"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
29-07-2016 - 09:20 am
لو سمحتم ياجماعه حد يعرف دكتور أسامة الغنام..وهل فعلا كشفه 1400ج تعديل..بعيدا عن قصة الفلوس هل فعلا يستاهل نسافرله ونجيله ولا فيه أحسن. تعديل 2 ياريت اللى يعرف دكتور كويس يدلنى الحاله باختصار لطفل 4 سنين عنده كيس ضاغط على النخاع الشوكي محتاج تدخل جراحى تعديل 3 احنا روحنا لدكتور أسامة كشفه العادى 1200 والمستعجل 1400 والعملية هتتكلف حوالى من80ل90 ألف على كلامه،وبيقول انه معدش لابيكشف ولا بيعمل عمليات برة كله عنده فى المركز. وأخذنا برأى البعض وهنشوف رأى دكتور كمان..شكرا لكم جميعا
التعليقات (46)
والله يا ابني ليس بالشهرة ولا بالفلوس فهناك اطباء صغار أفضل مائة مرة من هؤلاء الكبار لأن بعضهم يتعامل بكبرياء مع الحالة وقد تؤدي لمتاعب لاقدر الله بمعنى آخر careless لكن الصغير يكون حريص عموما الف سلامة على الصغير وربنا يوفقكم في طبيب جيد يكون الشفاء على يديه بعون الله تعالى
حسبنا الله و نعم الوكيل في المسئولين عن منظومة الطب و العلاج في مصر.. جعلوا الناس بتاكل في بعض.. الأطباء مظلومون بداية من الثانوية العامة و حتى المعاش ولا سبيل لهم لحياة كريمة إلا بالدخول في عالم التجارة العلاجية و الاستثمار العلاجي.. والمرضى و ذووهم مظلومون بافتقادهم لمنظومة علاج محترمة بتكاليف معقولة.. لنا الله.. 1
عموما هو مصر ما بقاش فيه دكاترة ولا طب في مصر...بقى فيها سماسرة وتجار..والطبيب لا الكويس الشاطر واللي عنده ضمير انسان ده بقى عملة نادرة جدا..يعني انت وحظك....ربنا يشفي ابنك ويطمنك عليه ..ويلطف بالمصريين 3
يا جماعة هو حر، إنشالله يطلب مليون جنيه في الكشف، وانتَ برضه حر تروحله أو تروح لغيره اللي بيطلب 50 جنيه، دي بديهيات ومبادئ الاقتصاد في أي سوق حر؛ من حق أي مقدم منتَج أو خدمة (غير احتكارية) إنه يطلب فيها السعر اللي هو عايزه، واللي هيحكمنا في الآخر هو ال…See More 2
دكتور اسامه دكتور كويس وفي دكتور محترم واستاذ الاساتذه اسمه ممدوح سلامه بس ده لو حجزت عنده حيقولك بعد سته شهور فالحل تيجي حضرتك بالمريض وتروح لوحدك العياده وتحجز في نفس اليوم هو مابيمشيش غير لما يخلص كل الكشوفات ولما تلاقي الدور قرب عليك غالبا حيكون 10 الصبح لانه بيكشف بالليل اتصل هات المريض من البيت وهو كشفه مش غالي وربنا يشفينا ويشفي المريض يارب 3
د اسامة اللي بيروح له ناس كتير من جميع انحاء الوطن العربي وهو سعره غالي عشان يقلل العدد اللي ريحين له وده كلام من علي لسانه 2
حد يعرف دكتور أمراض دم ومناعه بالغين عن تجربه←
مين احسن دكتور جهاز هضمي عن تجربة→