"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
07-05-2018 - 04:11 pm
بصوا يا جماعة انا محتاجة اواجه نفسي بمشكلتى عشان اعرف و تساعدونى احلها انا واحدة تخينة زايدة عن المفروض اكونه 40 كجم ? مشكلتى ان من صغري و طبيعة اكلنا في البيت نشويات و مقلي و محمر و زيت و سمن و كل الاكل غير صحى بالمرة ... كمان عندهم اعتقاد في البيت انه يوكلوا العيل يكبسوه اكل عشان ينام و يريحهم ? فكان بيتعمل معايا كدة و مع الاسف عايزين يكرروا المأساة مع بنتى ... بس طبعا انا واقفالهم بالمرصاد في النقطة دى عشان بنتى ماتشوفش معاناتى بس حقيقي فيه مشكلتين ... انا فعليا باحب الاكل و كمان بافش غلى فيه يعنى باكل بغباء جدا وقت مابقي متضايقة او متوترة ... قطبعا مش باعرف اسيطر على نفسي في اى دايت يتعمل و لو سيطرت مدة حلوة بارجع تانى ... يعنى فعليا حصل ووصلت لقرب وزنى المثالى ب10 كجم و دة كان اكبر انجاز عملته بس وقفت دايت و رجعت اكل بنفس طريقتى فرجعت تانى ? المشكلة التانية بنتى برضه فعليا وقت ماتبقي زهقانة تدور على اكل .. هى عندها 4 سنين ... من صغرها برضه عشان تهرب من النوم تدور على الاكل و تاكل فعلا حتى لو لسة متعشية بس عشان ماتنامش و تصحى نفسها بالاكل ... انا مش عارفة اعمل معاها ايه في النقطة دى لان قبل النوم دة بيبقي وقت صعب جدا عليا و عليها فمش باعرف امنع عنها الاكل في الوقت دة ارجوكم متهاجمونيش ... انا فعلا محتاجة حلول عملية
التعليقات (47)
نزلي بنتك تلعب رياضة او اتنين وتعالى على نفسك واشغليها بالأنشطة وتصحى بدري وتنام بدري وكمان خلي قدامها خضار وفاكهة كتير تاكل زي ما تحب وبالنسبة ليكي بقى هي ارادة قوية مع چيم وايروبكس
كل الاطفال اول ما تقوليلهم ناموا يقولوا جعانين تاكل بقى تفاحة خيارة حاجات كدا وهو دا الموجود ومفيش غير كدا 2
البنت بتاخد كل حاجه من مامتها يعني لو انتي اعتدلتي في اكلك هتلاقيها هي كمان واحده واحده اتعودت عالاكل الصحي والكميات المعقوله ..مايبقاش كل يوم نشويات ومقلي ..عالاقل مرتين او ٣ خضار في الاسبوع ومره سمك ومره فراخ مشويه مثلا واليومين التانيين عادي مكرونه ومقليات مفيش مشكله .مانتي برضه ماينفعش تمنعي طفله من الاكل ..قللي الحلويات في البيت وبدليها بفاكهه وخيار وجزر وخس مثلا ..هي لسه صغيره تقدري تسيطري عليها ماتسيبيهاش لما تكبر وبعدين نقعد تدور ازاي تخسس نفسها
ابني لما بيعمل كده بقوله خلاص معاد العشا خلص و مفيش اكل غير بكرة مرة ف مرة اتعلم ان مفيش منني امل و بطل بس لسه بيعمل الحركه دي مع جدوده عشان بيطاوعوه .. لازم تبقي قدوة لبنتك و انصحك بتكميم المعده .. خديها معاكي جيم تلعب ايروبكس و تتنطط و تطلع طاقه و تحرق
ماما ربنا يديها الصحة واحنا صغيرين الساعة 8 بليل تمنع الاكل حتى لو جعانين كنا بنضايق نزعل منها بس لما كبرنا فهمنا جسمنا كان حلو ممشوق القوام زى مابيقولوا ماكنش فيه سلولايت ولا فيه بطن ولا هالات سودا مع العلم ان احنا طول النهار مش بنبطل اكل فعلا هى كانت صح اعملى مع بنتك كده وصدقينى هتزعل بس بكرة تكبر وتجعلك? 3
غيرى با اكل صحى امنعى سكر و ملح بالتدريج قليلى سمنه و اسبدلى بزيوت نباتيه زى زيتون جوز هند خلى عندك خضار كتير و فاكهة متعمليش دايت لا خلى الاكل الصحى و النظام الصحى عمتا لايف ستايل او اسلوب حياه قللى بالتدريج لحوم هيفرق معاكى جدا متخليش همك تخسى اد ما يكون همتك يكون الاسلوب صحى و تصفى جسمك من السموم اللى فيه هياخد سنه اتنين لحد. ما تتعودى مش مشكله المهم صحتك انتى و بنتك ربنا يخليهالك ❤
زي م الناس قلولك ، عمليه تكميم هتكرهي الاكل وهيبقي بالنسبالك الربع رغيف تخمه، بس خدي قرار انهي تستحمليه اكتر انك تقبلي نفسك كدا او تعملي العمليه ، حياتك حتتغير تماما ، بنتك مع الرياضه اللي بتحبها خليها تتحرك ف النادي وكدا والعشا مفهوش غير خضار او فاكهه…See More
هاتي خضار كتييييير خيار وخس وسلطة ولو فاكهة ماشي وكل ما تجوعو كلو منه
بالنسبالك غيرى العادات بتعتك يعنى لما تضايقى ارسمى او اعملى حاجة يدوية ذى الكروشيه او خياطة تطريز اى حاجة تشغل ايدك و تطلع الطاقة و عن تجربة بتنفع ...و حولى قبل الغدا اشربى كوب مياة و كلى طبق سلطة كبير فهتملى نص بطنك فهتكلى من باقى الاكل كميات اقل ....بالنسبة لبنتك نبهيها ان بعد العشا هتنام و مفيش اكل و لو جاعت اسمحى باللبن و الخضار و الفاكهة فلو جعانة هتشبع اكل صحى لو بتهرب من النوم الاكل ده هيخليها تهرب منه للنوم ? 2
غيري نظام الأكل..ما تشتريش سمن و لا زبدة و لا مكونات الحلويات..خلي دايما عندك فاكهة و خضروات و زبادي و شوفان استبدلي المسلوق و المشوي بالمقلي ..يعني عموما خلي الريجيم او الاكل الصحي نظام حياة..و امشي كتير و اشربي مية كتير و اشركي بنتك في انشطة رياضية
بنتك لعبيها رياضه زى السباحه او الجمباز ولو حابه تاكل عادى اكليها اكل صحى زى فاكهه وخلافه انتى بقى عندك حل من اتنين مالهومش تانى يا تلتزمى بدايت ورياضه حتى لو تابعتى مع دكتور دايت ولما تتضايقى اشغلى تفكيرك باى حاجه غير الاكل لانك مهما هتاكلى مش هتشبعى يا اما تلجاى لعمليه من عمليات السمنه وليها فاعليه روعه لو فشلتى ف الاختيار الاول
ازاي اتعامل مع مريض اكتئاب حد عنده تجربه ؟←
عايزة حل او علاج للنسيان خايفه اصاب بالزهايمر ؟→