ياريت لو حد يعرف حاجه عن الموضوع يفدني
انا طلبت اوردر من موقع اسمه IHerbs لادويه vitamins ب ١٦٠٠ المفروض شركه الشحن ups اخدت مني ٣٦٥ مخلصات عشان يخلصولي الحاجة من الجمارك بعد ٣ اسابيع بتقولي عايزين فوق تمن ال اوردر جمارك ٢١٢٥ و ان الجمارك زادت و كلام كده مفهمتوش ف هل صح الكلام ده ان الجمارك زادت ولا الشركة بتنصب عليا حد يساعدني انا مش فاهمه حاجة و بيقوليدولي لو مدفعتش ابعتلهم تنازل يعدموها يعني فلوسي ف الارض
"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
التعليقات (39)
هاتي بيهم روشته بالجرعات متقسمه علي ٣ شهور..و هيدخلوا فحص صيدلي في جمارك المطار و تاخدي اعفاء جمركي.. المهم ما تزيدش عن جرعات ٣ شهور
حرام عليكي الفيتامينات المستوردة كلها موجود في مصر لو عايزة حاجة كلمنب
بصي، حضرتك بتتكلمي عن شركتين مستحيل يبقوا نصابين سواء iherb او ups هو المشكلة ان فعلا الجمارك و الضرائب و التخليص بتوع الفيتامينات و المكملات الغذائية و الأدوية المستوردة بتبقى غالية جدااااااااااااا علشان كدة دائما ننصح يا إما تجيبي الحاجات دي مع أي قريب أو صديق عايش برة مصر أو تجبيها من الصيدلية و خلاص
انا جبت فيتاممينات ثمنها ٣٥٠٠ جنيه وزن كيلو و٣٠٠ جرام من أمازون أمريكا عن طريق تطبيق هيتش هيكر ودفعت عمولة للتطبيق والمسافرين ٥٠٠ جنيه بس
الجمارك ملهاش مقياس للاسف هي بالحظ كده قد يكونوا صادقين او لا بس حسب معلوماتي يعنى جمارك المكملات والفيتامينات والحاجات دي بتبقى عالية
للاسف الغلطة من الاول لان الفيتامينات من الخارج غلط و البديل المصرى ب ١٠٪ من السعر بالخارج و بالتالى الجمارك بتدبح اى حد يجيبها من بره
عملوا معايا كده برضه اما تدفعي او ترجعي الاوردر و تستردي فلوسك بس اتاكدي الاول مع iherb خدمة العملاء علي الاسترداد قبل ما تتصرفي
عادي جدا الجمرك مبيقلش عن ١٠٠ من تمن الحاجة وادوية مكملات جمرك جزافي
في رسوم جديدة اتفرضت ع الشحن وارامكس بعتت لكل عملائها من كام يوم برسوم جديده ممكن توصل المبلغ دا فعلا لاكتر من بند
الجمارك حوالي ٢٠٪ ، لكن المشكله مش في كده .. المشكله انهم بيسعروا الحاجه باكتر من تمنها وبعد كده يضرب في ال ٢٠٪ .. في نفس الوقت لو حبيتي ترجعيها لأي هيرب هيخصموا منك حوالي نص المبلغ .. فافضل حاجه انك توصلي مع المندوب للمطار او تاخدي الورق منه وتروحي وتثبتيلهم ان ده سعرها علي الويب سايت .. لما بيلاقوا ناس مش تجار بيتساهلوا .. وماتعمليهاش تاني .. عليكي وعلي هتش هايكر
حد يعرف اى معلومات عن كورس انعاش العقل و التدريبات العقلية←
حد يعرف سبب تغير رائحة الماء في كولدير المياه→