"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
التعليقات (43)
انا نظري بيضعف بعد ماعملت الليزك و كل فتره بيقل عن اللي قبلها ومفيش مقاس مريحني
الفرق بين المقاس الجديد والقديم في عين واحده فقط القديم كان sphere -0.5 ومفيش cylinder ولا axis الجديد cylinder +0.25 و مفيش sphere وال axis 70 انا عارفه ان الارقام بسيطه بس ملاحظة من وقتها ان بدأ يبقى في حول بسيط ناحية الانف تدريجي بيزيد من وقتها
انا في رأيي بالمقاسات دي مايلبسش نضارة اصلا !! نص سفير ولا ربع سليندر دا الطبيعي في اي بني ادم والعين بتقدر تغطي الارقام الصغيرة دي لوحدها
Sameh Badwy مش ممكن تتخيلي انا لما لبست النظارة القديمة دي قعدت بيها سنتين فرقت معايا ازاي.. انا يوميا حوالي 12 ساعة قدام اللاب وكنت كل يوم بضطر اخد مسكن.. من بعد ما لبستها مبقتش اعرف حاجه اسمها مسكنات الحمدلله.. المشكلة كلها بدأت بعد ما غيرت النظاره بفتره ولقيت عيني بدأ يحصلها كده
هو نادرا ما بيكون النص دا مؤثر بشكل فعلي .. ممكن ترجعي للطبيب تاني ويعملك مقاس نظر تاني ع العلامات او البروجكتور ويعرف اي مقاس فيهم اللي مريحك اكتر .. بس زي ما قلتلك بنسبة 90% النص دا لا يؤثر في شئ
النقطة الاهم ان المقاسين يعتبروا واحد .. فيه حاجة اسمها transposition لمقاسات العدسات .. لو عملناها للمقاس التاني هيطلع المقاس كالتالي s : -0.25 c : 0 A : no axis الفرق بينه وبين المقاس الاول اية بقي
عموما زي ما قلتلك الافضل ترجعي لطبيبك وتعيدي مقاس النظر تاني علي العلامات
الدكتور وقتها تعبت معايا جدا بصراحه وقاستلي كمبيوتر وكمان ع العلامات وجربنا عدسات بس فضلت مش قادره احس بفرق.. فحطتلي قطرة وقاست تاني كمبيوتر.. بصراحه عملت اكتر من اللي المفروض تعمله بس فعلا معرفش في ايه
في شغلي لما بيجيلي حد بالمقاسات دي بعد ما اخلص كل فحوصاتي بقوله يركن النضارة ويتابع معايا بعد اسبوع .. بيلاقي الامور اتظبطت جدا ولبس النضارة بيضايقه لان عينه بتكون قدرت تغطي الربع او النص دا بالفعل
تمام كده هجرب ملبسهاش شوية وهروح للدكتور بإذن الله.. شكراً جدا :)
انتى عملتى ليزك وفى دكتور قالى ان الليزك بيعمل نسبة مياه بيضا بسيطة بيخلى مقاسات النضارة مش مظبوطة وكل مرة الكمبيوتر يقرا مقاس مختلف حتى كنت جربت العدسات اللى عند الدكتور عشان ياخدلى المقاس وبرضو مكنتش مريحانى
طيب في الاخر استقريتي على ايه ... والدكتور اللي روحتيله فين مكانه؟؟
مية بيضا من ليزك انا ماشفتهاش ف حياتي ولا في الكتب ولا عمرها اتقالت حتي في مؤتمر
عايزة دكتور تخسيس في مصر الجديدة كويس وعن تجربه←
حد يعرف دكتور اطفال شاطر فى الهرم→