جهاز منع الشخير

Bahaa Dawoud

19-05-2022 - 03:14 pm

ياجماعه حد جرب جهاز لمنع الشخير ؟ انا مش تخين ولا عندي رقبه غليظه ولا
وزني زياده ولا عند اللحميه ومع ذلك بشخير . الدكاتره قالولي ان مفيش سبب
ظاهر يخليك تشخر وعايزين يخدروني علشان لما انام يعرفوا ليه فيه شخير بس مع
الاسف الموضوع دا مكلف جدا

التعليقات (46)

Sara Eldaly

20-05-2022 - 02:38 pm

Ahmed Taha

امين يارب

Ahmed Hegazy

20-05-2022 - 04:15 pm

الموضوع مزعج جدا وخطير جدا من الجيد ان تهتم به

Heba Mohamed

20-05-2022 - 05:54 pm

ممكن يكون سببه ارهاق؟!
او جيوب انفية

Ahmed Taha

20-05-2022 - 07:35 pm

في الغالب لو نمت ورقبتك مش معدولة..هتشخر وانت نايم .لو دماغك معدولة
والرقبة معدولة .مش هيكون فيه شخير ..مادام مفيش لحمية

Doora Mohamed

20-05-2022 - 09:18 pm

فى حد اعرفه عمل عمليه هى بسيطه بتبقى غرزه او اتنين بيرفعوا بيها اللهاه
لفوق بتمنع الشخير مدى الحياه

Mera Ismail

20-05-2022 - 11:03 pm

تعرفى عملها عند دكتور مين؟

Doora Mohamed

21-05-2022 - 12:50 am

لا والله معرفش اسمه بس ممكن تشوفى دكتور جراح عام يعملها

Unachica Buena

21-05-2022 - 04:30 am

جربت تشوف يكون بسبب إلتهاب ف الجيوب الأنفية
او المخدة اللي بتنام عليها مش في مستوي كتفك

Omar Rady

21-05-2022 - 06:23 am

فيه دكاترة متخصصة في امراض النوم متروحش لأي حد معندوش ضمير يعمل عليك
شغل. فيه جهاز بيركب طول الليل بيقيس الحاجات دي. المشكلة مش مجرد صوت عالي
بالليل المشكلة في انقطاع النوم بالليل بصورة متكررة بدون متحس. حاول ادخل
علي جوجل و اكتب sleep apnea

Bahaa Dawoud

21-05-2022 - 08:18 am

Omar Rady

روحت لدكتور مشهور متخصص في النوع دا وقالي مفيش اي سبب يخليك تشخر وقالي
عايز ٧ الاف جنيه علشان يخدرني ويشوف لما بنام بشخر ليه وانا معنديش جيوب انفيه

Omar Rady

21-05-2022 - 12:14 pm

احيانا بيكون الحل بسيط في جهاز زي طقم السنان كدة بتلبسه قبل ما تنام. بس
لازم تروح لدكتور فاهم علشان محدش يفتي و يخليك تلف بدون فايدة

Ahmed Gaber

21-05-2022 - 02:15 pm

الشخير بيحرجنى جداا خصوصا لما اكون مسافر بخاف انام و الناس تتاذى منى لكن
مره كنت مسافر الصين و الرحلة 7 ساعات من الدوحة للصين و نمت و صحيت قبل
الوصول اخذت انظر حولى و انا مكسوف و سالت جارى و كان لبنانى ..ان شخرت
كتير رد بكل زوق و ابتسامه قائلا نوم الهنا و لا يهمك بس طبعا ده لا يحدث
فى قطارات الصعيد فى مصر تجد من يوقظك و يقول لك مش عارفين ننام