حد جرب يشترى أسهم في البورصه المصرية

Wael El-Mulla
التوقيت كويس بس للي فاهم ومتعلم

Essam Hassan
للأسف السوق المصري خارج اي حسابات منطقية انا اشتغلت محلل مالي في عز البورصة وكانت مأساة لو الفلوس مستغني عنها وممكن يصبر ممكن يكسب بعد فترة، انما حاليا وبالمبلغ ده الافضل ما يغامرش

اولا لو ما عندكش اي معلومات عن الاسهم و ازاي تاخد قرارات بيع وشرا ف مافيش داعي تدخل البورصة لان مش هتتعلمها في كام يوم... لو مهتم اوي تدخل تابع مدة طويلة لحد ما تحس انك فاهم وساعتها ادخل بفلوسك .. انا اهتميت البورصة سنين (سنتين تلاتة) قبل ما ادخلها ..سواء متابعة وقراية وكورسات .. ثانيا في ناس بتعتمد على شركة الاوراق المالية تديها نصايح بس مش هتاخد نصايح عليها القيمة الا لو عميل كبير وحسابك (محفظتك) بمبلغ كبير .. بالمناسبة عشر الاف مبلغ مش كبير خالص في البورصة هتعتبر من صغار المستثمرين .. ثالثا نسبة مكسبك في البورصة مالهاش اي قوانين.. عملية ممكن تكسب فيها مية ف المية او خمسين في المية وعملية تكسب عشربن في المية وعملية تخسر نسبة ومافيش حاجة اسمها تخسر فلوسك كلها ده بيحصل بس في الافلام العربي القديمة ? ..لما بنقول تخسر نقصد ان الالف جنيه بتوعك هيبفوا ٨٠٠ مش هيبقوا صفر

Nihal Zaki
المارجن والاكتتابات الغير مكتملة ممكن تصفر الحساب

Essam Hassan
حضرتك بتشتغل في المجال؟

نعم ✔️

Check inbox Nihal Zaki

بلاش ممكن تخسر كتير، الموضوع قائم على اللي يعرف معلومات ودي مش هتعرف توصلها دول اللي بيكسلوا فقط غير كده ممكن بالحظ تكسب مرة وتخسر مرتين تلاتة

اتعلَّم قبل ما تبدا

أعرف واحد كان باديء ب ٤٠ ألف فيها وفي ظرف سنتين وصلوا ٨٠٠ ألف أظن وبعدين خسر خسر لحد ما بقوا ٨٠٠٠ ? وكان دكتور تأمين ورياضة في الجامعة، يعني فاهم جدا. كانت نصايحه ليا لما قولتله أجرب الموضوع. ١- تقرأ اي كتاب عن البورصة ومش شرط كتاب معين، كان عايزني أقرأ اي كتاب أفهم الليلة منه. ٢- اعرف حركة الأسهم والشركات وأشوف اللي منواله ثابت أو الناس بتراهن عليه أو الشركات اللي متوقع انها تنمو في الفترة الجاية يعني. ٣- الفلوس اللي هكون بشارك بيها تكون زيادة عن حاجتي تماماً ومش محتاجها ومكونش منتظر مردود من وراها، يعني كسبت كان بها، خسرت، أكن ١٠٠ جنيه وقعت من محفظتي وخلاص. ٤- أقرر المبلغ اللي هحطه كام وبعدين أفتح بيه سوبر ماركت عشان أريح دماغي هههههه.

Sherif Shoeib
المهم عمل ايه بعد ما وصل ل ٨٠٠٠ .. ?

Mohamed Sweedy
جلطة وش ههههههه

Mohamed Sweedy
دة سؤال ياراجل??..أنا بقى اعرف واحد حاطط مليون ونص دلوقتي عاملين تلتوميت الف..ربنا يعينه

عندك استعداد تخسر و لة عامل حسابك على اوهام المكسب بس ؟ طبعا سمعت عن المكاسب و محدش قال لك ان المعظم بيخسر كتير

بلاش . افتكر اني قولتلك بلاش

اوعي .تدخل البورصه ودي نصيحه لوجه الله عن تجربه