"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
24-02-2018 - 01:12 pm
يا جماعه افيدوني احنا تعبنا من اختلاف الاراء الدكاتره ابني عنده سنه و11 شهر وعينيه بتحدف لبره ساعات روحنا لدكتور قال لازم العمليه تتعمل في اقرب وقت ومتتاخرش عن كده عشان متزيدش ودكتور تاني قال يعملها لما يبقي عنده خمس سنين مع العلم ان الموضوع بيزيد مع الطفل مش بيقل او ثابته فحد يعرف دكتور اطفال عيون يقولنا نعمل ايه عشان اختلاف الاراء ديه باستثناء دكتور محمود راجح وهاله هلالي وهشام سلامه لانهم هما اللي عكس بعض
التعليقات (43)
انا بنتي عندها نفس المشكله الدكتور كشف نظر وقاع عين وطلع كويسه الحمد لله وقالي ان سببه ضعف في عضلة العين وبتاخد فيتامين كبد الحوت بس موش عارفه الصراحه ده كافي ولا اغير الدكتور
دكتور فتحي فوزي في المستشفي الوطني للعيون هو أحسن دكتور في مصر علي جميع المستويات وممكن تكشفي عنده ولو مش بيعمل عمليات معينة فبيبعت المريض للدكتور المناسب المضمون.
عملتها لبنتي وللاسف بتردتاني وعندي صحبتي معملتهاش ف دكتوره ف المعادي قالتلها لازم التغذيه وفعلا لما بدات تاكلها بروتين كثيير ابتدت تقل فجربي التغذيه جايز العضلات تتظبط
كتورة هاله الهلالى شاطرة جدا فى الحالات دى و عملت لبنت اختى عمليه زى دى قبل كدة
بصي انا مريت بالتجربة من وانا عندى 4سنين اول ما حصل الحول الوحشي عملت العمليه وانا 4سنين مانجحتش عملتها بعدها بسنه ورجعت تانى ..بعد كدا الدكاترة قالو ماينفعش تتعمل تانى وهى صغيره مش قبل 17سنه عملتها وانا18 سنه والحمدلله مارجعتش بقالها اكتر من 8 سنين وتمام الحمد لله مارجعتش تانى ... بس غالبا الطب تقدم دلوقتى ويعرفو يسطروا على عصب العين اكتر بس اهم حاجه تروحى لدكتور كويس جدا وتبحثي كويس جدا لان ممكن اصلا مايحتجش لعملية ... الدكتور الكويس والشاطر بيفرق جدا فالموضوع دا بالذات ..
ا.د هالة الهلالي أستاذة رمد في القصر العيني تخصص حول الأطفال وإنسانة شاطرة جداً جداً جداً وعندها ضمير وبتراعي ربنا في شغلها
بصي انا كنت في نفس الحيرة وماكنتش عارفة ااخد القرار لفيت بابني فوق 20 دكتور وكل واحد براي لغاية ماربنا كرمني ورحت دكتور حسين شاكر المرقبي عنوانه بجوار الكلية الحربية والله العظيم دكتور عنده ضمير وقلي بالحرف سيبي ابنك وكلهم تجار ولو عايزة اعملهاله حعملها هو دكتور كبير جدا جدا وكشفه غالي بس يستاهل ربنا يباركله ..ابني دلوقتي بقى شاب ربنا يحميه وقلة بنسبة كبيرة شبه معدومة بتبان لماةبيبقى مرهق جامد اوي...هاتي الرقم من الدليل 5
دكتور فتحي الصياد من الاخر اختي كان عندها مشكله في عنيها وسافرت كشفت تاني عند دكتور في سويسرا طلع نفس تشخيص بتاع فتحي صياد بظبط حتي العلاج ونفس كلام بظبط
الاراء في الحول كتير و بتعتمد علي عوامل كتير و الدكاتره اللي حضرتك كاتبه اسميهم دول من احسن و اكبر دكاترة العيون في الحول في الدكتور مصطفي الشربينى برده من احسن الناس في الحول في مستشفي دار العيون ممكن تروحيله تاخدى رايه 2
عايزة دكتور متخصص في مرض العصب الخامس ؟←
عايز اعرف أفضل دكتور عيون في طنطا للاطفال→