"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
التعليقات (42)
جري وكيله طيبه المنزلاوي كان وكيل سامسونج قبل ما سامسونج يبقى ليها وكيلها الرسمي، وهما من زمان كويسين جداً، بالنسبه للاستهلاك وبطاقة الطاقه انا عملت مقارنه قبل الشراء كل الاجهزه بطاقتهم E وجري بين B و C فالإستهلاك أفضل، + إن خدمة ما بعد البيع كويسه واخطائهم قليله لإنهم مش مستهدفين الإنتشار زي باقي الماركات وفي نهاية شهر ٩ وقفوا انتاج وبيع من المصنع لتجنب اغراق السوق زي شارب وخلافه. 3
أعرف آل المنزلاوي جيدا وكما قلت هم أحد رواد هذه الصناعة منذ الثمانينيات وربما أواخر السبعينيات وهم معروفون جدا في مجال التكييف المركزي، ربنا يبارك لهم ويوفقهم
Baraa Fouad معلش لما جري وقفت انتاجها بالمصنع طيب واللي عايز يشتري بتصرف ازاي
لا يا فندم الجهاز لو A++، وديه أعلى حاجة في كفاءة الطاقة لأجهزة التكييف، لو إشتغل بالإنفرتر هيبقى أفضل وأقل إستهلاكا للكهرباء طبعا حسب التصميم وحسب حاجات كتير لكن حتى الأجهزة اللي بالإنفرتر ليها معايير تقييم ومش كلها زي بعض عموما بطاقة كفاءة الطاقة بتجاوب على جزء كبير من السؤال لأنها بتحط القدرة القصوى وكمية الكهرباء المتوقع إستهلاكها خلال الشهر على عدد ساعات تشغيل محددة بمعايير قياسية متفق عليها في المواصفات، فتقدر تعتمد عليها في المقارنة بين الأجهزة وبالمناسبة منذ شهر 7 الماضي تم رفع معايير القبول لكافة الأجهزة ولم تعد الأجهزة ذات كفاءة الطاقة D و E مقبولة ويتم رفضها أي جهاز تم تصنيعه بعد شهر 7 الماضي يجب أن يكون C أو أعلى، ولا يزال المصنعون يوفقون أوضاعهم Anis Nabih
مع احترامي لحضرتك لا يوجد اجهزه تكييف A++ وحاليا كل اجهزه شارب E والانفرتر C و اجهزه كاريير D والي انا بقوله ان هناك اجهزه في السوق استهلاك b و c من غير انفرتر ذا غير ان استمرار عمل الكباس المتواصل للجهاز الانفرتر بياثر علي العمر الافتراضي انا في السوق وعارف بقول ايه Ossama Ghoneim
Anis Nabih وال B و C مش أفضل من الانفرتر استهلاك الطاقه بيقاس بعدد ساعات التشغيل على قدره معينه، ال ١.٥ اللي C عندي بيستهلك ٢٢١ كيلو وات شهرياً متوسط تشغيل ٨ ساعات في اليوم، الانفرتر بيستهلك ١١٠ كيلو وات شهرياً وهو هو نفس القدره ١.٥
كل ما زادت القدره قل الإستهلاك بشكل عام انا عندي ٣ حصان انفرتر مش عادي تصنيفه A وبيستهلك ٢٤٠ كيلو واط متوسط ٨ ساعات فكلامك طبيعي ولكن كل ما زادت القدره قل الاستهلاك هتقولي ازاي الرقم بيزيد هقولك لا الرقم بيقل بحساب الحسبه الكليه.
ثم ان الانفرتر ال ١.٥ عندي بيستهلك ١١٠ هاتلي تكييف في السوق نفس قدرته بيستهلك اقل منه علشان يبقى الكلام واضح والمقارنه صحيحه
فيه أجهزة A++ ولو كانت مش موجودة في السوق (لا أعلم على وجه اليقين) ولكنها موجودة في الدنيا وموجودة في المواصفة القياسية اللي بيتم الإختبارات على أساسها إستخدام إنفرتر مع كباس له جوانب سلبية وأخرى إيجابية فيما يخص العمر الإفتراضي، هو بيزود ال harmonics ولكنه بيقلل الإحتكاك وبيتلاشى تيار البدء العالي، وفعليا لن أستطيع أن أحكم بشكل نهائي الآن على تأثير الإنفرتر على العمر الإفتراضي لكن المصنعون يقولون أنه يزيده
يا فندم انا مغير اجهزه انفرتر خلال سنه ونص نتيجه ان الكباس طاير ان انا بتكلم من واقع عملي وأسف اذا كنت تدخلت وشكرا
ومن شهر 7 الماضي المواصفة الجديدة منعت الترخيص لأجهزة أقل من C خلاص، والكلام ده أكيد لأني كنت فيي معمل الإختبارات من شهر وإطلعت على المنشور بنفسي
رأيكم تكييف يونيفرسال ولا شارب من حيث السعر والجودة ؟←
كم يتكلف نقل تكييف من مكان لمكان تاني؟→