تجربتي مع احذية Adidas originals فرع سيتي ستارز

رحت Adidas originals فرع سيتي ستارز اشتريت جزمة من هناك يوم ١٦-٣ و
الجزمة باظت بعد فترة صغيرة اوي و اتقطعت و لا كأني جايب جزمة من الشارع .
عرضتها عليهم في الفرع و المدير قال هنصورها بالموبايل مش هناخدها حتي و
نعرضها علي الادارة و طبعا مردوش عليا بعديها و لما سألتهم قالولي ان
الادارة رفضت و اضطريت اجيب جزمة تانية عشان الولد يروح بيها المدرسة تاني
يوم و بالفعل اشتريت جزمة تانية يوم ١ -١٢ يعني بعد اقل من ٩ شهور من شراء
الاولانية . و دلوقتي الجزمة حالتها اتبهدل يمكن اكتر من الاولانية و
رحتلهم المدير قال لي شوف عايز نصورها و لا نبعتها فا قلتله نبعتها و بعد ٣
ايام المدير كلمني اروح اخدها و مديني الجزمة في كيسها نفس الوضع اللي كنت
حاطه فيها و انا شاكك انه بعتها او عرضها للادارة اصلا . قمة الاستهتار و
عدم الاحترافية .
انا عارف ان ممكن مخدش منهم حق و لا باطل بس علي الاقل الناس تعرف ان
اديداس في مصر اسوأ ما يكون و الجزم اللي جايبنها حتي درجة عاشرة .
يعني لما ابقي دافع ٣٥٠٠ و بعديها ٢٨٠٠ يعني فوق ال ٦ الاف في جزمتين
المفروض انهم يستحملو و يحصل فيهم كدا في فترة اقل من سنة دا مش طبيعي خالص
و عمر ما كان بيحصل كدا زمان .