Amany Abdoo Mony
05-02-2020 - 03:19 am

عاوزة اسأل سؤال وقبل مااسأله انا الحمد لله انا واثقة من حفظ ربنا وانه لن يصيبنا الا ماكتب الله لنا... بالنسبة لفيروس كرونا ...بحكم ان اغلب السوق المصرية والاستيراد ان لم يكن طبعا كله منتجات صينية كل حاجة دلواتي بنشتريها صنع ف الصين هل ممكن المنتجات دي تكون حاملة للفيروس بمعنى زي ماشوفنا بعض الفيديوهات انهم بيحاولو ينشرو الفيروس بالعطس او (اعاذنا واعاذكم الله) بالبصق ... يعني هل ممكن دة يحصل ..لان بصراحة كمية الشر والاضطراب النفسي اللي جوا الناس دي يخلينا نتوقع اي حاجة


تريند

التعليقات (40)

Michael Mosa
Michael Mosa
05-02-2020 - 04:20 am

الافكار دى عندنا احنا بس
Ahmed Samir
Ahmed Samir
05-02-2020 - 05:23 am

لا طبعا مبينتقلش خالص كده .. الفيروسات والبكتيريا بينتقلو اما عن طريق الاكل او عن طريق التلامس سواء بالايد او بالفم او sexual .او faeces.. وده معظم الحاجات بينتقلو بكده او حصل جرح ف الجسم فدخل منه الميكروب
Meera Labbate
Meera Labbate
05-02-2020 - 06:28 am

بينتقل باللمس اذا وضعنا اليد في الفم او لمسنا بها العين
Ahmed Samir
Ahmed Samir
05-02-2020 - 07:35 am

كل بكتيريا او فيرس له خصائص معينه وبيئه معينه بينمو فيها تلامس يد يد لو موجود بكتيريا او فيرس بيتنقل عادى او عن طريق الاستنشاق سواء من تراب او شخص او غيره..
Roka Mohamed
Roka Mohamed
05-02-2020 - 08:44 am

الكلام دا مش صح، لو حد عنده فيرس و عطس في اوضة و مشي منها و جه حد تاني سليم دخل الأوضة دي ممكن بتعدي زيه زي البرد مش لازم تلامس خالص
Ahmed Samir
Ahmed Samir
05-02-2020 - 09:55 am

انتى قرأتى اول وتانى تعليق !؟ شوفيه وردى وافهميه الاول ...
واثقه بالله
واثقه بالله
05-02-2020 - 11:08 am

والله انا لسة دلوقتى حالا بقول نفس الكلام لجوزى ربنا يستر
Michael Mosa
Michael Mosa
05-02-2020 - 01:40 pm

هو مش باصصلك غير كرأس مال
Heba Reda
Heba Reda
05-02-2020 - 02:59 pm

الفيروس مش هيكون حي طول فترة الشحن من الصين لمصر متقلقيش
Adam's Mum
Adam's Mum
05-02-2020 - 04:20 pm

بصي هو حضانة الفيروس من ٥ ل ٧ ايام يعني حتى لو الحاجات دي حاملة للفيروس على ما تجيلنا مصر يكون الفيروس مدة حضانته انتهت ولكن المشكلة للأسف أن لو حد واحد بس حامل للفيروس حتى لو معندوش أعراض وجه مصر
Hesham Saber
Hesham Saber
05-02-2020 - 05:43 pm

الفايروس بدون عائل حى بيموت فى خلال ساعات مفيش حاجه بتتنقل الوقت و المسافه دى كلها و هيفضل فيها فايروس حى بالمناسبه الشحنات بتقعد فى البحر تقريبا بين شهر ونص و شهرين
Ahmed EL Mansoury
Ahmed EL Mansoury
05-02-2020 - 07:08 pm

انا عايش ف ايطاليا كان ف واحده ف المترو صينيه قاعده جنبي سبتها ومشيت 😂😂😂 كانت عايزه تقولي والله انا سليمه بس مسكت نفسها 😂😂😂
Asmaa Tarek
Asmaa Tarek
05-02-2020 - 08:35 pm

الدكتور قال الفيروس بينتقل من نسيج حي لنسيج حي يعني لازم المريض قدامك ويعطس وانتي في حضنه جامد لانه عقبال ما يوصلك يكون مات فاكتر حاجه بينتقل عن طريق نقل الدم الملوث او الحلاقه من نسيج حي لنسيج حي غير كده سواء لعب منتجات او اي حاجة مفيش اصابه
Ruby Kh
Ruby Kh
05-02-2020 - 10:04 pm

ممكن طبعا بس فتره أن الفيروس يكون ع الأسطح يومين حد أقصي
Mohamed Fahmy Aly
Mohamed Fahmy Aly
06-02-2020 - 02:43 am

طبعا ممكن والاحتياط واجب
Ahmed Abou El Roos
Ahmed Abou El Roos
06-02-2020 - 04:20 am

مافيش حتي الان ابحاث مؤكده بتوضح طرق انتشار الفيروس ولا الفتره اللي ممكن يفضل علي نسيج غير حي لحد مايموت في انواع من الفيروسات ممكن تفضل ايام واسابيع علشان كده الوضع خطير والناس مرعوبه وياريت كمصريين نبطل نفتي لان الناس المتخصصين نفسهم مش عارفين و الفيروس ده لو ما اتسيطرش عليه هنتسوح كلنا 😂😂😂
Meera Labbate
Meera Labbate
06-02-2020 - 05:59 am

الناس اللي بتقول ان الفيروس بيموت بدون نسيج حي، ده غير صحيح
Abdo Hamoud
Abdo Hamoud
06-02-2020 - 07:40 am

بالمناسبة مافيش معلومات كافية عن الموضوع ده ، ولا حتى الصينيين نفسهم ، الموضوع مجرد اجتهادات ...
Mohammed Khalid
Mohammed Khalid
06-02-2020 - 09:23 am

فيروسات البرد بتموت خلال ٢٤ ساعة من وجودها خارج الجسم ... فيروسات تانيه ممكن تعيش أكثر من شهر بره الاجسام الحيه ... بالنسبة لفيروس كورونا الثابت أنه بينتقل من اى أسطح ملوثة بسوايل المرضى .. لكن غير معروف حتى الآن الفترة اللى ممكن يفضل عايشها من غير وسيط حى ... اى حد هيقول مدة معينة ليس له أى أساس من الصحة
Fawzy Farid
Fawzy Farid
06-02-2020 - 11:08 am

يا ريت تبقى فرصة نتعلم النضافة ونحترم الشارع، الشارع مش عدونا نرمى فيه كل ماهو محرم ، كنا فى بلد عربى من سنين بعيدة واقل ثقافة مننا وكانت سيدة المنزل تكنس امام البيت كل يوم وتحافظ على الشارع، هو مش الشارع برضه ممكن ينقل الامراض بسرعة كبيرة وخصوصا للاطفال قليلى الحيلة ؟
Dee Mohamed
Dee Mohamed
06-02-2020 - 12:55 pm

ياريت كفايه منتجات صينيه ونغلق الباب
Fefe Ali
Fefe Ali
06-02-2020 - 04:35 pm

طيب ياريت نقوم نصنع حاجه بدل الكلام وعلي الاقل الحجات المهمه نصنعها بنفسك في البيت عشان بلاش حجات الصين
Abodarsh Alrayes
Abodarsh Alrayes
06-02-2020 - 08:23 pm

اكتر من 40 في المية من الرحلات الجوية معلقة للصين و مصر للطيران كمان علقت رحلاتها ..أعتقد لو استمر الموضوع خارج السيطره ..مفيش مراكب و لا حاويات حتروح الصين و عمليات التصنيع نفسها حتبقى مستحيله و أنك لو لقيتي منتجات صينيه في مصر حيبقى بضاعة قديمه و ربنا يستر ..عدد الاصابات تخطى الثمانية آلاف لحد امبارح
Nony Ibrahim
Nony Ibrahim
06-02-2020 - 10:20 pm

فعلا الفيروس ممكن يتنقل بالطريقة دى ..والناس اللى بتقول ان الدكتور قال انه من نسيج حى لنسيج حى اخر وغير كدة بيموت فى دقائق ..الكلام ده للفيروسات الضعيفة مش للفيروسات الشرسة زى ده واللى غالبا تم تحضيره فى معامل ولعبوا فى هندسته الوراثية
Fatma El Okapy
Fatma El Okapy
07-02-2020 - 12:19 am

ممكن اعرف ايه اعراض المرض ده
Na Da
Na Da
07-02-2020 - 02:20 am

ياريت اصلا نقاطع كل ماهو صينى عشان الفيرس و عشان صناعة بلدنا وكمان منتجات الصين ليس فيها من البركة شيئ .
Mohamed Arafat
Mohamed Arafat
07-02-2020 - 04:23 am

الكلام العلمي هو ان كل فيروسات الانفلونزا و اللي منها الكورونا القديم و الجديد مش بتعيش خارج الجسم غير ساعات معدودة. لو حد عنده أي معلومة جديدة يجيب مصدرها بدل ما ينشر الفزع على الفاضي.
Ghada Adel Aly
Ghada Adel Aly
07-02-2020 - 06:28 am

انا مش فاهمه لحد دلوقت ايه الفكره ورا الناس الي بتعمل كده عمدا ،علي كده له حق بتاع كوريا في اعدامهم
Gihan Habashy
Gihan Habashy
07-02-2020 - 08:35 am

لا معلش مين اللي بيحاول ينشر المرض !!!؟؟؟ لو بتقصدي الصينيين يبقي استقيتي معلوماتك من مصدر ملوث .. انا لسه جايا امبارح من مطارين ومافيش صيني بلا استثناء مش حاطط الماسك ومنهم مطار تركيا وهو معقل الآسيويين
Salwa Nessim
Salwa Nessim
07-02-2020 - 10:44 am

الصينين بيتعمدوا نشر المرض!!!!!!!!!! اشعر انه الكلام اللامنطقي ولكن ايه مصدره؟
Hussein Eldabaa
Hussein Eldabaa
07-02-2020 - 12:55 pm

انا فى الصين و مبينشروش المرض و لا حاجه ... مكنوش قفلوا المواصلات و عملوا حجر صحى فى كل المدن تقريبا .... الناس هنا شغاله علشان تكافح المرض بكل الاشكال ... منظمة الصحة العالميه أشادت بمجهودات الصين فى إحتواء المرض و رد الفعل و الإجراءات اللى إتخذتها حتى الأن ... و الدكاتره هنا بتقول أن الفيروس مبيقعدش على الاسطح اكتر من ٢٤ ساعه بحد أقصى فى ظل درجات الحراره المنخفضه ... و فى النهاية ربنا يحفظنا جميعا
Nony Ibrahim
Nony Ibrahim
07-02-2020 - 03:08 pm

المشكلة ان مصر مليانة سياح صينيين وسيتى ستارز امبارح كان مليان ومنهم لابس ومنهم مش لابس الماسك ده غير الغردقة والاقصر واسوان لان ده موسم السياحة عندهم
Yasmin Ghozlan
Yasmin Ghozlan
07-02-2020 - 05:23 pm

مدة شحن المنتجات من الصين لمصر تقتل الفيروس مهما كان نوعه
Radwa Elhussieny
Radwa Elhussieny
07-02-2020 - 07:40 pm

محدش يعرف لسه هل فيه طرق أخرى لنقل العدوى غير الطرق المعروفة، لكن مين دول ال بيحاولوا نقل الفيروس بالعطس!؟ وشر واضطراب نفسي ايه!؟ حضرتك جبتي الكلام ده منين!؟
Fatima Salah
Fatima Salah
07-02-2020 - 09:59 pm

لا طبعا لان الفيروس يموت خارج الجسم بعد دقائق
Safaa Hamdi
Safaa Hamdi
08-02-2020 - 12:20 am

عقاب ربنا ليهم عشان اللي عملوه في مسلمين الإيغور
Amr Hawary
Amr Hawary
08-02-2020 - 02:43 am

ربنا بيحاسب الصين عاللي بتمله بالمسلمين ربنا يزيدهم
Laila Hosny
Laila Hosny
08-02-2020 - 05:08 am

لا حول ولا قوه الا بالله كأن يأجوج ومأجوج هو الفيروس ده ربنا يستر
Samar Elmagrapy
Samar Elmagrapy
08-02-2020 - 07:35 am

نفس تفكيرى يعملوها وكل البضاعه المتصنعه هناك دى مجرد ما الحذر يتفك هتجيلنا بتراب الفلوس
Eman Yassin
Eman Yassin
08-02-2020 - 12:35 pm

البصق شغال عندنا عادي طول السنة هي جاءت علي الصينيين ؟؟!!!!!
|