دكتور علاج اورام ورأيكم في د حمدي عبد العظيم

Dalia Gholam

21-09-2017 - 04:29 pm

ممكن اسئل عن دكتور متخصص لعلاج الأورام في ناس مرشحة د حمدي عبد العظيم المهندسين مركز مصر لعلاج الأورام الحديقة الدوليه لو في ترشيحات أفضل منهم أو لو حد أتعامل معاهم اتمني حد يساعدني

التعليقات (51)

Ali Farouk

24-10-2017 - 04:29 am

انصح حضرتك باسمين عن تجربه شخصيه : د.محسن برسوم فى الدقى و د.مصطفى الصيرفى فى مصر الجديده .. فيه كمان د.كريم مشهور اللى كان شغال مع حمدى عبدالعظيم و كان اكثر واحد بيفهم فى المركز و دلوقتى شغال لوحده عيادته فى المعادى على ما اسمع لكن مش عارف فين بالظبط 2

Moataz Omran

25-10-2017 - 10:05 pm

أورام باطنة ولا جراحة ؟

Ali Farouk

27-10-2017 - 04:29 pm

طالما ذكر فى كلامه حمدى عبدالعظيم يبقى عايز اورام باطنه و علاج مش جراحه

Dalia Gholam

29-10-2017 - 11:41 am

مظبوط باطنه

Ali Farouk

31-10-2017 - 07:41 am

نصحت حضرتك باسمين كبار و اسم صغير لكن ممتاز جدا و كلهم عن تجربه شخصيه مع والدتى و مع قرايب

Dalia Gholam

02-11-2017 - 04:29 am

أستاذ علي أنا بشكرك علي اهتمامك بس أنا مصدومة وفعلا مش عارفة اخد قرار ولا ابتدي منين فباخد رأيكم

Ali Farouk

04-11-2017 - 02:05 am

ما تتصدميش و لا تخافى .. ده قدر ربنا سبحانه و تعالى و ابتلاءه لعباده .. زى ما خلق المرض جعل الطب و الدواء سبيل للشفاء باذنه .. البدايه الصح هاتكون مع اسم كبير زى محسن برسوم او الصيرفى ( ارجح محسن برسوم فى البدايه اول مره عن الصيرفى لان اسلوبه اهدى و بسيط شويتين بينما الصيرفى جاف شويه فى كلامه) .. مركز حمدى عبدالعظيم مش هاتشوفى فيه حمدى عبدالعظيم نفسه الا مره واحده او مرتين و اللى هايتابع مع الحاله دكتور من المساعدين حسب نوع الحاله و دول مش كلهم كويسين و فيهم دكاتره لسه بيتعلموا غير انه مادى شويتين ثلاثه ..