TareK Azr
16-12-2020 - 03:49 pm

مساء الخير
حد جرب مستشفي الروفيدة في الشيخ زايد مراتي ولدت فيها والولد في الحضانة انهاردة ٤ يوم ومفيش تحسن( هما بيقولو التحسن بسيط اوي ) هما قالو برده انه نازل عنده التهاب في الرئة وأنا طلبت تقرير كامل وحاسس ان في حاجة غلط ⭕️⭕️⭕️


تريند

التعليقات (27)

Emad Abdo
Emad Abdo
16-12-2020 - 04:50 pm

اسم المستشفى ملوش علاقه بصعوبه الحاله أو سهولتها.. ربنا يطمنك عليه ويقومه بالسلامه
Shimaa Loutfy
Shimaa Loutfy
16-12-2020 - 05:53 pm

دول علي طول نفس الفكرة بيلموا فلوس حسبي الله ونعم الوكيل فيهم
Marihan William
Marihan William
16-12-2020 - 06:58 pm

معلش بس لو حاسس ان في حاجه غلط ممكن تشوف مستشفي تانيه فيها حضانه... لان كتير بتسمع انها بتبقي تجاره خصوصا مع حديثي الولاده وبيكون الاب والام مش عارفين الحاله ...الف سلامه عليه
Akmal Hamdi
Akmal Hamdi
16-12-2020 - 08:05 pm

طارق قولهم انا عايز تقرير دلوقتي علشان اعرض الحالة علي دكتور تاني
Shimaa Loutfy
Shimaa Loutfy
16-12-2020 - 09:14 pm

الافضل اسال في مستشفي تانيه وربنا يطمنك علي
Mahmoud Elkenawy
Mahmoud Elkenawy
16-12-2020 - 10:25 pm

الف سلامه علي هارون ربنا يقومه ليك بالسلامه خد منهم تقرير وجيب دكتور اطفال من بره يكشف عليه ده حقك
Nesma Ali Omar
Nesma Ali Omar
16-12-2020 - 11:38 pm

ربنا يشفيه ويعافيه
Mariam El Emam
Mariam El Emam
17-12-2020 - 12:53 am

ربنا يشفيه ويحفظه يارب
Amr Hamed
Amr Hamed
17-12-2020 - 02:10 am

ربنا يطمنك عليهم
Amal Sobhey
Amal Sobhey
17-12-2020 - 04:50 am

طارق هات تقرير وانا اعرضه علي دكتور كبير في ابو الريش
Asmaa Helmi
Asmaa Helmi
17-12-2020 - 06:13 am

المستشفي سمعتها كويسه وخد التقارير وتعرضها علي دكتور بره بردو للتأكد مافيهاش حاجه
Yasmin Adel
Yasmin Adel
17-12-2020 - 07:38 am

تاخد تقرير بحالته او تطلب انك تجيب دكتور حديثي ولادة من خارج المستشفى يشوفه ويتأكد من حالته لانه صعب يخرج من الحضانة لو حالته ما تسمحش
Manona Mohamed Dentist
Manona Mohamed Dentist
17-12-2020 - 09:05 am

لازم تطلب منهم تقرير بحالة ابنك وتعرضه ع دكتور تاني بره المستشفي ولو تقدر كمان تجيبه يشوف ابنك في المستشفي .. وربنا يطمنك عليه ويخرج ع خير
Zaky Elsfty
Zaky Elsfty
17-12-2020 - 10:34 am

كم تكلفة الولادة هناك لوسمحت
Emad George
Emad George
17-12-2020 - 12:05 pm

لو رحت مستشفى تاني هتلاقي نفس الموضوع كلهم زي بعض و ربنا معاك
ايمان شريف
ايمان شريف
17-12-2020 - 01:38 pm

حمدلله ع سلامه الام اولا ربنا يردلك ابنك عاجلا غير اجلا و يقر عينك بيه عموما اطلب تقرير مفصل ف اسرع وقت و اعرضه ع حد برضه للاطمئنان... لو حسيت انك مش مطمئن ليك حق تنقله اطلب عربيه اسعاف مجهزه و انقله للمكان الي انت مطمئن ليه بس يكون مجهز لاستلامه... ربنا معاك وقت صعب و هيعدي بكرم الله و لطفه
Ali Farouk
Ali Farouk
17-12-2020 - 03:13 pm

تاخد دكتور أطفال و يروح يشوف النونو و تحاليله و تقاريره و لو شاكك واحد فى المليون انقل الطفل مكان تانى
ايمان عبده
ايمان عبده
17-12-2020 - 04:50 pm

ربنا يشفيه ويعفو عنه يارب ويخرج بالسلامة ان شاء الله
Dina Lashin
Dina Lashin
17-12-2020 - 06:29 pm

هات دكتور من بره يكشف عليه تطمن و تتاكد بردو و ربنا يقومه بالسلامه يارب
Amira Amr
Amira Amr
17-12-2020 - 09:53 pm

هو دا شغلهم بس برضو إستفتي قلبك لو عندك شك حتي لو بسيط عشان تطمن إنت وزوجتك أطلب تقرير طبي وإسالهم عن دخول دكتور من برا حديث ولادة يكشف لك ويطمنك أكتر وربنا يطمنكم عليه ويخرج بالسلامة وبجعلة ذرية صالحة
Khalid Hussein
Khalid Hussein
17-12-2020 - 11:38 pm

سامحني لو سألتك هو البيبي اتولد عنده كام اسبوع ؟
Wael Hassabo
Wael Hassabo
18-12-2020 - 01:25 am

انا ابني اتحجز في الحضانة لمدة شهر و طلبت تقرير بحالته و كان اشتباه أن في ثقب بين القصبة الهوائية و المريء وقصة كبيرة و عرضته على دكتور بره المستشفى و طلع الولد في الأخر معندوش حاجة و زي الفل
Nesreen Abdelhamid
Nesreen Abdelhamid
18-12-2020 - 03:14 am

هات دكتور اطفال يشوف الطفل بنفسه والتقارير
Atalla Abu Zeid
Atalla Abu Zeid
18-12-2020 - 05:05 am

لن أتحدث عن المستشفى المذكورة فانالااعرف عنها أي معلومات ولكن أريدك أن تعرف شيئا مهماجدا وهوان الحضانات الخاصة الرقابة عليهاغائبة تماما ولايمكن السيطرة على مايحدث بها لأنها عملية تجارية بحتة. انا تعرضت لهذا الموقف في إحدى. الَمستشقيات الخاصة بمصرالجديد ة منذ٣سنوات حين وضعت ابنتي طفلا وكان في غرفة العمليات طبيب أطفال وكان الطفل طبيعي جدا ويبكي ويتحرك ولكن طبيب الأطفال أصر على دخول الطفل الحصانة قائلا سوف نضعه تحت الملاحظة لمدة ساعتين اوثلاثة للاطمئنان رغم أن الطبيب الذي قام باجراءعملية الولادة قال له لاداعي لدخول الطفل الحضانة لكن طبيب الأطفال أصر وتوجهناللمستشفي ودفعنا٥الافجنيه وفوجئنا بأن المستشفى تصرعلي بقاءالطفل وفعلا قبلنا كانت النتيجة انناوقعنافي فخ الابتزازالرخيص وبدأت الفواتيرتنهال علينا كل يوم بالآلاف و كل يوم نسمع كلام مزعج واخبارغيرمطمئنة من الأطباء إلى أن قمت باستدعاء طبيب وهواستاذبكلية طب عين شمس وزار الطفل واخبرنابان حالته لاتستدعي وجوده بالحضانة تماما فطلبناخروج الطفل اواتخاذاجرائقانوني مع المستشفى وبالفعل اخذناالطفل بعدان دفعنا أكثرمن عشرين ألف جنيه في خلال عشرة أيام لذلك لاتفكركثيراقم باستدعاءطبيب من خارج المستشفى على وجه السرعة ولاتتردد وان شاءالله يكتب الله السلامة للطفل وتقراعينكم به
Norhan Hafez
Norhan Hafez
18-12-2020 - 06:58 am

اولا ربنا يطمنك ويخرج بالسلامه لو طلبت تقرير عشان تنقلوا اي مستشفي خاص بتكتب تقرير زي الزفت عشان مفيش مستشفي تاني تقبل الحاله وده عن تجربه لو مش هتنلقه وعايز تطمن اطلب التحاليل اللي بتتعمل يوم بعد يوم وايه الادويه اللي بياخدها وتعرضها علي دكتور اطفال
Mohamed Elgohary
Mohamed Elgohary
18-12-2020 - 08:53 am

هات استشارى من برة يكشف على الطفل
Walaa Mohamed Moustafa
Walaa Mohamed Moustafa
18-12-2020 - 10:50 am

روح بالتقارير لدكتور بره استشارى و هات دكتور معاك يبص على الحاله و يقيمها ابنى كان مولود بالتهاب رئوى و ثقب فالقلب و السبب عدم تشفيط لدكتور الاطفال المخاط و الافرازات من الطفل جيدا بعد الولاده منه لله قعد فالحضانه شهر عقبال مخف ربنا يشفيلك ابنك
|