ريفيوهات مدرسة Capital gate school التجمع

عن تجربه قديمه عالم نصابه و البوليس هناك كل شويه و نصبو فالمصاريف
الدراسيه و مدرسه مش مترخصه و مصاريفها القانونيه ١١ الف مش ٢٧ الف وعليها
شكاوي كتير فالوزاره و اتسحب منها فكره سيمي انترناشونال لانها مخالفه .. و
اي حد يقولك حلو و فظيعه و تحفه لو دخلتي علي البروفيل بتاعهم هتلاقيهم
شغالين فالمدرسه و ادمن للجروبس بتاعتها

Shimaa Yousif

انا مش ادمن و لا شغالة في المدرسة و كنت في مدرسة تانية ليها اسم كبير و
حولت لبنتي السنة اللي فاتت لكابيتال جيت.
و بقول انها كويسة جدا و لكن مفيش مدرسة كاملة.
ياريت حضرتك تتحري الدقة في اتهامك للاخرين.. ولو هي تجربة قديمة ياريت
تخلي اصحاب التجربة الحالية او المستمرة يقولوا رايهم.

Rehab Mahmoud
انا
ممنعتش حد يقول رايه الكومنتات مفتوحه و حضرتك تقدري تتحرى الدقه في كم
الشكاوي و النصب علي اولياء امور كتير و كم من مره الشرطه راحت هناك و
المول الي عايزين يعملوه عشان مش عايزين يرجعو الفلوس الي اولياء امور
طالبت بيها خصوصا بعد ما الوزاره قررت ان المصاريف مش قانونيه .. انا بحذر
الناس من دخول تجربه مش مضمونه لمدرسه سمعتها سبقاها و مصاريفها نفس مصاريف
مدارس تانيه كتير ليها اسم و فالاخر كل واحد حر ..و بردو مش هغير راي في ان
اغلب الناس الي بتشكر جامد فالمدرسه اغلبهم موظفين فيها او ادمن فيها لاني
كنت من اوائل الدفعات فالمدرسه اول ما المدرسه فتحت و عارفه بقول ايه كويس
اوي لان اغلب الموظفين فيها هما اولياء امور لان المدرسه كانت جديده و
مفيهاش موظفين

Shimaa Yousif

زي ما قلت لحضرتك. مش اغلب اللي بيشكروا فيها موظفين و لا ادمن و لا الكلام
ده. اولياء امور عادييين جدااا لا ليهم منفعه و لا سابق معرفة بالمدرسة و
اصحابها و لكن اولادنا مرتاحين فيها و بنعبر عن ده. الشئ الوحيد اللي بينغص
علينا هم اولياء الامور اللي حضرتك بتتكلمي عنهم اللي عاملين مشاكل طول
الوقت و ادعاءات و اخذ مشاكل اولياء امور اخرين و تكبيرها و ابرازها للحصول
علي منفعه ليهم.
و سؤال: مدرسة ايه حضرتك اللي ب ٢٦٠٠٠ و فيها نفس الخدمة.
طيب سؤال اخر مدرسة ايه حضرتك اللي تخلو من العيوب و كاملة
سؤال اخر حضرتك شاغله بالك قوي كده ليه و اصلا حضرتك مش موجودة بالمدرسة
حاليا؟؟؟؟؟
عموما انا مش داخلة في نقاش مع حضرتك او حد اخر و لا هوزع اتهامات زي ما
جروب اولياء امور المشاكل ما بيعمل. لكن حبيبت ارد فقط
عشان حين يسكت اهل الحق عن الباطل. يظن اهل الباطل انهم علي حق....

Rehab Mahmoud

اولا اه انا مبقتش فالمدرسه خلاص و روحت مدرسه تانيه افضل بكتير و مريحاني
و بقول واقع تجربتي كا اي شخص طبيعي جرب المدرسه حد بيسال ايه رأيكم يا
جماعه فالمدرسه الفلانيه و الناس بتجاوب او بالايجاب او بالسلب و الشخص الي
بيسال ليه حريه الاختيار بعد كده .. و في ناس كتير مجاوبه بالسلب بس واضح
انه حضرتك مضايقه مني انا بس مش عارفه ليه ? و في ناس مجاوبه بالايجاب و
انا مروحتش قولتلهم انتو بتشكرو فيها ليه كل واحد حر .. فا اظن انه من
الواجب لما حد يبقي محتار في شئ و غيره مر بالتجربه فيها واجب انه يقوله في
اي حاجه بقي مش فكره مدرسه وخلاص ..ثانيا اه في اولياء امور كتير بيعملو
مشاكل علي الفاضي و دماغهم فاضيه و بشوفهم بس انا الحمدلله مش منهم و علي
فكره انا كمان كانت بنتي مبسوطه فيها جدا و متعلقه بالمدرسين بتوعها جدا و
كانت بتحب تروح هناك بس مش معني انه بنتي مبسوطه فا يتنصب عليا فالفلوس
عادي و يبقي تعاملهم مع اولياء الامور بطريقه سيئه ده بردو يبقي عادي.. انا
الحمدلله قدرت اخرج و معايا فلوسي غيري معرفش و لسه في ناس اعرفهم لحد
دلوقتي بيحاولو يخرجو و مش عارفين و مش عارفين ياخدو فلوسهم ... ثانيا
طبيعي انه مفيش مكان الناس متفقه عليه بس الشخص بيشوف هل نسبه العيوب الي
اعلي ولا المميزات فا اعتقد انه لما مدرسه تكون بتردد عليها الشرطه اكتر من
مره و شكاوي اكتر من مره يبقي اكيد في حاجه غلط ... و في مدارس كتير كويسه
بنفس المبلغ و بردو فيها مشاكل بس علي الاقل مشاكل مقبوله مع اني بردو ضد
فكره انها بسته و عشرين الف لان الوزاره حددت المصاريف القانونيه بس مش
مشكله .. فا انا مش شاغله بالي بمدرسه حد انا شوفت سؤال و جاوبت عليه و
صاحب البوست حر فالاختيار

Shimaa Yousif


مضايقة من حضرتك!! ? شخصيا يعني.
ياريت بس انا معرفش حضرتك خالص. تعليقي علي حضرتك اختلاف و ليس خلاف.

حضرتك مقولتيش رايك في المدرسة و خلاص. صدقيني عمرى ما كنت هعلق لانها حرية
علي الرغم ان بردو عندي تحفظ ان حضرتك مش موجودة و بتقولي رايك. ما جايز
المشاكل اللي بتقولي عليها اتحلت ما جايز بقت افضل بكتير. راي حضرتك اللي
بتقولي انه بتفيدي به غيرك بالعكس ممكن يبقي ضرر لانك غير متواجدة اصلا
للحكم. عموما مش دي نقطتي خالص انا علقت
علي حضرتك بسبب اللي قلتيه و اتهامك لاصحاب التعليقات الايجابية مش فهمه
خالص ثقة و تاكيد حضرتك جي منين بصراحة بوصفهم ادمن و مش عارفة ايه...

و اخيرا بقي لو حضرتك فعلا تحبي تفيدي ياريت تذكري مدرسة او اتنين من
الكويسين جدددا اللي حضرتك قولتي عليهم في اخر تعليق وياريت يكون فعلا عن
علم بمصاريفهم و مستواهم. شكرا لحضرتك

Rehab Mahmoud

هرجع و اقول لحضرتك في كومنتات سلبيه زي الكومنت بتاعي تقدري حضرتك تروحي
تساليهم اذا كانو مقيضين فالمدرسه ولا لا .. ولا حضرتك مش شيفاهم !!!! و لو
في حد قرأ الكومنتات بتاعتي و حب يعرف عن المدرسه الي فيها بنتي معنديش اي
مشكله اني اجاوبه و هقوله العيوب قبل المميزات كمان عشان المصداقيه و
الشفافيه ?اما عن المدارس التانيه لو حد حب يسال فيها هبقي اساله صحابي
الي اطفالهم فيها و بردو هقولو العيوب قبل المميزات فا لو حد حب يستفيد مني
يجي يسالني ?? و لو حد حب يعرف تفاصيل المشكله الي انا مريت بيها بردو
يجي يسالني وانا هقوله التفاصيل .. و انا قولت انه الميزه الوحيده انه بنتي
كانت مبسوطه بس مش عشان هي مبسوطه ارضي انا بالنصب مش بردو حين يسكت اهل
الحق عن الباطل يظن اهل الباطل ان الباطل حق

Rehab Mahmoud
و
علي فكره اتمني انه تكون المشاكل اتحلت بس لا اظن لانه مازالت الكومنتات
السلبيه اكتر بكتير بمجرد ما يذكر اسم المدرسه دي في اي جروب .. اتمني انه
الناس المبسوطه فيها يفضلو مبسوطين فيها

Shimaa Yousif

?? اولا ميرسي عالاقتباس كنت اتمني تقوليه في موضعه بس ما علينا.
ثانيا لا اعتقد الاراء السلبية هتقف قريب لان في متطوعين كتير بره المدرسة
و لكن لسه بيقولوا رايهم زي ما هو واضح.

ثالثا اتمني وجود رد فعل قانوني سواء ضد المدرسة او ضد اولياء الامور اللي
عماله تتكلم عليها عشان نضع حل للتهريج ده.

و اخيرا واضح ان حضرتك ان احنا الاتنين عندنا رغبه في وقف التعليق. فانا مش
هعلق تاني علي حضرتك الا في حالة الخوض في اولياء الامور مرة اخري.
شكرا لحضرتك

Rehab Mahmoud

العفو و اتمني انه حضرتك تفضلي انتي و اولادك مبسوطين فالمدرسه و بالتوفيق
ان شاء الله

Shimaa Yousif

انا لا ادمن ولا شغاله ف المدرسة ولا بشتغل اصلاً و بقولك كلامك كله غلط ف
غلط انا بنتي ف المدرسة و المدرسه فعلاً ممتازة و فظيعه و كل حاجه حلوه جداً

Dina M. Moussa

بالتوفيق ?

Shimaa Yousif

لو حضرتك حولتى، ممكن تنصحينى احول فين؟

Mira Walid Sery

متتعبيش نفسك يا فندم. مش هتلاقي معلومة مفيدة تتقال لحضرتك. ولو في هيكون
في inbox كأنه عيب نفيد بعض. الغرض من اهانة المدرسة مش مفهوم و غريب.
ازااي اولياء امور مبقوش موجودين في المدرسة و يبدوا تقييم. انا فعليا مش
فاضية ابص ورايا و يا دوب مركزة في مدرسة ولادي الحالية. لو قريت post عن
مدرسة بنتي السابقة مش هرد سلبا ولا ايجابا لان اهل مكة ادرس بشعابها.
الله وحده اعلم بنواياهم و لكن لكل شئ نهاية ان شاء الله..

Rehab Mahmoud

واضح انه لسه حضرتك مضايقه بردو معلش ? هو الموضوع مش حرب و لو انا باخد
فلوس لترويج عن اساءه سمعه المدرسه هبقي اقولك ..?

Mira Walid Sery

المدارس المصريه الرسميه الدوليه و مدارس الفيوتشر زي عثمان ابن عفان
فالرحاب دول في رنج العشرين الف .. المدارس المصريه بتفتح في شهر ٢ او ٣