من فضلكم
حد له تجربة مع حج القرعة ؟
ناس كتير بتقول انه بهدلة وناس كتير بتقول ممتاز ؟
"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
التعليقات (29)
الحج عامة فيه مشقة عن العمرة لكن ما اعرفش مستوي حج القرعة بصراحة عامل ازاي
فيه ناس كتير قالت انه سىئ ياريت لو تشوفى شركه سياحه احسن ويكون مستوى سياحى مش اقتصادى عشان الاقتصادى برضو وحش
ثلاثه ارباع شعب مصر اللى راح الحج راحوا عن طريق حج القرعه الحكومى .. التسكين هناك يخضع للحظ و الصدف و الوسايط احيانا لان العدد كبير جدا ممكن تلاقى نفسك ساكن فى مكان بعيد و غيرك فى مكان قريب و الاثنين حج قرعه و هكذا كل التفاصييل فى الاتوبيس او خيام عرفات او مبيت منى
تبع الشرطة لا بهدلة وبالذات الفترة بتاعت مني والمزدلفة وعرفات واي بهدلة ربنا ما يكتب عل حد الخضة وحرقة الدم ومينفعش حد كبير يطلع لوحده لازم شباب من ولادك يبقوا معاك انا بحمد لله وبشكر فضله ان ماما رجعت بالسلامة شركة سياحة احسن
والله يا اختي شركة السياحة طلعت نصابه ولا كان في بار كود ولا حاجه واتطوفنا واتبهدلنا اخر بهدله وندمت اني ما عرفتش بالقرعه بس ربي يسرهالي بالتاشيره ووفرت علي كتير الصراحه والعبادة والله العظيم والفرحة بتقوي هتروحي مع شركة سياحه قبل ما تطلعي المطار يكون معاكي الباركود اهم حاجه بقولك في المطار في الطياره مفيش كلام من ده اهم حاجه الباركود وتكشفي علي الشركه علشان اتبهدلنا اول يومين وشركه ايه سنه ورنه ههههههههه
بصي عن تجربه حبيبتي كنا العام الماضي في الحج كان معانا ناس بتحج ب٥٥٠٠٠ وناس بتحج ب٩٠٠٠٠ وناس بتحج ب١٣٥٠٠٠ وناس ب١٦٠٠٠٠ وانا شخصيا علشان كان معايا التاشيره ب٣٥٠٠٠ غير التذكره كلنا زي بعض في مكان واحد نفس الاكل نفس الوجبات خصوصا في عرفات ومني كله زي بعضه وحق كتاب الله اللي بيفرقوا اللي ب٣٠٠ الف فيما فوق لو ربك اراد صدقيني هي هي بس تسقطي الفريضة وربنا بيقوي
يا قلبي اسألي علي الفنادق في مكه فترة التحسين دي اللي قبل عرفه وفي المدينه وادخلي اعملي بحث الكل اتوبيسات واحده وربنا عرفات ومني زي بعض هي دي الفتره المتعبه وكله زي بعضو ربنا يقدرلك وتروحي كله زي بعضه اللي بيفرق ابو ٣٠٠ الف الفنادق والله يعزك الحمامات نصيحتي لكي هتروحي تبع اي حاجه اول ما تدفعي مليم حاجتين تشوفيهم بعينك الباركووود والبرنامج بتاع الرحله تمام بالباركوود تقدري تشتكي وتطلب عينهم في وزارة الحج هناك والسياحه المصريه في برج الصفوة جنب الحرم غير كده مفيش اي ضامن ومش هتعرفي تطولي حاجه ربنا يكتبها لك بس وادعي لنا بالعوده تاني وامانه بلغي سلامي لرسول الله
انا هو بهدلة في منى جدا جدا جدا وعرفات نص نص وانت وحظك في فنادق الإقامة في مكة ممكن يكون مكان قريب من الحرم وممكن يكون مكان بعيد لازم تركبي تاكسي تاكسي للحرم
...السكن قريب من الحرم المكي ودي اهم حاجة.... الاعاشة عليك انت وده احسن... خذي معاك ليمون وبرتقال ونواشف من المخبز بس...مطاعم الوجبات متوفرة ومعقولة ومبروك مقدما وربنا يكتبهالك ولا تنسي الدعوات
هل المنتجات المستوردة من الصين ممكن تحمل فيرس كرونا←
اشتري منين بدله رسميه فورمال بنات بسعر معقول→