"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
08-03-2018 - 01:32 am
البوست ده معلومه عرفتها عاوزه افيد بيها الناس وكمان سؤال كنت عند دكتور عيون كبير جداا ومشهور ؛ سالته علي العدسات الملونه الثابته ؛ قالي موجوده ومش واخده موافقه من منظمات الصحه العالميه وضارة ؛ قلت له واللي بتتفك وتتركب قالي صلاحيتها شهر وتترمي قالي الناس بتنصب وتضحك علي غيرها وتبيع غالي ويقولوا ماركة وصلاحيه 6 شهور وده غلط وبيعمل قرحه في القرنيه مع الوقت ويضعف البصر وممكن مضاعفات اكتر ؛ لو عاوزه تحافظي علي عينك ؛ صلاحيه اللينسز شهر وارمي وهاتي غيرها اي كان تمنها ؛ ده غير طبعا تتفك بليل وتتحط في المحلول سؤالي بقي لو حد يعرف مصدر محترم اشتري منه اللينسز بجوده محترمه وسعر معقول لان كده كل شويه هارمي واجيب ؛ لان المكان اللي قالي عليه غالي اووي ومش هاقدر كل شهر اجيب منه وارمي
التعليقات (64)
ماشي يا دكتور بس العيون الرمادي احلي من السود يا دكتور ؛ نفسي تبقي بالالوان مش ابيض واسود
ايوة اومال بقول ايه من بدري ?? مابنصحش بيها غير للي محتاجها طبيا وفي اضيق الحدود لو النضاره فيها مشكلة بالنسباله و بس
ازاي بس دا الاغاني كلها بتغني للعيون السود ? و خدي المفاجأة دي بقي .. مفيش حد عينه سوداء فعلا خالص .. درجة غامقة من البني بس
لالا انا اسود مايله للرمادي بس اللي يدقق فيها؛ لكن اللون السائد اسود
ماهو انا برضه عاوزه اعمل لوك جديد وخايفه التمن يكون غالي اووي وملوش علاج
هي مشكلة بس انا اخاف فعلا اوووي بالذات ان البيت كله نظره ضعيف جدا وشايفه معاناتهم بس انا مش هلبسها دايما العدسات لكن النضاره هل فيه فعلا حفظ نظر وكده ولا كله هري
لا في حفظ نظر ؛ بس مش لوك حلو ده ؛ اقولك البسيها علشان مش يحسدوكي ؛ كأن نظرك ضعف زيهم ؛ تمويه يعني هههههههه
لا مفيش حاجة اسمها حفظ نظر بس عاوزه تلبسي نضاره كشكل مفيش مشكلة عادي .. اي مركز بصريات او حتي محل نضارات و قوليله محتاجة عدسات نضارة من غير مقاس ازاز بس .. لكن لينسيز بلاش وافتكر اني قولتلك بلااااش 2
نصيحة العيون دي اغلي حاجة ف وش الإنسان .. اياكي و الاقتراب منها لمجرد التجديد
محتاج دكتور انف واذن يكون شاطر وعن تجربه←
رقم تليفون دكتور عظام شاطر→