رسوم و طريقة استخراج اعلام وراثة

لا بنفسك اسهل واريح

طيب ايه الخطوات لو تعرف

محرم بك في الاسكندرية

شكرا لك

بيتعمل بنفسك من غير محامي من خلال المحكمة إللي إنت تابع ليها

طيب تعرفي الاجراءات او الخطوات اللي اعملها

بنفسك .. وان كان فيه ورث بالله عليك لاتظلم اخواتك وخصوصا البنات .. رحمة
بوالديك .

والله مش ليه دي خالتي وانا بساعدها

اى كان لمين وصيهم ..
وربنا يبارك فيك وفى والديك ..

ادخل علي جوجل واكتب السؤال
عمل إعلام وراثه ستجد الطريقه بكل وضوح ولاتحتاج اي مساعد

حضرتك اعمله بنفسك
هات صور بطايق الورثه و بيان قيد عائلي للمتوفي لو طلبوه و قدمهم لمحكمه الاسره

محامى ضرورى

روح المحكمه وادفع الرسوم وقدم الاوراق وحايتحدد يوم جلسه
تاخد الشهود

اولا بلاش محامي
ثانيا هتروح بشهادة الوفاه و البطاقه الشخصيه و صلتك بالمتوفي لو ابنه مش
محتاج حاجه تثبت الاسم بيثبت
وبتروح تقدر رسم عند رئيس قلم النيابه اللي انت تبعها و تدفع الرسوم اعتقد
٣ جنيه رسوم
وبعد كده بيتحددلك جلسه
يوم الجلسه بتيجي ومعاك كل الورثه ولو فيه وريث مش هييجي لاي سبب بتعمله
اعلان علي يد محضر بعد ما تستلم ميعاد الجلسه بتسأل فين المحضرين وبتروح
تعلنه ويوم الجلسه بيبقي معاك ٢ شهود يعرفوا صلتك بالمتوفي يشهدوا بكده و
بس بتاخد القرار في الجلسه او بالكتير اللي بعدها وبعدها ب ٣ ايام بتروح
النيابه اللي انت تبعها في نفس مبني المحكمه تطلع قرار اعلام الوراثه
النسخه منه ب ٥ جنيه تقريبا
هي الرسوم مش متاكد منها لانها بتتغير بين النيابات الكليه

شكرا لحضرتك يا أستاذ احمد

Ahmed Gamal طيب في ورثة متوفين

Ahmed Saber
لو اتوفوا بعد وفاة المقصود ورثتهم بيورثوا نصيبهم ف انت تعمل اعلان علي يد
محضر لورثة فلان ده لانه توفي

جميع الإجراءات سهلة وعادية ولا تحتاج لأي محام..
هناك صيغة تقوم بتقديمها في محكمة الأسرة التي يتبعها المتوفى..
هذه الصيغة تقوم أنت بتحريرها باليد أو على الكمبيوتر (موجودة على
الإنترنت.. ابحث عنها) أو شراء نموذج عام لها من أي مكتب تصوير مجاور
للمحكمة، حيث تقوم بكتابة بيانات المتوفى وبيانات الورثة، ومن ثم تقوم
بتقديم هذا الطلب مع شهادة الوفاة وصورة بطاقتك إلى محكمة الأسرة. يفضل أن
يكون مقدم الطلب أحد الورثة. يتم في هذا الإجراء تحديد موعد جلسة (عادة من
أسبوعين إلى 6 أسابيع)..

إذا كان الورثة جميعهم موجودين وسيحضرون الجلسة أو سيحضر أحد عنهم بموجب
توكيل (حتى لو كان أحد الورثة الآخرين)، فلا تحتاج لإجراءات إضافية. أما
إذا كنت تتوقع عدم حضور بعض الورثة، فيجب التوجه عند تقديم الطلب إلى قلم
المحضرين بنفس المحكمة وتحرير إعلانات لهؤلاء الورثة فقط، ويمكن عمل هذا
الإجراء في وقت لاحق، على أن يكون في وقت سابق لموعد الجلسة بأسبوع على
الأقل. فائدة هذا الإعلان هو أن يتأكد القاضي من أن جميع الورثة إما
موجودين في الجلسة، أو على الأقل قد تم إعلانهم بموعد الجلسة وبالتالي يصبح
حضورهم اختيارياً. تعود لقلم المحضرين قبل موعد الجلسة في نفس اليوم أو في
يوم سابق لاستلام الإعلانات موقعاً عليها من الوريث بعلمه بموعد الجلسة.

يحضر الجلسة جميع الورثة (أو تقدم إعلانات لمن لم يحضروا) بالإضافة إلى
شاهدين على علم جيد بأسرة المتوفى، ويقوم القاضي أثناء الجلسة بإبلاغك
بموعد استلام حكم الإعلام والذي يكون عادة خلال أسبوع واحد من تاريخ الجلسة.

محرم بك .....هتروح المحكمه البحريه ال في المنشيه مجمع السيد كريم وهيكون
معاك اصل شهاده وفاه الشخص المطلوب عمل اعلام وراثه ليه وصورة بطاقته وصور
بطايق الورثه وابصال كهربا او ميه وطلب تكتب فيه مين اتوفي ومين
ورثته.......وباكد عليك عشان يتقبل محرم بك لازم يكون بطاقه المتوفي محرم
بك ....
والعبره مش بال مكتوب في شهاده الوفاه ...هتسدد رسم بسيط في الخزنه وبعد
كده تطلع عالمحضرين خد منه الاعلان خلصه وهيتحددلك جلسه في المتوسط بعد ١٥
يوم تقريبا ويمكن اقل ويمكن اكتر وهتحضر يوم الجلسه تقدم الاعلان ومعاك
اتنين شهود رجاله مش من الورثه