Sherwet Ahmed
13-05-2018 - 11:21 am

حد عنده خبره يفيدني اتعامل ازاي مع مريض الاكتئاب؟؟ بحيث احسن من حالته واقول كلام يساعده مش يضايقه اكتر لان اي كلمه بتتقال بحساب ومش عارفه اتعامل خالص 😓


دكاترة مصر

التعليقات (54)

Engy Effat
Engy Effat
21-05-2018 - 02:33 pm

يروح لدكتور يتعالج 2
Sherif Shawkat
Sherif Shawkat
22-05-2018 - 06:33 pm

أسأل الله العظيم رب العرش العظيم أن يشفيه
Mostafa Ahmed Alsuesy
Mostafa Ahmed Alsuesy
23-05-2018 - 11:21 pm

وش دوا نفسى
Moshy Taha
Moshy Taha
25-05-2018 - 04:57 am

بلاش لوم او اسأله كتير وبلاش تنتقدي، دايما الكلام يكون كويس ولطيف وتشجيعي ابعدي عن اي قصة حزينه لاي حد 4
Heba Om Yoko
Heba Om Yoko
26-05-2018 - 11:21 am

الله يكون ف عونك .. محتاج زياره طبيب نفسى لان الاكتئاب درجات ولقدر الله لو وصل لمرحله تانيه ممكن يئذى نفسه وانتى مش دريانه واوعى تفتكرى انه موضوع اذى النفس دا بعيد .. دا بيبقى ف لحظات لازم دكتور نفسى ضرورى ولازم ياخد ادويته زى ما الدكتور يقول بالملى .. وطبعا انتى لازم تعدى مع الدكتور وتعرفى تتعاملى معاه ازاى ان شاء الله يكون الموضوع سهل وف اوله ومباخدش وقت ف العلاج واعملى حسابك ان كل ما تتاخرى ف عرضه على دكتور كل ما مده العلاج هتطول وممكن توصل لسنتين لاقدر الله ربنا معاكى ويشفيه ويعافيه يارب 3
Sherwet Ahmed
Sherwet Ahmed
27-05-2018 - 06:33 pm

بيروح وبياخد علاج بس انا مش هعرف اروح للدكتور مش راضي غير اني ف بلد تانيه فمش عارفه اتعامل اوي عالواقع 😓
Heba Om Yoko
Heba Om Yoko
29-05-2018 - 02:33 am

Sherwet Ahmed حاولى تتواصلى معاه وكلميه على الموبيل .. الدكاتره المحترمين بتتواصل مع اهل المريض على التليفون عادى جدا
احمد محمد ابوجمال
احمد محمد ابوجمال
30-05-2018 - 11:21 am

انا نفسى ابقى مكتئب بس مش عارف العيشه حاجه تقرف ومعامله الناس زفت بس مفيش وقت معايا انا مش بهزر لو حد فاكر كده عموما ربنا معاكى انك تلاقى ليه حل
Sherwet Ahmed
Sherwet Ahmed
31-05-2018 - 08:57 pm

الاكتئاب مش رفاهيه .. ربنا ييسرلك امورك
Aya Khaled
Aya Khaled
02-06-2018 - 07:21 am

دا مرض يا أستاذ أحمد إسأل الله العفو والعافية
احمد محمد ابوجمال
احمد محمد ابوجمال
03-06-2018 - 06:33 pm

Sherwet Ahmed والله عارف بس الواحد بيفكر ويقول اكتئب واسيبهم البشريه التعبانه لمين لازم انكد عليهم
احمد محمد ابوجمال
احمد محمد ابوجمال
05-06-2018 - 06:33 am

تصاريف القدر الجميلة امين يارب تسلم
Nada El Sayed
Nada El Sayed
08-06-2018 - 08:57 am

لازم دكتور عشان الاكتئاب من اسبابه تغيير كيمياء المخ و ده بيرجع لطبيعته بالادوية لفترة لا تقل عن ٣ شعور .. الموضوع كبير 5
Sherwet Ahmed
Sherwet Ahmed
09-06-2018 - 11:21 pm

بيروح لدكتور بس مفيش تحسن اوي وبياخد ادويه بتخليه ينام كتير جدا بس طول الوقت احساس الفشل والخنقه وحزن دايم ومفيش ابدا حاجه بتفرحه
Ahmed Nasr
Ahmed Nasr
11-06-2018 - 02:33 pm

الدوا ممكن يعمل كده، بس انتوا كده محتجين معالج نفسي Therapist دايما الدكتور النفسى (psychiatrist) مش بينصح بالمعالج و يقول ملهمش لأزمة. لكن الحقيقة ليهم لأزمة كبيرة و انا شوفتها على واحد صاحبى حاله إتحسن جدا، بس لسه فضلوا شويه على ما الإكتئاب يروح تمامآ
Aya Khaled
Aya Khaled
13-06-2018 - 06:33 am

يبقي مش بياخد العلاج مادام مفيش تحسن او جرعته صغيره
Mahmoud Hussien
Mahmoud Hussien
14-06-2018 - 11:21 pm

ممكن يقول للدكتور انه مش مرتاح عشان يغيرله الدوا. كل واحد بيرتاح علي دوا معين عشان كدة التجربة عادية بس لازم دكتور. وممكن يغير الدكتور، في دكاترة اسلوبها لوحده علاج. وربنا يعافيه ويشفيه عن قريب
Ahmed Nasr
Ahmed Nasr
18-06-2018 - 11:21 am

لازم دكتور، الموضوع مش بسيط خالص، والتأخير مضر جدا و بيطول فترة العلاج، لازم دكتور أمراض نفسية (خريج كلية الطب) وده علشان الأدوية. ولو الحالة المادية كويسة، يبقى زود كمان معالج نفسي يعنى حد خريج علم نفس، ودول بيعرفوا إزاى يتكلموا معاهم و يدربوا للمريض على تمرينات ذهنية. 2
Sherwet Ahmed
Sherwet Ahmed
20-06-2018 - 06:33 am

بيروح لدكتور بس مفيش تحسن اوي وبياخد ادويه
Ahmed Nasr
Ahmed Nasr
22-06-2018 - 02:33 am

Sherwet Ahmed I just reply to your post. You also need Therapist beside the psychiatrist
Ahmed Nasr
Ahmed Nasr
23-06-2018 - 11:21 pm

My friend goes to a therapist in el mohandseen, but she is expensive, 500 LE per session
Esraa Zakaria
Esraa Zakaria
25-06-2018 - 08:57 pm

أهم حاجه متقللش من ثقته بنفسه أو تقلل منه حسسه بقوته وانه يقدر ي تخطي اي مشكله هو فيها وي ريت بلاش تلومه علي أي غلطه عملها وحتي لو هو لام نفسه تحاول توجد له مبرر واهم حاجه تكون جنبه علي طول وتعرفه لنك مش هتبعد وهتفضل جنبه مهما كان ومتخليهوش يقعد لوحده دايما أو يسمع ويتفرج علي مشاكل وقصص حزينه وان شاء الله ربنا يشفيه ويخفف عنه المرحله دي ✋
Amany Mohamed
Amany Mohamed
27-06-2018 - 07:21 pm

شوفى الحاجات اللى بتسعدوا أعمليها لازم دكتور يعرف سبب الاكتئاب وعلاجه والحضن بيفرق كتيييييير اوى ربنا يعافينا جميعاً
Magda Genena
Magda Genena
29-06-2018 - 06:33 pm

الاكتئاب يتطلب علاج دوائى
Osama Rashwan
Osama Rashwan
01-07-2018 - 06:33 pm

دكتور محمد عزت عرفه ممتاز وباذن الله الشفاء التام على أيده
Ekbal El Sayeh
Ekbal El Sayeh
03-07-2018 - 07:21 pm

إذا الدكتور مش جايب نتيجة معاه ممكن تغيريه أو يغير الأدوية. . الله يعينك و يشفيه مهما كنتى متضايقة عشانه أو متعاطفة مستحيل تحسى و يا رب ما تحسى باحساسه الإكتئاب مش مرض الاكتئاب وحش بياكل أحلامه و ينهش أفكاره. . رعب و خوف من شئ مجهول ذهد فى كل متع الحياة ربنا يشفيه و بعافيه. . لو دكتور كويس إن شاء الله تكون فترة و تعدى و بالنسبة للنوم دا بيكون فى الاول و بردو ممكن تغيير مواعيد الدوا فنومه يتظبط ربنا معاكى 2
Sherwet Ahmed
Sherwet Ahmed
05-07-2018 - 08:57 pm

يارب يشفيه ويشفي كل مريض يارب
Nony Ibrahim
Nony Ibrahim
07-07-2018 - 11:21 pm

اشتركى فى رحلة او مصيف الغردقة مثلا جميلة او خروجة فيها ناس جديدة مايعرفهمش..مريض الاكتئاب مشكلته انه بيفكر فى نفسه كتير ومشاكله ومستقبله لكن لما يشوف ناس جديدة يبتدى يراقبها لفترة ويشوف تصرفاتها يبتدى ينسى نفسه شوية ويعيش مع الناس الجديدة اللى حواليه . 2
Shima Gad
Shima Gad
10-07-2018 - 02:33 am

حسب تعليمات المعالج اللي ماشي معاه 2
Zahra Mohamed
Zahra Mohamed
12-07-2018 - 06:33 am

مريض الاكتئاب عايز حد معاه ميفارقهوش لفترة معينة قد تطول يخرجوا مع بعض و يتفسحوا مع بعض ايجاد حلول لمشاكله و ان لزم الامر يروح لدكتور لأن الاكتئاب ده نتيجة نقص مواد معينة فى المخ بتتظبط بالأدوية 2
Doaa Abassi
Doaa Abassi
14-07-2018 - 11:21 am

دكتور نفسي شاطر لو عاوز اسماء اقولك وحسب تعليمات ه وبلاش كهرباء أو أدوية فقط من غير كلام وحبيه الحل الحب والحب هيعلمك تعامل ي ازاي 2
عبير أبو السعود
عبير أبو السعود
18-07-2018 - 11:21 pm

علاج الاكتئاب بدون أدوية والله الشافي المعافي : ١- قراءة القرآن وخاصة سورة البقرة يوميا فقد قال رسول الله صلى الله عليه وسلم: " اقرءوا البقرة فإن أخذها بركة وتركها حسرة ولا تستطيعها البطلة -أي السحرة -" وأكثري من ذكر الله والصلاة على الرسول صلى الله عليه وسلم وكثرة الاستغفار قال تعالى :" وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِّلْمُؤْمِنِينَ ۙ وَلَا يَزِيدُ الظَّالِمِينَ إِلَّا خَسَارًا "(82) سورة الإسراء وقال تعالى : (الَّذِينَ آَمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلَا بِذِكْرِ اللَّهِ تَطْمَئِنُّ الْقُلُوبُ) . اقرأوا الرابط ده لتعرف اثر ذكر الله في علاج الاكتئاب : http:www.kaheel7.comarindex.php7777--1-
Mervat Mosaad
Mervat Mosaad
21-07-2018 - 06:33 am

متركزيش فى الكلام حاولى بس تدعميه وتحسسييه انك معاه وجامبه الخروج مهم جدااااا بلاش يقضى وقت كبير لواحده 2
Ali Farouk
Ali Farouk
23-07-2018 - 02:33 pm

يروح لدكتور نفسى طبعا .. مش عيب و مش حرام .. الاكتئاب مرض قابل للعلاج فى الطب النفسى عن طريق ادويه و جلسات تحليل نفسى .. محدش يكلمه اصلا و لا يحاول يخفف عنه بكلام مواساه لان ده بيزود حالته اكثر 3
Rania Abdallah
Rania Abdallah
25-07-2018 - 11:21 pm

لازم دكتور علشان دا اخطر من اي مرض عضوووي ربنا يشفيه
Islam Al Daghestany
Islam Al Daghestany
28-07-2018 - 08:57 am

أنا جالى إكتئاب فى سنة ٢٠١٢ والحمد لله رب العالمين إتعالجت .. أشرح لحضرتك الموضوع بإختصار لأن أنا متابع التعليقات أغلبها نصائح خاطئة .. أول حاجة الإكتئاب مرض فلازم دكتور ولازم علاج .. العلاج نوعان .. علاج فى صورة دواء .. وعلاج فى القرب من الله سبحانه وتعالى والإكثار من الصلاة وسماع وقراءة القرءان الكريم والذكر .. أنا إتعالجت بدواء إسمه effexor 75 mg وده دواء كويس جداً مش من المخدرات لكن فيه فترة ٣ أسابيع علشان يبدأ مفعوله يبان على الحالة النفسية .. أنا أخدت الدواء لمدة سنتين وبعدها قررت بعد إستشارة الدكتور إنى لازم أواجه مرضى وأوقف الدواء والحمد لله رب العالمين حصل .. إسم دكتورى ( محمد دياب) ربنا يكرمه ويبارك فيه كان سبب ربنا سبحانه وتعالى جعله فى شفائى .. طبعا من أساسيات العلاج تغيير نمط الحياة والبعد عن مسببات الحزن والقلق وكثرة مشاهدة الطبيعة وإن شاء الله ربنا يعفو عنا جميعا ويشفى كل مريض 4
Sherwet Ahmed
Sherwet Ahmed
30-07-2018 - 07:21 pm

يعني حضرتك فضلت متابع مع الدكتور سنتين؟ والعلاج حضرتك فضلت تاخده سنتين؟ وكان بيجيب نتيجه ولا ايه؟ وحمدالله علي سلامه حضرتك
Islam Al Daghestany
Islam Al Daghestany
02-08-2018 - 06:33 am

Sherwet Ahmed اه فضلت اخد الدواء سنتين لكن انا شغال بره مصر فكنت بزور الدكتور مرة كل سنة والدواء أساسى طبعا فى العلاج لأن الإكتئاب سببه نقص فى مادة كيميائية فى المخ إسمها سيترونين حضرتك ممكن تكتبى فى جوجل وحتعرفى معلومات عنها والحمد لله رب العالمين الدواء جاب نتيجة معايا لكن السبب الأساسى القرب من الله سبحانه وتعالى ولازم المريض يتكيف مع الأوضاع اللى مضايقاه فى الحياة 3
Sherwet Ahmed
Sherwet Ahmed
04-08-2018 - 06:33 pm

Islam Al Daghestany تمام جزاك الله خيرا
Hanan El-sayed
Hanan El-sayed
07-08-2018 - 07:21 am

ضروري تلجأي لحد متخصص يساعده يعدي محنته ويساعدك تعرفي ازاي تتعاملي معاه
Jasmine Mohammad Abonasr
Jasmine Mohammad Abonasr
12-08-2018 - 11:21 am

اسألي الدكتور المعالج و عن خبرة احسن حاجة النشاط يعني يعمل حاجة ولو يراعي زرعة ولا يلعب طاولة و عموما الطب النفسي زي اي مجال تاني فيه وجهات نظر و مهارات مختلفة ف ممكن تغيير الدكتور يساعد
Ibrahim Hussen
Ibrahim Hussen
15-08-2018 - 02:33 am

ده شغل دكتور نفسي ممكن من تانى جلسة يضيع الاكتئاب
Radwa Ragab
Radwa Ragab
17-08-2018 - 06:33 pm

معظم حالات الاكتئاب فى المرحله العمريه دى بتكون اخفاقات وتحارب فاشله او حس مرهف وصدمة قويه فى التعاملات الواقعيه غالبا بيتصدموا فى الواقع وميعرفوش يتعاملوا فبيقعوا فريسه للاكتئاب الموضوع محتاج طبيب نفسى كويس علشان هياخد ادويه فتره ولو حالته زى ما ذكرت كده يبقى المعالج النفسى الثقه والف خط تحت ثقه دى هيكون افضل اختيار لان الاطباء النفسى فى مصر اغلبهم فريق الادويه ومعندوش وقت للجلسات الطويله وانه يحلل ويوصل لاسباب المشكله ده بيخصل مع المعالج النفسى ولو المريض شخص قوى هيحط ايده ع تشخيص مرضه الاى سبب اكتئاب ويقرر يواجه وممكن بعد فتره يسحب الدواء واحده واحده ويرحع لحياته طبيعيه مره تانيه وهو عارف مؤشرات الخطر فين ويعرف يسيطر دعموه وخليكوا جنبوا بود وحب وعطف موضوع مرهق جدا ع المتعايشين مع مريض الاكتئاب لانهم هما نفسهم ممكن يرهقوا نفسيا من الوضع فخليكى قويه وربنا معاكى 2
Mahmoud Salama
Mahmoud Salama
20-08-2018 - 11:21 am

ممتاز. أجمل رد فعلا أدق وصف واجمل نصيحة للتعامل . أحدثك من قلب الحدث 2
Sherwet Ahmed
Sherwet Ahmed
23-08-2018 - 04:57 am

هو المعالج النفسي اللي هو استشاري مش خريج كليه الطب صح؟
Radwa Ragab
Radwa Ragab
25-08-2018 - 11:21 pm

Sherwet Ahmed بيكون غالبا اداب علم نفس وبيعمل دبلومة بعد كده وفى منهم متميزين جدا جدا نسيت اقول لحضرتك حاجة مهمة جزء من دعمكوا وجهى المريض وشجعيه ع العمل التطوعى زى اعمال الخير والاعمال الاجتماعيه وده هيكون باشراف السيكلوجيست ده هيخلى فى عنده هدف وهيشكل كتير من فكره واسلوبه وهبساعده ع الانخراط مع الناس والمجتمع
Sherwet Ahmed
Sherwet Ahmed
28-08-2018 - 06:33 pm

هحاول والله بس هو رافض جدا الاختلاط بالناس اوي
Radwa Ragab
Radwa Ragab
31-08-2018 - 02:33 pm

Sherwet Ahmed ايوه ده طبيعى وغالبا خايف وقلقان دايما وفاقد احساس الامان ابدأى بسرعه حلسات العلاج النفسى مع خط الدواء وان شاء الله تطمنينا عليه قريب ويا ريت متخليش جنبه اى حاجة تسبب اذى وتعملى ده من غير ما ياخد باله يعنى شيلى الادويه بعيد عنه والالات الحاده والاخبال وهكذا وربنا معاكى ويعينك
Sherwet Ahmed
Sherwet Ahmed
03-09-2018 - 11:21 am

ربنا يكرمك يارب شكرا
سامية عبد البر
سامية عبد البر
06-09-2018 - 08:57 am

استشيري دكتور أفضل ،ووبصفة عامة هوني عليه الحاجة إللي مضايقاه وبيني له إنها صغيرة وإن الدنيا فلاص كتيرة
Douaa Alsokkary
Douaa Alsokkary
09-09-2018 - 07:21 am

تكوني صديقه... يعني ماتتفارقوش في كل لحظه معاها بالمكالمات او الخروجات بلاش دكاترة نفسيين دول اكبر كدبه
Rafik Fahmy
Rafik Fahmy
12-09-2018 - 06:33 am

لازم دكتور نفسي
Mohmed Salah
Mohmed Salah
15-09-2018 - 06:33 am

حولي متخلهوش يفكر ولا يسرح كتير حولي تخليه يتكلم كتير
Abdullah Yehia
Abdullah Yehia
18-09-2018 - 07:21 am

الحديث غير المباشر الموجه ليه زي مثلا اكلم في التليفون مع حد من العيلة او صاحبي اقوله ( في واحد مكنش لاقي شغل واشتغل في احسن مكان او في واحد حالته المادية اتحسنت كتير او في واحد حصله ظرف او مرض وخف ) الكلام عن الايجابيات ادامه وغير توجهيه مباشرة ليه هيخليه يحس ان في امل ده من الناحية النفسية اما من الناحية الطبية فممكن حضرتك تعملي سيرش في جوجل تكتبي مثلا ( اطعمه تعالج الاكئتاب او اعشاب ) او تكتبي مثلا ( العلاج الطبيعي لمرضي الاكتئاب ) تحاول من خلال النوم والاكل والحاجات المتاحة بدون تدخل دكترة تعالجيه 2
|