Mahmoud Fathy
16-12-2020 - 03:41 pm

السلام عليكم جميعا
المقارنة الاشهر انا عايز اشتري ومحتار بين c5 وسبورتاج عايز اراء حيادية وبكل أمانة اعمل ايه ومحدش يقولي الألماني والكوري ميتقارنش لأن السوق في مصر بيقارن قلبي بيقول ستروين وعقلي بيقولي كيا


تريند

التعليقات (27)

يوسف عباس
يوسف عباس
16-12-2020 - 04:42 pm

اعادة البيع والانتشار للكيا اي حاجه غير كده لصالح سيتروين
Mahmoud Alaa
Mahmoud Alaa
16-12-2020 - 05:45 pm

حالياً ف اعاده البيع وكل حاجه سواء امان و رفاهيه ل صالح سيتروين و ده واقع حالي والدليل على كده شوف المستعمل ف ال C5 بكام و اسبورتاج وتوسان بكام و هتعرف ان فعلاً السوق اتغير ١٨٠ درجه
اسامة موسي محمود
اسامة موسي محمود
16-12-2020 - 06:50 pm

Mahmoud Alaa الامان يا باشا في صالح الاسبورتاج ادخل علي صفحة اليورو ان كاب واتفاجئ
Mahmoud Alaa
Mahmoud Alaa
16-12-2020 - 07:57 pm

اسامة موسي محمود حضرتك في بيدج ع اليوتيوب اسمها 77km في فيديو عن ثبات كل عربيه ف المنحنيات اتفرج سبورتاج عامله ازاي وسيتروين عامله ازاي لكن التوسان كانت كويسه بس توسان اللي بتيجي هنا مصر مختلفه ف الامان شويه عن اللي بتنزل بره
اسامة موسي محمود
اسامة موسي محمود
16-12-2020 - 09:06 pm

Mahmoud Alaa حضرتك اللي بيقدر الامان ومعترف بيهم علي مستوي العالم تلات جهات اليورو ان كاب ومعهد تامين السلامة علي الطرق السريعة الامريكي ال IIHS واختبارات الامان الامريكية ال NHTSA غير كده مالوش لازمة حضرتك بتقارن اختبارات موقع الكتروني وما تعرفش هو بيطلع النتايج ازاي وفي اي ظروف ومين اصلا اللي بيسوق العربيات دي هل هو شخص واحد وظروف واحدة طبعا لا
Mohamed Adel
Mohamed Adel
16-12-2020 - 11:30 pm

كنت زيك.. ولما شوفت الستروين ورجعت دخلت الكيا..قلت تولع اعادة البيع.. بس حرام ادفع فلوس فى عربية ناقصة حجات كتير مقارنة بالستروين الرائعة.. هى الفكرة بس فى قطع الغيار اللى حتكون طبعا فى صالح السبورتاج..
Mohamed Toutou
Mohamed Toutou
17-12-2020 - 12:45 am

سيبك من اي وجهة نظر و شوف انت اختبارات السلامه و الأمان الاتنين و خد قرارك بنفسك
اسامة موسي محمود
اسامة موسي محمود
17-12-2020 - 02:02 am

Mohamed Toutou يبقي حيجيب الاسبورتاج😂😂 الاسبورتاج واخدة خمس نجوم في اليورو ان كاب مع ٩١٪؜ في حماية الركاب في حين السيتروين واخدة اربع نجوم مع ٨٧٪؜ في حماية الركاب
Mohamed Toutou
Mohamed Toutou
17-12-2020 - 03:21 am

انا برضه لا برجح له دي و لا دي على العموم حضرتك بص ع الفيديو ده بغض النظر عن عنوانه و قولي رايك
Essam Mostafa
Essam Mostafa
17-12-2020 - 06:05 am

مافيش مقارنه بين الاوروبي والكورى الاسعار ومصاريف التشغيل بقت قريبه من بعض الاختيار يبقي للاوروبي اكيد
اسامة موسي محمود
اسامة موسي محمود
17-12-2020 - 07:30 am

Essam Mostafa بص من الاخر الاوربي الماني غير كده بلح …
DrMahmoud Ghanim
DrMahmoud Ghanim
17-12-2020 - 08:57 am

اسامة موسي محمود الاسبورتاج بتاع اوروبا غير الاسبورتاج بتاعة مصر
Peter Edward
Peter Edward
17-12-2020 - 10:26 am

اسامة موسي محمود بس الاوبشن كله متشال من الاسبورتاج، و مفيهاش متعة قيادة ، مافيهاش اي ميزة غير اعادة البيع ، و حتي اعادة البيع مش مضمونة لان السوق بيتغير بسرعة،
اسامة موسي محمود
اسامة موسي محمود
17-12-2020 - 11:57 am

Peter Edward في الفئات العالية حتلاقي اللي انت عايزه حتي فيها ٦ ايرباج وده مش موجود في اي فئة في السيتروين وشنطة كهرباء برضو مش موجودة في اي فئة من السيتروين وحتي السيتروين اللي هنا غير بتاع اوروبا اوروبا ما فيهاش سيتروين باربعة ايرباج ولا في اي فئة ما فيهاش توقف تلقائي
Ismail Sabry
Ismail Sabry
17-12-2020 - 01:30 pm

انا ارشح لك الكيا. علشان انا اتجننت وبعت الكيا واشتريت الستروين وبنندم أشد الندم... الكيا فيها شنطه تحط فيها الستروين كامله بركبها..…
Ihab ALghazali
Ihab ALghazali
17-12-2020 - 03:05 pm

يا باشا العقل بيقول انك تستفت قلبك اجمد كده واختار بقلبك وهاتنبسط باذن الله ان شاء الله ربنا هايدلك علي الخير
Ismail Sabry
Ismail Sabry
17-12-2020 - 04:42 pm

اما قطع غيار الستروين فهي غير متوفره حتى في التوكيل نفسه
Mina Edward Hana
Mina Edward Hana
17-12-2020 - 08:02 pm

الستروين ممكن تكون اجمل وموتور اقوي وكماليات بالنسبه للسعر اكتر لاكن الكيا هي الانسب لبلدنا من حيث الاعطال وتوافر قطع الغيار برا وجوا التوكيل خصوصا في حاله التوكيلات الضعيفه يبقي اتجه للابسط فالصيانه
Mohamed Elzehiry
Mohamed Elzehiry
17-12-2020 - 11:30 pm

اعادة بيع وانتشار وصيانه وقطع غيار طبعا سبورتاج ركوب ستروين وخليك مع عقلك
اسامة موسي محمود
اسامة موسي محمود
18-12-2020 - 01:17 am

باشا في اوروبا ذات نفسها الاسبورتاج اللي شكلها ما اتغيرش من ٢٠١٥ بتيع لغاية النص الاول من ٢٠٢٠ اكتر من ال C5 فبعيد من دي كوري واوربي شوف اللي انت محتاجة محتاج موتور اقوي وشكل احلي ولا اعتمادية واعادة بيع
Ismail Sabry
Ismail Sabry
18-12-2020 - 03:06 am

اركب الستروين واتمتع لما يلغوا التكاتك والمشاريع والتنايات من البلد الستروين زواج بلا طلاق لبساك ولبسها طول العمر او بيع بخساره
Ala Khalifa
Ala Khalifa
18-12-2020 - 04:57 am

شوف هنا في الجروب و روح جروب اسبورتاج و اسال نفس السؤال حتاخد احلي فايدة
Amir Mohy
Amir Mohy
18-12-2020 - 06:50 am

Xv subaru
Amola Gamal Mohamed
Amola Gamal Mohamed
18-12-2020 - 08:45 am

طبعا كيا
Michael Magdy Geurges
Michael Magdy Geurges
18-12-2020 - 10:42 am

السوق اتغير و السمعة الغلط اللي طالعة على الفرنساوي بتختفي . و الدليل كمية العربيات الفرنساوي اللي انتشرت بغباء في الشارع المصري امشي ورا قلبك و اتمتع ، قلبك دليلك 😍
Hazem Refai
Hazem Refai
18-12-2020 - 12:41 pm

السؤال ده خلاص....مابقاش ليه معني....عايز عربيه بجد يبقي الC5....عايز تخسر فلوس و راحه و متعه سواقه و نعومه قعده يبقي سبورتاج او توسان....بتحب المضمون و طمعان في الشيكه يبقي تصبر لحد السنه الجايه و تجيب الشكل الجديد منهم.....مستعجل قوي و لازم تشتري دلوقتي...هات سبورتاج مستعمله نضيفه و بعها بعد سنه و اشتري الشكل الجديد منها ٢٠٢١
Tamer Eldemerdash
Tamer Eldemerdash
18-12-2020 - 02:42 pm

مش هقولك غير اني بعت سبورتاج يوم السبت واشتريت C5 من حبي لها مع اني انا من محبي السبورتاج وكان عندي منها اتنين
|