"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
30-10-2017 - 07:30 am
السلام عليكم انا من حوالي شهرين حسيت بالم وحرقان ف المعدة الاول كان في انحاء المعدة وفي الاخر ارتكز في الجمب اليمين روحت لدكتور باطنه قالي اعملي اشعة عملتها وبعد النتيجة قالي روحي لدكتور جراح روحت للجراح دخلني عمليات وعملت الزايدة بعد العملية بحوالي اسبوع حسيت بنفس الالم تاني رجعت للجراح قالي عادي من العملية وللاسف الالم بيزيد كشفت عند دكتور جهاز هضمي قالي قولون ملتهب وكتبلي علاج خدته مكملتش في معدتي ربع ساعة وقلب معايا باسهال وترجيع والم فظيع ف عضلات البطن وسخونية وقفته وروحت لدكتور تاني غيرلي العلاج وبرضه نفس الاعراض مش عارفة اعمل ايه انا باتعذب بمعني الكلمة لو حد يقدر يفيدني اروح لدكتور متخصص في انهي مجال # ملحوظه قبل كل الكلام ده كنت باخد برشام تخسيس اسمه starvex بس الاعراض ديه ما ظهرتش الا بعد ما خلص
التعليقات (42)
لازم اشعة مقطعية على البطن....منعا للتضارب ده و لدقة التشخيص. 2
من الاخر أنا نفس اللي حصل بالظبط هتعملي منظار معدة هتلاقي في نزيف من المعدة وغالبا من دوا التخسيس وهتعملي تحليل جرثومة المعدة العلاج بياخد شهرين 2
انصحك ب دكتور صلاح الغزالى حرب 22 عمارات الاوقاف بالدقى بس ربنا يعينك فى الحجز عنده هو امراض باطنه وهيفيدك صح
متهيالي دي اعراض المراره... عشان نفس اللي حصلي وبردو قالوا زايده... اعملي اشعه واتاكدي ان المراره فيها حصوات ولا لا 3
بصي احسن حاجه تعملي منظار معده وقولون وده اللي بيقطع الشك باليقين لأنه من خلاله حيتم التشخيص صح أن شاء الله وعلي أساسه بتاخدي الدوا المناسب ...متروحيش كل شويه لدكتور وكل دكتور حيقولك تشخيص فبلاش واختصري المسافه والعملي تنظير معده وقولون ...وشفاك الله وعافاك
احييييييه..انا عندي نفس الاعراض..وفعلا كنت باخد نفس الكبسولات دي..بس اخدت شريط واحد لمده اسبوع ووقفته..انتي كده قلقتيني
يا جماعة الخير....اعراض التهاب او حصوات المرارة...بتبقى.... الم شديد( اسفل) القفص الصدرى مباشرة ناحيه اليمين و ممكن فى( خلف) القفص الصدرى برضه ناحية اليمين....و ممكن الالم يسمع برضه فى الكتف اليمين...و بيبقى ألم شديد و غالب بيجى بعد اكلة دسمة او غنية بالدهون.....عافنا الله و عافكم.
جربي الوصفه دي و مش هتندمي تجيبي ليمون ناشف من عند العطار و تطحني لكل ٣ ليمونات معاهم معلقه سكر كبيره و تاخدي قدر معلقه شاي من الخليط كل يوم الصبح علي الريق هتحسي بالفرق من اول يوم سلامات
حد يعرف دكتور اسنان شاطر في حدائق الزيتون←
حد يعرف اسم ورقم دكتور جراحه اورام ثدي عن تجربه→