-2023 - 11:10 pm
←
Ehab Elhifnawy
الحرامي طلب حجات من آبل لحسابه بالفيزا بتاعتي
Ehab Elhifnawy
30-07-2023 - 11:11 pm
←
Doaa Se'dawy
تواصلي مع ابل و اطلبي الغاء الاوردر و رد الفلوس
Mohamed Amin
30-07-2023 - 11:12 pm
اعتقد لازم تعمل محضر شرطة وتتابعه وبسرعه دلوقتي قبل كمان ما العمليه تتاكد
Ayman Attia
30-07-2023 - 11:13 pm
مستحيل تتم معامله بدون رقم سري بينزل علي موبيلك لاتمام العمليه
لكن فحاله تجنيب المبلغ ممكن يرد تلقائي بعد 45 يوم فحاله عدم مطالبه جهه
الشراء
Doaa Se'dawy
30-07-2023 - 11:14 pm
←
Ayman Attia
دا اللي حصل
محدش بعتلي OTP
Islam Ibrahim Mohamed
30-07-2023 - 11:15 pm
←
Ayman Attia
لا عادي ممكن تتم من غير otp
وممكن كمان بدون cvv برقم الكارت والتاريخ بس
Osama Nagy
30-07-2023 - 11:16 pm
حصلت معى منذ حوالى اربع سنوات وايضا من ابل ، خلال اربع دقائق تمت اربع
عمليات ولولا اننى اوقفت البطاقة لأستمر السحب ، ثم ابلغت البنك وقدمت شكوى
وتم استعادة كل المبلغ ولكن بعد فترة تجاوزت الشهر.
بنكى مش فى مصر .
Mohamed ELsabagh
30-07-2023 - 11:18 pm
اعملى محضر في القسم
Mo Fawzy
30-07-2023 - 11:19 pm
أتواصل مع ابل وبلغيهم إن العمليات دي بفيزا خاصه بيكي واتسرقت واديهم
الداتا كامله وإن شاء الله ممكن يكنسلوا والفلوس ترجع refund
Mo Fawzy
30-07-2023 - 11:20 pm
وقدمي شكوي برضه في البنك التابع ليكي
Shimaa Magdy
30-07-2023 - 11:21 pm
حاولى تتوصلى مع شركه ابل و توقفى عمليات الشراء من عندهم برضه
Hoda Thabet
30-07-2023 - 11:22 pm
شكوى مكتوبة للبنك المركزى...عن تجربة
فهد الشريف
30-07-2023 - 11:23 pm
حصلت مع ابني وكنساها بالتواصل مع ابل
Doaa Mahmoud
30-07-2023 - 11:24 pm
للاسف حصل مع والدي وخدو البيانات والدي مش فاهم حاجه راح قفل الحساب بسرعه
قبل السحب الناس المؤذيه كتير اوي الايام دي
Shaimaa Ragab
30-07-2023 - 11:25 pm
ابل مش بتبعت كود والكلام دا زي مثلا انك تشحني رصيد من الفيزا لما بعمل اي
ابلكيشين بفلوس بيخصموا بشكل مباشر
بس ازاي البنك مبعتلكيش مسج ان اتخصم منك فلوس مش فاهمه
لو ينفع تروحي تسحبي فلوسك وتلغي حسابك ف البنك دا قبل ما يسحبوا الفلوس
اعملي كدا
لان لو اتسحبت خلاص شكرا ممكن ميرجعوش تاني اصلا
Reham Ahmed Abdel Wahab
30-07-2023 - 11:26 pm
أوقفي الكارت و بلغي بسرقته و سجلي شكوى برقم
Nourhan Mohamed Fathi
30-07-2023 - 11:27 pm
انا كمان حصلي كده اتسرق مني ٧٢٠٠ جنيه من هاكر سرق بيانات الفيزا من فيس
بوك و الفلوس كانت اتجنبت متسحبتش
عملت شكوي في البنك ووقفت الكارت و برضه الفلوس اتسحبت
عملت مشكله كبيره جدا لاني وقفت الكارت قبل الفلوس ما تتسحب اصلا و الرد ان
اعملي شكوي تاني و هتقعد ٩٠ يوم عمل و الفلوس يا ترجع يا لأ
والفيس بوك لما عملت شكوي فيه قالي لا مالكيش حق في الفوس اصلا و كده راحت عليا
بس قبل ال ٩٠ يوم كان البنك مرجعلي الفلوس كامله مره تانيه 👍🏻
Doaa Se'dawy
30-07-2023 - 11:28 pm
←
Nourhan Mohamed Fathi
بنك ايه
Nourhan Mohamed Fathi
30-07-2023 - 11:29 pm
←
Doaa Se'dawy
CIB
Doaa Se'dawy
30-07-2023 - 11:30 pm
←
Nourhan Mohamed Fathi
واضح ان الاهلي هو اللي عقيم
Nourhan Mohamed Fathi
30-07-2023 - 11:31 pm
←
Doaa Se'dawy
هما ساعتها رفضوا يعملولي اي حاجه قبل السحب الفعلي للمبلغ و اي اجراء بعد الفلوس ما تتسحب
و بعد ما اتسحبت قالولي هيقدموا شكوى لماستر كارد و هما اللي هيراجعوا فيس
بوك و بعد كده الفلوس ترجع او لأ
و رجعت فعلا الحمد لله لان كنا كذا اكونت اتسرق منهم مبالغ كبيره يمكن انا
اقل مبلغ مسروق فيهم و كلهم بنفس الطريقه
Nada El-Ayouti
30-07-2023 - 11:32 pm
تواصلي مع ابل و وقفي عملية الشراء اللي تمت او كنسلي الاوردر وبلغيهم ان
حصل تهكير لحسابك البنكي و بالمثل في كل حاجة شوفت حد عمل كدة والعمليات
الشرائية اتلغت و فلوسه اتحولت اوتوماتيك عالفيزا المسحوب منها ورجعت تاني
و وقفي الفيزا او انزلي اسحبي كل اللى باقي فيها علشان ميعملش عمليات تانيه
Manbolen Mohamed
30-07-2023 - 11:33 pm
كل حاجه بقا هكر مش عارفه ليه الناس بتحب الازية كده
Nourhan Magdy
30-07-2023 - 11:34 pm
هكر فعلًا وحصلت معايا ،وقالولي بردو موضوع الغرامه وده حاجه روتينية لازم
نتبلغ بيها ، وفلوسي رجعت في خلال اقل من ٦٠ يوم (البنك الاهلي )
Nadia Mohamed
30-07-2023 - 11:35 pm
اتواصلي مع ابل نفسهم
Ekram Mohammed
30-07-2023 - 11:36 pm
الواحد بقه بيخاف يتعامل بالفيزا ف اي مكان للتهكر 🤦🏻♀️
