Ramez Assaad
02-03-2018 - 02:25 pm

تجربة سيئة مع دكتور اسنان اسمه د. مراد المداح قدام جامع الفتح مصر الجديدة و ابنه د. مينا . مشكلتي ظهرت لما كنت بعمل حشو مع دكتور تاني وطلع ان الحشو ضاغط على العصب و كان لازم اعمل علاج عصب فرحت للدكتور المذكور و عملي علاج العصب بس للاسف طلع مش مظبوط و قاللي ان المشكلة عندك مش مشكلة حشو العصب . الوجع فضل مستمر لمدة 3 شهور كنت فيها رحت له حوالي 4 مرات لغاية ما اكتشفت ان فيه عصب ما تشالش لما عملت أشعة مقطعية دكتور تاني قالي عليها و رحت له عشان يكمل علاجه وبعد ما عملها رجع تاني الوجع زي الاول و اكتر و ابتدت تظهر التهابات تحت الدرس . المهم رحت له تاني قاللي ان المشكله عندي مش مشكلته . ما صدقتهوش و طلب اني اعمل أشعة تاني و طلعت و قاللي ان الأشعة سليمة و الدرس تمام لكن للاسف طلع انه ما بيقولش الحقيقة و ارسلت الأشعة لدكتور آخر في امريكا و قاللي ان العملية كده باظت و حصل قطع الجدر و لازم يتخلع . رجعت للدكتور المذكور و قاللي الكلام ده غير صحيح لانه باختصار بيتهرب من علاجي بعد فشله في علاج الدرس. هل فيه حاجة اقدر اعملها ولا كده خلاص و استعوض ربنا ؟


دكاترة مصر

التعليقات (10)

Mohammed Hussain
Mohammed Hussain
10-03-2018 - 05:37 pm

شكوى بصور من المرفقات لنقابة الأطباء. و طلب المشورة من جهاز حماية المستهلك T: 19588
Ahmed Elhadi
Ahmed Elhadi
11-03-2018 - 09:37 pm

ممكن تبعتلي صور الأشعة يافندم وتسمع رايي؟ 2
Ramez Assaad
Ramez Assaad
13-03-2018 - 02:25 am

ممكن email حضرتك متشكر جدا
Ahmed Elhadi
Ahmed Elhadi
14-03-2018 - 08:01 am

هابعاتهولك عالخاص ولما تبعته قولي انك بعتهم
Heba Magdi
Heba Magdi
18-03-2018 - 05:37 am

ربنا يشفيك بجد حسبي الله ونعم الوكيل
Shady Gamal
Shady Gamal
19-03-2018 - 02:25 pm

للحق علميا علاج العصب هناك نسبه فشل ضئيله و بتكون بره ايد الدكتور
Abubakr Ali
Abubakr Ali
21-03-2018 - 12:01 am

روحي لدكتور شاطر واشتري نفسك , صحتك اهم من الهري ده
Ahmed Nabil
Ahmed Nabil
22-03-2018 - 10:25 am

ابعتيلي صور الاشعه
Ehab Ali
Ehab Ali
25-03-2018 - 09:37 am

انت كدا روحت للبيج بوص
Muhammed Haroun
Muhammed Haroun
26-03-2018 - 10:25 pm

اشوف الاشعه قبل و بعد و نحكم بالحق
|