السيد إبراهيم
31-08-2019 - 02:14 pm


عايز اركب الليد النهاري في الفانوس و الزعنفه كيا سبورتاج
السلام عليكم ورحمة الله وبركاته بعد إذن السادة الأعضاء استفسار بسيط انا سيارتي موديل 2019 فئة ثانية مفيهاش الليد النهاري هل أقدر اركبه داخل الفانوس الموجود والا مش هينفع ولو تكرمتم لو حد عنده علم الزعنفة اللي ف الصورة بتتباع فين وبكام وجزاكم الله خيراً


كيا سبورتاج

التعليقات (9)

Mohamed Ahmed
Mohamed Ahmed
09-09-2019 - 09:26 pm

الزعنفة ديه شفتها فى التوفيقية حاجة كده على ادها وكانت ب 10 جنية وكمان الاريال بتاع الشكل اللى قبلة برضوا كانت موجودة ب 10جنية اكيد فيه اغلى وعلى حسب الخامة بس ديه اللى شفتها.
Mohamed Ahmed
Mohamed Ahmed
13-09-2019 - 02:14 pm

مجرد تصميم فقط
Hossam Mohamed
Hossam Mohamed
16-09-2019 - 05:26 am

الزعنفه والاريال دول اصلا بتوع إشارة الجي بي اس اللي فالمرسيدس والبي ام والاَودي والعربيات العليا
Ahmed Elashry
Ahmed Elashry
18-09-2019 - 11:50 pm

الزعنفة والأريال وظيفته استقبال موجات الراديو علشان يجيب لحضرتك قنوات الراديو في الكاسيت اللي فالعربية ... والأريال أفصل من حيث جودة الاستقبال .. وفي زعانف ممتازة برده لكن أكيد مش اللي ب ١٠ جنيه .. الممتازة تجيبها من محل محترم بضمان تركيبها ومش هتقل عن ١٠٠ جنيه .
Mohamed Ahmed
Mohamed Ahmed
21-09-2019 - 09:26 pm

الله يفتح عليك, بالظبط كده وظيفتها استقبال موجات الراديو فقط ملهاش اى علاقة بال جى بى اس بالفعل انا ذكرت ان حسب الكواليتى طبعا لكن اللى انا شفتها كانت بالفعل ب 10 جنية واكيد هى مش احسن حاجة وفيه افضل بسعر اعلى.
Mohamed Ahmed
Mohamed Ahmed
24-09-2019 - 10:14 pm

ما عنديش فكرة بالنسبة لموضوع الليد ده
Shady Basha
Shady Basha
26-09-2019 - 11:50 am

شوف الفانوس فيه ٣ فتحات فتحه للمبة الواطى والعالى فتحة للمبة الاشاره والفتحه الاخيره لو لقيتها يبقى ينفع تركب ليد بالنسبه للزعنفه موجوده فى التوفيقيه لكن هل دى اللى عندك ولا اريال عشان البورده اللى بتكون تحتيه للراديو
Emad Hasan Zamzam
Emad Hasan Zamzam
28-09-2019 - 02:14 am

انا جبت الاريال الزعنفة من شارع دمشق ب ٨٠ جنيه محترمة بشريحة استقبال
Mohamed Salah
Mohamed Salah
29-09-2019 - 05:26 pm

الزعنفة دى حتلاقيها هاى كوبى فى التوفيقية أو شارع دمشق بمصر الجديدة و لو عايز الأصلى يبقى أى منفذ بيع من بتوع الوكيل بروكسى أو القطامية أو أبو رواش بس لازم يكون معاك رخصة العربية و حتبقى أغلى طبعا
|