معلش يا جماعه اللي عنده تجربه في الموضوع ده .
انا دلوقتي ركبت باب مصفح بس جاي المفاتيح بتاعته من المحل بتاع الابواب .
و انا موسوسه شويه. مش ممكن حد شغال في المحل يكون طلع عليهم و يجي يسرقنا و يقتلنا ؟ اضمن ازاي أنه مش معاه نسخه من المفاتيح ؟ و تقريبا مستحيل اغير قلب الكالون و اجيب قفل تاني .
"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
التعليقات (55)
متنسيش كاميرات قدام الباب وفالصاله والبلكونات تحسبا للمستقبل برضه
ع فكرة صاحبتي فعلا ركبو باب مصفح وبالفعل العامل اللي جيه اثناء التركيب عمل نسخة ع المفتاح ودخل الشقة وسرقهم ع الرغم انها مفاتيح كمبيوتر
دنتي نسخه مني بقي مع ان باب شقتنا خشب زان بتاع زمان ده ابو 200 جنيه بس لسه متسرقناش تخيلي
المفاتيح ما بيطلعش عليها بيبقى كومبيوتر وانتى اول حد بيفتحها.... عدى النسخ اللى معاكى... لو عددهم مظبوط اتطمنى و الباب بيبقى فيه قفل من جوة اصلا او استخدمى المفتاح... و لو قلقانة هاتى الشركة و غيرى القلب...
ليه مستحيل تغيرى الكالون روحى عند اى محل كوالين بعيد جدا عليكى واشترى واحد وخلى اى حد قريب منك يركبه
مع الاحترام الكامل لكل الاراء دى . اولا الموضوع بسيط جدااا مش مستاهل كل الرعب دا . اولا اى قلب فى الدنيا بتغير و تغيره سهل حتى مش محتاج نجار دا مسمار بيتفك ??وبعدها نشيل القلب و ندخل القلب التانى و نربط نفس المسمار? وهو تصميم الكالون بقلب يتغير علشان كدا نقدر نغيره فى اى وقت . و ياريت تجربى كدا فى اى باب اوضه عندك .
ثانيا يعنى ايه بيتى مصدر الامان ابقى مطمن فيه بأن قافل ترباس او حاطط مفتاح من جوا ليه هو انا قاعد فى فندق?? طيب وانا برا هطمن على بيتى ازاى !!! .وزى ما قولت قبل كدا الابواب المصفحه قوتها فى الخامه بتاعت الباب اما الكالون دا كالون نضيف و خلاص و موجود فى السوق واقدر اجيب قلب لكالون.
سؤالك مهم، في الامارات محلات النفاتيح بتراخيص و بياخد صورة من بطاقتك و انتي بتطلعي المفتاح و عليهم رقابة مباشرة من امن الدولة و بتاخدي فاتورتك... ده اللي المفروض يتعمل هنا
المفتاح مستحيل يطلع عليه وبيبقي خمس نسخ الأصلي وثلاثه الأمان ريحي نفسك واطمني بلاش وسوسه
اولا ...انا طلعت نسخة للمفاتيح بتاعة الباب المصفح من محل مفاتيح عادى ثانياا ..بيديكى نسخة 4 مفاتيح حمراء.... بتستعمليها وقت التشطيب... وبعدها 4 مفاتيح سوداء...اول ما تدخلى المفتاح فى الكالون ..بيتلغى استعمال الحمراء كانك غيرتى الكالون...ودى كانت شقة مش انا اللى شارية الباب...وكنت عارفة ان اللى شارى الباب استلم 4 مجموعات مفاتيح باربع الوان
اشتريت سلعه من سوق دوت كوم و عايزه ارجعها←
ايه هو أضعف تردد علي النايل سات→