Bentaboha Sameh
25-08-2021 - 07:10 pm


استثمار مبلغ 300 الف جنية في شهادات استثمار او سبائك دهب
لو مبلغ مثلا ٣٠٠ الف
انهي افضل شهادات استثمار لمده ٣ سنين
١١ في الميه
و بكده هخدهم ٣٩٩ الف بعد ٣ سنين
ولت اجيب بيهم سبايك دهب بدون مصنعيه تقريبا
بس يا تري بعد ٣ سنين هيذيد اكتر من الشهادات؟؟؟


تريند

التعليقات (53)

Alaa Zahran
Alaa Zahran
25-08-2021 - 08:11 pm

الذهب وسيلة للادخار وليس للاستثمار
Gehad Abd Elsatar
Gehad Abd Elsatar
25-08-2021 - 09:14 pm

مين قالك أن سبائك الدهب بدون مصنعية
Waleed Elsawy
Waleed Elsawy
25-08-2021 - 10:19 pm


Gehad Abd Elsatar

بدون مصنعية بس بيدفع على الختم حوالي ٧٥ ج للسبيكة
Gehad Abd Elsatar
Gehad Abd Elsatar
25-08-2021 - 11:26 pm

ده السبيكه الكام جرام ام ٧٥ جنيه
Gehad Abd Elsatar
Gehad Abd Elsatar
26-08-2021 - 12:35 am

حضرتك السبيكة الbtc فاين جولد ب30جنيه مصنعية على كل جرام من اول 10لغاية 100
Waleed Elsawy
Waleed Elsawy
26-08-2021 - 01:46 am


Gehad Abd Elsatar

اي حجم الدفع مش على الوزن هي سبك و ختم و بيكون معاها ضمان ، و انا مش
جواهرجي لكن ليا صاحبي بيشتري استثمار لأولاده لما يكبرو
Gehad Abd Elsatar
Gehad Abd Elsatar
26-08-2021 - 02:59 am


Waleed Elsawy

انا برده بعمل كده علشان كده برد على حضرتك بناءآ عن معرفة وتعامل
Gehad Abd Elsatar
Gehad Abd Elsatar
26-08-2021 - 04:14 am


Waleed Elsawy

ومفيش حاجه اسمها ضمان ده التغليف بتاعها بس لو اتفك ليخسر استرداد
المصنعية لأن طول ماهى بتغليفها وقت البيع بيتم استرداد نسبة من المصنعية
لو هو اشترى بدون تغليف بيكون بقيمة محدده السبيكه بس لا تسترد وقت البيع
الجنية ال6جرام حاليآ مصنعيته 150جنيه
Waleed Elsawy
Waleed Elsawy
26-08-2021 - 05:31 am


Gehad Abd Elsatar

لو حضرتك بتشتري يبقى أكيد انتي صح بس مصنعية ليه هي للسبيكة مش بيبقى فيها
شغل؟
Gehad Abd Elsatar
Gehad Abd Elsatar
26-08-2021 - 06:50 am

Waleed Elsawy علشان يضمنوا أن الناس متفكش الغلاف لأن الغلاف بيحافظ على
السبيكة من التلاعب علشان كده بيرجعو نسبه من المصنعية كان فيه قبل الاحداث
الاخيره وكوفيد سبيكة سويسرى نسبه نقاء الدهب فيها عالى بس مبقتش متوفرة
بسهوله بس المتاحة ومضمونه Btc زى اللى فى الصورة فاين جولد تابعه لايچيبت جولد
Waleed Elsawy
Waleed Elsawy
26-08-2021 - 08:11 am


Gehad Abd Elsatar

شكرا للمعلومات
وافر الاحترام
Gehad Abd Elsatar
Gehad Abd Elsatar
26-08-2021 - 09:34 am


Waleed Elsawy

الشكر لله
Dody Maro
Dody Maro
26-08-2021 - 10:59 am


Gehad Abd Elsatar

جبتها من السعودية بدون مصنعية وبدون ضريبة بس احتاجت فلوسها بعدها بكام
شهر وجيت ابيعها خسرت تقريبًا ٨٠٠ ريال
Gehad Abd Elsatar
Gehad Abd Elsatar
26-08-2021 - 12:26 pm


Dody Maro

لا ده هنا الضريبة دى أساسي على كل جرام 9 جنيه دمغة وضريبة اما المصنعية
بتتراوح اسعارها هنا
Mohamed Soliman
Mohamed Soliman
26-08-2021 - 01:55 pm


Gehad Abd Elsatar

ده طبعا رقم عالي جدا علشان كده بيشتغلوا الشعب فالتعامل والاستلام من بره
افضل بصراحة الكيلوا ٣٠ الف جنيه مع ان السعر بيفرق عن السعر العالمي ١٠ جنيه
اتقريبا ضعف اللي بجيبه علشان كده المستورد افضل
بس احنا عندنا مشكلة العرض والطلب علي BTC مع ان نقاء السويسري افضل
Ahmed Kamil
Ahmed Kamil
26-08-2021 - 03:26 pm


Gehad Abd Elsatar

اللي ياخد مصنعيه علي السبيكه يبقي بيضحك عليكي
Gehad Abd Elsatar
Gehad Abd Elsatar
26-08-2021 - 04:59 pm


Mohamed Soliman

أيوة السويسرى أفضل بس هما طبعا لمصلحتهم أنهم يعرضو الBtc وحتى الجنيهات
برده بقو يعرضوها ايچيبت ولازوردى وبقى يشكلو فى اشكال السبيكة علشان يغرو
العميل
Gehad Abd Elsatar
Gehad Abd Elsatar
26-08-2021 - 06:34 pm


Ahmed Kamil

كل الجواهرجية بتاخد التعامل مش مع جواهرجى واحد علشان يكون بيضحك عليا
Ahmed Kamil
Ahmed Kamil
26-08-2021 - 08:11 pm


Waleed Elsawy

تجربتي كانت غير كده
Waleed Elsawy
Waleed Elsawy
26-08-2021 - 09:50 pm


Ahmed Kamil

ازاي لو سمحت
Ahmed Kamil
Ahmed Kamil
26-08-2021 - 11:31 pm


Waleed Elsawy


وزن السبيكه في سعر جرام الذهب في ساعتها وكان في مبلغ علي اجمالي السبيكه
ومكتش كبير مفيش حاجه اسمها مصنعيه في عدد الجرامات دي خالص
Waleed Elsawy
Waleed Elsawy
27-08-2021 - 01:14 am


Ahmed Kamil

ده اللي اتقالي من صديق اشتري
قالي انه دفع ٧٥ ج على السبيكة مش على الجرام
Ehab Shehata
Ehab Shehata
27-08-2021 - 02:59 am

رايى الذهب
لانه ميزان لباقى العملات
واستثمار حلال بعيد عن كل الشبهات
خديجة محمد
خديجة محمد
27-08-2021 - 04:46 am

لا يستويان من عدة نقاط
الذهب حتقوم حرب بسببه اخر الزمان من ندرته وارتفاع قيمته
يزداد قيمه كلما مر عليه الوقت
العملات الورقيه تزداد قيمتها انخفاضا مع الوقت
البنوك اديك شايفه السرقه اللي بتحصل للحسابات
وقبل كل ده احل الله البيع وحرم الربا
Haroun Hegazy
Haroun Hegazy
27-08-2021 - 06:35 am

فيه بنك اسمه ميد بنك الفائدة فيه ١١.٢٥٪؜ بتتصرفلك فايدة اول شهر تاني يوم
تشتري فيه شهادات و اعمل حساب فائدة يومية و اظن ده هيكون من احسن الخيارات
Marwa Sayed
Marwa Sayed
27-08-2021 - 10:19 am

اشتري شقه صغيره أفضل واجريها
وائل الدهشوري
وائل الدهشوري
27-08-2021 - 12:14 pm

الحلال افضل
ومن شروط المعاملات الحلال ألا تكون مشترطا مكسبا محددا تحصل عليه. بعد
مرور عدد محدد من السنوات
ولن أزيد
Mohamed Elsayed
Mohamed Elsayed
27-08-2021 - 02:11 pm

ابعد عن الشهادات عشان الحرمانيه وممكن تدور علي النت وتعرف بنفسك ولو حسيت
ان الامر فيه شبهه ابتعد عنه فهو ابراء لدينك وربنا يفتح عليك من عنده
Memaa Meroo
Memaa Meroo
27-08-2021 - 04:10 pm

المشكله فالدهب عليه زكاة ومش بيجيب فلوس شهرياا
يعني استثمار بعيد المدي
وخلي بالك من السرقه
Emad Barakat
Emad Barakat
27-08-2021 - 06:11 pm


Memaa Meroo

وهيا الفلوس او الشهادات معلهاش زكاة مثلا
طالاما بلغت النصاب وحال عليها الحول تستحق الزكاة
زيها زي الدهب
Memaa Meroo
Memaa Meroo
27-08-2021 - 08:14 pm


Emad Barakat

الذهب زكاتة اعلي من الشهادات
غير ان الشهادات بطلع فلوس كل شهر وبتدفع ١٠٪؜ زكاة من فوايدها لو بتعيش منها
الدهب مبيطلعش فلوس كل شهر
اهدنا الصراط المستقيم
اهدنا الصراط المستقيم
27-08-2021 - 10:19 pm


Memaa Meroo

ممكن أعرف طريقه دفع الزكاة على الشهادات لو انا باخددالعائد اصرف منه
Yasmeen Cuppo
Yasmeen Cuppo
28-08-2021 - 12:26 am


اهدنا الصراط المستقيم

الزكاة 2.5% على اصل قيمة الشهادات اللى بيفضل ثابت لمدة سنة مادام بالغ
للنصاب يعنى لو زى صاحب البوست هتشترى شهادات ب300 الف يبقى بعد سنة هتطلع
7500 جنيه زكاة عنهم
Memaa Meroo
Memaa Meroo
28-08-2021 - 02:35 am


اهدنا الصراط المستقيم

بتحسب من العائد ١٠٪؜ يعني مثلا بيطلع فالسنه عائد من الشهادات ٢٠ الف احسب
منها ١٠٪؜ يطلع الفين جنيه
Amir El Zalata
Amir El Zalata
28-08-2021 - 06:59 am


أفضل شيء طالما مش محتاج الفلوس لفترات طويلة نعمل زي ما بيقولوا بالبلدي
كده منحطش البيض كله في سلة واحده
يعني ممكن نقسم جزء في شكل شهادة بنكية تدينا عائد ثابت وجزء في شكل سبائك
ذهبية من بي تي سي

ولو الاستقرار على شراء ذهب فقط على المدى البعيد فنقدر نشتري سبيكة كبيرة
الحجم دي مصنعيتها بسيطة جدا ومن افضل الانواع كوسيلة ادخار وحفظ لقيمة الفلوس

نقدر نتواصل مع صفحة شركة بي تي سي على الفيسبوك BTC

او الرقم المختصر 15057 لمساعدة حضرتك.
Ayman Salem
Ayman Salem
28-08-2021 - 09:14 am

الدهب سعره النهاردة حوالي ٨٠٠ جنيه، عشان يجيب نفس مكسب الشهادة بعد ٣
سنين لازم يعدي الالف جنيه و ده ممكن بس احتمال مش كبير لان بعد كورونا سعر
الدهب هينزل او علي الاقل هيثبت في نفس الرينچ لفترة.
و طبعا سيبك من الدراويش الفتايين اللي بيقولوا البنوك ربا، دول عقول
متحجرة و مش فاهمين حاجة، و اتسببوا في ضياع مئات المليارات من فلوس
المصريين مع النصابين بتوع توظيف الاموال
Mohamed Soliman
Mohamed Soliman
28-08-2021 - 01:50 pm

الشهادات نسبتها قليلة في ٣ سنين ٣٠٪؜
واصلا نسبة التضخم اعلي من الرقم
وبالتالي قيمة المبلغ بعد ٣ سنوات هايكون كأن حضرتك معملتيش حاجة يعني رأس
المال لم يزيد كاقييمة

حضرتك بالنسبة للذهب عليه مصنعية وبتزيد كل ماقل وزن السبيكة
يعني مثلا اشتري سبيكة كيلو او نصف افضل ماتشتري ١٠٠ سبيكة ١٠ جرام

النهارده اونصة الدهب ب١٨٠٠ دولار تقريبا اللي هي 31 جرام في حدود ٢٨ الف
جنيه سعر الذهب متوقع علي المدي البعيد ٣ سنين ٢١٥٠ دولار يعني تقريبا في
حدود ٣٣ الف جنيه للأونصة
من ٥ ال ٦ الاف للأونصة تقريبا
يعني ٢٠٠ جنيه مكسب تقريبي في ٣٥٠ جرام اصل فلوسك في حدود ٧٠ الف جنيه قابل
للزيادة طبعا

ولكن المشكلة سعر تحرير الصرف
النهارده الأونصة اللي ١٨٠٠ دولار
اشترتيها علي سعر صرف ١٥.٦٥
ولكن بعد ٣ سنين اذا قل سعر الصرف هاتكون في خسارة للمبلغ
واذا ذاد هايكون في مكسب اكيد

طيب متشكرين بس انا تلخبط ومش فاهمة
حضرتعملي ٣ حاجات

١٠٠ الف شهادة في البنك والعائد كل شهور او ٦ تشتري بيه شهادة والاستفادة
هاتكون في عوايد اول وتاني سنة من مبلغ الارباح

و١٠٠ الف اشتري بيهم عقود ذهب قابل للقبض ودي افضل لأنك مش هاتدفعي عليها
عمولة كبيرة
ووقت ماتحبي تستلمي الذهب بتستلميه.في حالة تغير سعر الصرف
ولو زاد سعره بتقدري تبيعي الذهب وبيكون معاكي فلوس بارباح
و١٠٠ الف شراء اسهم علي المدي الطويل ودي تحقق في حدود ٢٥٪؜ تقريبا سنويا
بس اختيار الاسهم مهم
ارباح الاسهم وارباح الذهب السنوية حضرتك بتاخديها تربطيها شهادات

وبالتالي حضرتك نوعتي الاستثمار وبعد ٣ سنين حضرتك تقريبا مبلغ حضرتك بيكون
في حدود ٤٥٠ الي ٥٠٠ الف يعني اكثر من ٥٠ في المية من اصل المبلغ
Aya Rabaee
Aya Rabaee
28-08-2021 - 06:34 pm

اشتري شقة في مكان كويس العقار بيزيد و بيتاجر بنفس
قيمة الودايع تقريبا
Mohamed Ezzat
Mohamed Ezzat
28-08-2021 - 11:26 pm

الدهب علية زكاة
د.محمد عبدالفتاح
د.محمد عبدالفتاح
29-08-2021 - 04:26 am

دهب
الأخرى ربا
Judy Khalil
Judy Khalil
29-08-2021 - 09:34 am

الشهادات افضل ولو عملتي مركبه الشهاده يعني كل شهر تعملي بيهم شهاده حتبقي
اكتر من كدا كمان ع حساباتك الدهب مش حيزيد الزياده دي ولا العقار ولما
تبقي تنزل بعد ٣سنبن يبقي يفرجها ربنا ونشوف حاجه تانيه مناسبه
Hassan Shaarawy
Hassan Shaarawy
29-08-2021 - 02:50 pm

الإجابة الأدق ان محدش يعرف الدهب بعد ٣ سنين حيزيد ولا يقل، ده ليه بورصة
يومية. بس جرت العادة لو حسبناها ٢٠-٣٠ سنة اللي فاتوا حيكون طالع اقل من
فائدة البنوك عندنا حاجة بسيطة. الدهب عامة اداة لحفظ القيمة مش للحصول على
عائد
Yasser Elkady
Yasser Elkady
29-08-2021 - 05:31 pm

لا انصح بشراء الذهب الا للاستثمار على المدى الطويل فهو الملاذ الامن فى
حالة حدوث ازمات
العقارات فى حالة من الركود التضخمى يعنى زيادة فى الاسعار وفى نفس الوقت
ركود فى البيع - وزيادة كبيرة فى المعروض - وعلى كلام الريس حتتكعبلوا فى
الشقق - يبقى شراء الشقة بغرض الاستثمار مالوش لازمة - عندك مشروع بتفهم
فيه اعمله - ماعندكش ماتعملش ومتشاركش
AhMed YoUsry
AhMed YoUsry
29-08-2021 - 10:59 pm

لو قدرت تزود حاجه بسيطه وتشتري شقه وتأجرها
يكون احسن ليك

ايجار ف رينج ٢٠٠٠ ج * ١٢ = ٢٤٠٠٠ج
*٣ =٧٢٠٠٠ ج
وبكدا انت بقيت ف الامان
ولا حرام ولا شبه حرام والله اعلم
Muhammad Ezz
Muhammad Ezz
30-08-2021 - 01:46 am

بصي بعيداً عن وجهه النظر الدينيه
ومن وجهه نظر إقتصاديه بحته سعر صرف العملات بيتناقص بمرور الوقت وده ما
يسمي بالقيمه الزمنيه للعملات بإختصار انتي هتودعي قيمة ما ف البنك
هتسترديها بعد عدد من السنوات بزياده علي القيمة الأصليه اللي تم إيداعها
البنك بيعمل إيه بقا وبيحسب القيمة دي إزاي بيجيب نسبة الفايدة التناقصيه
اللي بيثبتها البنك المركزي وبيحسب بعد تلات سنوات قيمة الفلوس اللي
هتودعيها هتنقص اد ايه فلنفترض ان قيمه المبلغ بتاعك ٣٠٠ هكون بعد تلات
سنين بيساوي ٢٠٠ يبقي كده البنك المفروض يعوضك بقيمة النقص اللي هي ١٠٠
ويحط عليهم الفايده اللي حضرتك فاكره ان البنك ابن حلال وعايز الخير ليكي
ولكن اللي بيحصل ان البنك بيدفع أقل من النسبه التناقصيه علشان يكسب من ورا
فلوسك
أما الدهب ف سعر الدهب مقرون بسعر صرف العملات في ما معناه اذا زاد سعر صرف
العمله الدهب سعره هيزيد اذا قل الدهب سعره هيقل وبم ان الاقتصاد العالمي
مربوط بالدولار اللي مربوط بالدهب ف انا أنصحك بالدهب من الفلوس
اما من وجهه نظر دينيه ف الأزهر الشريف علي ما اعتقد حلل انك لما تقرض حد
فلوس ترجعهاله بالقيمه التناقصيه للفلوس واستندوا علي ده بدلائل كتير ممكن
ترجعي للموضوع وتقري عنه وده ما نفاه العديد من العلماء الثقات وان اي قيمه
فوق قيمة الاقتراض ربا فأنصحك بالدهب
وف النهاية لما بشتري دهب ب جنيه وسعر بيعه بكره بقا اتنين جنيه بقيت بتاجر
مش باخد ربا ف أشتري الدهب
😉
Ahmed Abdul Salam
Ahmed Abdul Salam
30-08-2021 - 07:26 am

الدهب مش استثمار الدهب حفظ للقيمة بس ، يعني لو اشتريت دهب وجيت تبيعه بعد
سنه ولاقيت الثمن اقل ما اشتريته دا مش معناه خسرت دا معناه قيمة العملة هي
اللي زادت ، والعكس لما تبيع الدهب وتلاقي الملبغ كبير دا مش مكسب دا
العملة هي اللي تضخمت وقيمتها قلت
Sar Ah
Sar Ah
30-08-2021 - 01:14 pm

الدهب مش حيزودك اوى بجد يا تجاره يا البنك و التجاره مربحه. بشكل غير
طبيعى ال٣٠٠ الف دول ممكن مليون. وشويه فى. سنه بجد وعن تجربه جدا
Islam Elhawary
Islam Elhawary
30-08-2021 - 07:10 pm

11% for three years if you don’t have any fair investment go ahead
Aml Ibrahim
Aml Ibrahim
30-08-2021 - 10:11 pm

يادى الفتى فى الحلال والحرام ..لصاحب السؤال اسأل المختص ولاتسلم نفسك
لفتى السوشيال ميديا
Youssef Abd El Aziz
Youssef Abd El Aziz
31-08-2021 - 04:19 am

من الآخر يافندم الدهب ده لو حضرتك عايزة تحافظي علي قيمة فلوسك علي المدي
البعيد، بمعني الدهب مش استثمار إلا لو هتشتري بسعر معين وهتفضلي مراقبة
السوق بصفة مستمر وتبيعي وقت لما سعر الدهب يزيد بمقدار هيكون بالنسبالك
مكسب جيد، أما شهادات الاستثمار فا من إسمها واضح إنها للاستثمار بمعني لو
حضرتك عايزة فلوسك تزيد وتكون ضامنة الزيادة ديه، ولكن اخصمي نسبة التضخم
من المكسب علشان تعرفي المكسب الحقيقي بعد ما قيمة الفلوس تقل، ونسبة
التضخم حالياً بتتراوح بين ٥٪ ل ٧٪
Omnia Arafa
Omnia Arafa
31-08-2021 - 07:26 am

الدهب كويس بس مش مضمون يزيد ولا يخسر
والشهادات بتكسب اكتر ومضمونه لكن للاسف حرام شرعا الفلوس اللي تيجي منها
فأنت مخير مابين الحرام والحلال
نصار كمال
نصار كمال
31-08-2021 - 10:35 am

مين قالك ان btc بتطلع سبايك من غير مصنعية دي بتبيع السبيكة ال ٢٤ قيراط
زيادة على سعر الجرام حوالي من ٢٩ الى ٣٠ جنية مصنعية وضرايب بعني الجرام
انهارده ب ٩٠٨ هما بيبيعو ب ٩٣٧
Noaman Dorgham
Noaman Dorgham
31-08-2021 - 01:46 pm

ال ٣٩٩ الف هيبقى قيمتهم من ٢٣٠ ل ٢٨٠ الف بعد ٣ سنين ، خليك ف سبايك الدهب
اضمن
|