"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
14-03-2018 - 12:52 pm
انا فى حملى الاول عانيت من الترجيع من اول شهر لشهر سابع ولدت بنتى بدرى فى حملى التانى حاليا نفس معاناة غيرت اكتر من ٣ دكاترة مش عارفة ارتاح وده مخلينى دايما مش عاوزة اكل ولا اشرب وماثر عليا فى شغلى بسبب الاحراج الى بتعرضله لما موضوع يجى فجاءة كل ستات العيلة مفيش غيرى الى كده نفسى فى دكتور يكون كويس فى متابعة يدينى حل كويس يريحنى من تعب ده وياريت يكون قريب من مصر الجديدة او جسر السويس
التعليقات (52)
جريي تشربي لين رايب واسمع حوامل كانوا ييشربوا حاحة اسمها تلبينة للترجيع في الحمل برضو
خلى دكتور يكتبلك حاجه عشان ترجيع كنت كدا واخدت برشم اول ما احس بترجيع باخده كان حلو جدا وكنت باكل بسبب البرشم ده
دي طبيعة جسمك و ملهاش حل للاسف الدكتور مش هيفيدك ممكن تاخدي ادوية مسموحة تقلل الحموضة و الارتجاع . و الوجبات تبقي صغيرة و كل ساعتين . عدم الاكل هيزود المشكلة
دى طبيعتك ممكن تقل شوية بالأدوية وطريقة الاكل ......بس مفيش دكتور حيوديها تماما
أنا كنت زيك وربنا ألهمني بحاجة خلت الموضوع يقل واحدة واحدة جيبي قصب ومصيه باستمرار هتلاقي في تحسن بس قصب مش عصير هتلاقي معدتك بتفوق واحدة واحدة أبتدي كلي عيش ناشف محمص مع جبنة قريش أو جبنة بيضا وكمان علشان تعو ضي جسمك بالسوايل ومصي برتقال سكري هيعوص ويبقي عندك طاقة وادعيلي إن ربنا يهدينه
الترجيع ممكن يقل شوية لو كلتي كورن فليكس الصبح علي الريق و هو ناشف كدة، حطيه جنب السرير و اول ما تصحي قرقشيه. تاني حاجة كتري البروتين في اكلك اكتر من اي حاجة تانية، تونة بقي ، فراخ او لحمة و مشروم لو بتحبيه. خدي معاكي كل يوم طبق تونة الشغل و ان شاء الله الموضوع يقل. هي بتبقي طبيعة حمل للاسف. فيه ناس حملها سهل و ناس لازم تتعذب كدة.
انا فضلت ارجع من الاسبوع السادس لحد ما ولدت ، جربت كل حاجه لان كنت بفضل ارجع لحد ما يجيلى جفاف . الحاجه الوحيده اللى نفعت معايا هى دوا قوى للترجيع كان بيوقف الترجيع خالص . و فى الاخر دى طبيعة جسمك كل جسم بيختلف عن التانى . ربنا معاكى
للاسف انا كمان كدة انا بفضل ارجع لغاية يوم الولادة انا حاليا حامل وده حملى الثالث وكلهم كانوا كدة برجع من اول شهر لغاية ما أولد الحاجات الى بعملها تقلل شعورى بالغسيان هى أنى باكل حاجات قليلة وعلى فترات انا بخس فى الحمل جدا اصلا كل الى بيشوفنى مش بيصدق انى حامل فى الثامن ابدا . واى حاجة مسبكة أو فيها صوص ابعدى عنها كلى خضار مسلوق وشوربة خضار طبق صغير وبعد ساعتين طبق تانى خدى تفاحة بس مش المسكر الى فيه لسعة الى بيقولوا عليه سكرى بلاش موز البرتقال بلاش كتير لأنه هتلاقيه الأحماض بتاعته بتهيج المعدة بس هو ضرورى علشان الأنسجة وميجلكيش امساك وبواسير بعد الشر ربنا يقومك ويقومنى بالسلامه
دى طبيعة جسمك انا كنت نازلة اروح المستشفى اولد وبفتح باب الشقة رحت ع الحمام بردة يعنى القئ عندى كان طول فترة الحمل كاملة ومكنتش باكل تقريبا هتفضلى كدة وحولى تتعايشى مع الامر لان القلق من الموضوع اشد ضرر من الموضوع نفسه
علي فكره في ناس كده كتير ومعدتهم مابستحملوش هرمون الحمل وبقعدو كده لغايه مايولدو بالسلامه استحملي امال الجنه حتبقي تحت اقدامك ازاي ربنا معاكي
انا بردوا كنت كدا في مرتين حمل ، بس كنت بسيب الشغل و بقعد في البيت في بداية كل حمل. و كان الحل الي ريحني شويه تقليل الدسم خالص مفيش مقليات او دهون تقريبا و لا زبده و لا سمنه و فواكه كتيير و آكل علي ٦ او ٧ مرات. ربنا يجعله في ميزان حسناتك كنت بتابع مع دكتور ممتاز و امين و انسان (و دي تركيبه صعبه تلاقيها ) دكتور خالد دبيكي ربنا يكرمه و يجازيه خير ت العياده 0222702947 و ملاحظه للستات الي بتقول ده حمل البنات الي كدا ، المرتين كانوا اولاد. الموضوع طبيعة معده و هرمونات الجسم.
الحل وجبات صغيره اكل خفيف ..ابعدى عن كل مسببات الحموضه ....ولازم تتابعى نسبه الحديد والمعادن لانى كنت كده والنسبه قلت عندى ...
احمدي ربنا يا حبيبتي انه ترجيع ، انا مكنش بيجيلي ترجيع بس بيجيلي هرش ?? نوبات هرش في جسمي كله وممكن اقعد اعيط بالدموع زي العيال الصغيرة ! علي الاقل في الشغل فاهمين ان الترجيع والوحم ده عادي مع الحمل انما الهرش معرفتش ابرره ?
عايز اعرف افضل دكتور قلب في مصر الجديدة ومدينة نصر←
عايز دكتور اخصائى مفصل الفك طنطا او مصر→