العربية مش بتطلع على d وهي بارده نيسان صني

ازيك استاذ كريم مشكلة ال n16 لما مش بتنقل على d وتنقل على ١ او ٢ ليها بيبقى العيب من valve body او front gear hub وليها اسباب كتير يا تاخير فى ميعاد تغيير الزيت او عمر افتراضى وحل المشكلة دى تغيير الاجزاء التالفة بعد الفحص بس للاسف قطع الغيار يا غير متوفرة او غالية جدا فبيلجأ معظم اللى عندهم المشكلة الى تغيير فتيس استيراد كحل جذرى ورخيص ولاحظنا ان معظم اللى ظهر عندهم المشكلة دى كان الكيلومتر كبير فممكن نقول عمر افتراضى فى معظم الحالات 5

بس انا العطل ده ظهر عندي عند 103 الف كم مع العلم اني كل الصيانات في التوكيل حتى الآن والعربية موديل 2009

هو عمر افتراضي وبرده تاخير فى غيار الزيت ولو حتى مره علشان عملت معايا كدة وهى ماشيه ١٦٥٠٠٠ وكمان اللى بيغير اول تغيرة زيت فتيس على ١٠٠٠٠٠غلط برده المفروض اول مرة على ٦٠٠٠٠ بالكتير دا على أساس ان الزيت بتاع الفبريكة فا بيقى احسن شويه وبعد كدة لما ينزل الفبريكة يغير كل ٤٠٠٠٠ علشان لو اتاخرات مره هيحصل معاك الموضوع ده

للعلم انا ملتزم جداً بمواعيد الصيانات... وحتى الآن بعمل الصيانات في مواعيدها في التوكيل بالرغم ان السياره موديل 2009 وعامله 117000 كيلو... يعني الموضوع عندي مش سوء استخدام ولا استخدام زيوت مش اصليه

مش عارف الحقيقة بس بص حتي صيانة التوكيل والله تقلق منها انا بسمع كوارث بتحصل جو وان الله حليم ستار يعني

بص انا اعرف حد نزل زيت الباور قدامي والزيت نازل زي زيت التموين بالظبط مش زيت احمر اساساً وكل الصيانة في التوكيل ومالك اول كمان قلت يمكن زيت الفابريقة لونه كده سألت حد صاحبي عربيته ماشية 30 الف وصيانات توكيل والزيت لونه احمر عادي المتعارف عليه يعني مش فاهم بقي القصة فين الصراحة فيه حاجة كمان انا سمعت ان الناس في التوكيل بيغيروا زيت الفتيس لأول مرة بعد 60 الف مش 40 الف والله اعلم يمكن كلام فتي مش صح ولو صح ممكن حاجة زي ديه تبقي السبب والله أعلم لأن التأخر علي غيار زيت الفتيس بيعمل مشاكل كبيرة وده بردو ملوش علاقة قوي بالكيلومتر يعني لو حد معلش بيحط زيت عادي يعني هنقول اللي منتشر كاسترول وموبيل وكان طريقة سواقته كلها حرق بقي وكيك داون وجيه مثلاً علي 30 الف ولقي أداء العربية تعبان والعربية بتنح في الغيارات ومش بتسقط بسرعة ويستني عادي لل 40 الف بتوع الزيت ده يعمل مشكلة بردو لو حاجة غير كده (عمر افتراضي مثلاً علي كيلومتر زي حضرتك كده 100 الف ده تبقي صدمة كبيرة اوي بالنسبة لي الصراحة بالرغم ان في ناس عاملة 250 و 300 الف ومفيش الكلام ده خالص

بصراحه التوكيل بيغير كل 40000 كم.. ولما حصل العطل سألت في التوكيل سببه إيه قالولي حظك كده... وللأسف كان الضمان انتهى لاني عديت ال 100 الف كم الضمان

يعني الموضوع ممكن يكون عيب صناعة بقي مش عمر افتراضي 2

وبصراحة رد غبي اوي يعني من التوكيل

خلاص سيبها براحتها ماتضغطش عليها??

هل الموضوع له علاقه بنزع ترموستات الكوعه ... وهل الافضل تركيب ترموستات اخرى

لأ ملوش علاقة طبعاً

لكن الأفضل طبعاً ان الثرموستات يفضل في العربية ولو قفش تغيره بواحد اصلي

طيب بعد اذنكم فى حد يصلح الموضوع ده ولا لا عشان انا مش لاقى حل وناس قالتلى الاستراد ممكن يحصل فيه نفس المشكله بعد فترة

الحل موجود وسهل واتعمل كتير ممكن نتواصل 01288322190 2

Mohamed Adel Elkomaty بالظبط انا اشتريت 2 فتيس استيراد وكانت تجربه سيئه... وبعد كده صلحت الأصلي بتاع العربيه والحمدلله بقى زي الفل