"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
14-03-2018 - 12:52 pm
انا فى حملى الاول عانيت من الترجيع من اول شهر لشهر سابع ولدت بنتى بدرى فى حملى التانى حاليا نفس معاناة غيرت اكتر من ٣ دكاترة مش عارفة ارتاح وده مخلينى دايما مش عاوزة اكل ولا اشرب وماثر عليا فى شغلى بسبب الاحراج الى بتعرضله لما موضوع يجى فجاءة كل ستات العيلة مفيش غيرى الى كده نفسى فى دكتور يكون كويس فى متابعة يدينى حل كويس يريحنى من تعب ده وياريت يكون قريب من مصر الجديدة او جسر السويس
التعليقات (52)
عادى انا كده حملي صعب كل اللي حواليا بيقولي انتي فعلا حملك صعب احنا مكناش كده
الحاجة الوحيدة التي نفعت معايا تقليل الاكل جدااااا مع زيادة عدد الوجبات كل ساعة اروح الهط لقمة والبيبسي للاسف بيضيع الاحساس ده بس بلاش منه عشان الكالسيوم
انا كنت كدة فالحملين ترجيع من تانى شهر لحد يوم الولادة كانت حاجة اخر ارف .. انا كنت برجع لو شربت بؤ مية تخيلى لو كلت بقا ... الحمد لله عدت .. هى بتبقا طبيعة جسم و بتختلف من واحدة للتانية و ملهاش حل الا لما تولدى ان شاء الله 4
كنت كده وكمان مكنتش بابلع ريقي تخيلي لوبلعته ارجع معلش كله بيعدي وفي ميزان حسناتك 2
ده مالوش دعوة بالدكتور دي طبيعة حمل بس الدكتور بيوصف لك ادوية تقلل الغممان ده و معلش اصبري و احتسبي اجرك عند الله ... وهنا على وهن
حاولي تاكلي نواشف لما تصحي بدري و كلي وجبات صغيرة على فترات متقاربة و ابعدي عن الاكل التقيل
للأسف دي مسألة متعلقة بطبيعتك أنتي .. وعن تجربة لما بتكوني من النوع ده حتى الأدوية بيبقى مفعولها مؤقت وما بترجعيش لطبيعتك غير بعد الولادة :(
طبيعه أجسام و للاسف كل الادويه اللي بتتاخد لتقليل الترجيع مبتجبش نتيجه و في ناس كمان بتوصل انهم لازم يدخلوا المستشفي يخدوا محاليل.معلش ربنا يهون الشهور دي و تقومي بالسلامه و الله حاسه بيكي
طبيعيه جسم انا فى حملى الاولانى مرجعتش نهائى ودلوقتى فى تانى حمل مرجعتش خالص طبيعه جسم وطبيعه حمل
والله واحده زيك كانت نفس المعاناه وكانت بتابع مع دكتوره ومكنش في حل للترجيع حد نصحها تعمل تلبينه الشعير اللي وصي بها رسول الله وتاكلها رغم ان طعمها تقيل شويه الا انها جابت نتيجه مذهله معاها ووقفت الترجيع خالص وفتحت شهيتها جربي ووفري مالك طالما الطب النبوي موجود الجأيله 5
هو الترجيع مش مشكلة الدكتور ولا عيب فيه المشكلة عندك اقصد ان دي اختلافات فردية كل واحدة وظروف حملها وفي ناس من كتر الترجيع ف الحمل بتختاج تتحجز ف المستشفي عشان تبقي بتتغذي علي محاليل ويظبطوا كيميا الجسم اللي بتبوظ م الترجيع يعني المشكلة مش ف الدكاترة فبلاش تفضلي تلفي كتير امشي ع العلاجات وحاولي ترتاحي وامجي ع التعلمات وجبات خفيفة وقليلة والي حد ما الترجيع مش هو سبب انك ولدتي بدري انا طبيبة علي فكرة 3
جربى تاكلى بقسماط قبل ما تقومى من السرير وخلى فى ايدك زجاجة رايب اشربى على مدار اليوم وكلى لبان سمارة الموضوع هيقل شوية وكلى اكل خفيف وكميات قليلة ربنا معاكى
بصى يقمر روحى لدكتور بطنه لانى كنت كده وطلع ان عندى ارتجاه مرئى وهو للاسف بيزيد فالحمل والف سلامه عليكى
عايز اعرف افضل دكتور قلب في مصر الجديدة ومدينة نصر←
عايز دكتور اخصائى مفصل الفك طنطا او مصر→