ايه عيوب عداد الكهرباء بالكارت ؟

مالوش عيوب

حلو

حلو مش فيه مشكلة

ادينا ماشيين بنطفى اي لمبة ف الشقة بسببه ??

هو حلو تقدرى تتحكمى فى استهلاكك طول الشهر بس بيحتاج كل سنه تروحى بى شبكه الكهرباء يتحدث بياناته بس كمان لزم يتشحن وهو فى رصيد متسبيش الكارت لآخر فلوس فى عشان ميفصلش عليكى

بتشحن و بتسبها علي الله

مفيش عيوب وميزته أن الشخص ممكن يتابع إستهلاكه

هو حلو جدا ومريح لكن بس مع التكيف بيسحب جامد لكن لو مافيش تكيف أو بيشتغل أوقات بسيطه هيكون كويس جدا

بالعكس فيه مزايا انك مش حتكون تحت رحمة المحصل ..شهر يجي وشهرين لا ويضربلك في اعلى شريحه

لو تعرفى حد شركه الكهرباء يكون مهندس يعمل معاكى واجب عالي ياخد حاجه

تعملي حسابك لا يقل الرصيد عن ٢٠٠ ج احتياطي علشان فجأة ماتلاقيهوش فصل وف حالة السفر لازم يكون مشحون ب ٥٠٠ ج علشان مايفصلش وانتم مسافرين

احسن من العادي رغم اني كنت مرعوبه منه بس علي الاقل بتعرفي دفعتي كام واستهلكتي كام لكن التاني كل شهر بتستني المفاجأه وانتي ونصيبك

في معلومات غلط كتير أوي في الكومنتات من الآخر: طريقة حساب الاستهلاك زيه زي العداد العادي بالظبط، الشريحة بتتحسب على حسب الاستهلاك من أول الشهر لحد اللحظة دي كام (كيلو وات ساعة) والموضوع مش مرتبط ب إنت شحنته بقد إيه فلوس أو لما حطيت الكارت كان في قد إيه أحمال شغالة، كل دي افتكاسات، اللي بيحدد الشريحة الحالية هي عدد ال (كيلو وات ساعة) المستهلكة منذ بداية الشهر حتى اللحظة ميزته عن العداد العادي: ) العداد العادي المحصل كتير ما بيجيش وبتلبس استهلاك شهرين في شهر وتتظلم في الشرايح ولازم تتسحل وتروح شركة الكهرباء عشان يظبطوهالك، وده بيحصل كتير جدا إنما في الكارت مفيش الكلام ده وعمرك ما هتتظلم بسبب المحصل ) ميزته التانية هي متابعة ومراقبة الاستهلاك طول الشهر بسهولة بضغطة زر على العداد ) في ميزة خرافية إن لو كارت العداد بتاعك عليه علامة الواي فاي فده ممكن تشحنه عن طريق الموبايل باستخدام تقنية NFC بتنزل تطبيق إسمه: سهل ولو الكارت بتاعك ما عليهوش العلامة ممكن برضو تنزل نفس التطبيق ومن خلاله تطلب استبدال كارتك بكارت يدعم الشحن عن طريق نفس الخاصية وهيجيلك في خلال يومين تلاتة وب 50 جنيه بس وده يخليك تشحن الكارت من غير ما تنزل من البيت، ودي ميزة عظيمة عيبه الوحيد: ) عيبه إن لو ما كنتش شاحنه بمبلغ كفاية وخلص منك فجأة، العداد هيفصل الكهرباء عن الشقة ولازم تاخد بعضك وتنزل تشحن الكارت وتطلع، يا إما تشحنه من خلال الموبايل لو الكارت بتاعك يدعم ده ده غير إن في أجهزة ممكن تبوظ من انقطاع التيار فجأة وعودته فجأة لذلك يفضل دايما متابعة الاستهلاك أول بأول وشحن العداد كل ما يقل عن جنيه عشان ما يفصلش أبدا أو شحنه في أول الشهر بمبلغ يزيد قليلا عن متوسط الاستهلاك الشهري

ايه موضوع الشرائح ده ؟ يعني ايه اللي يحصل يخليني أتنقل شريحة أعلى؟

قعد معايا 7 شهور ب 100 جنيه بس بس انا كنت يدوب لمبه ولاب توب الشغل