Sayed Abdelfatah
21-09-2019 - 02:00 pm

السلام عليكم ورحمة الله وبركاته عندي استفسار هو من الطبيعي مجرد ما ارفع رجلي من علي دواسه البنزين احس ان العربيه بتتشد لورا او بمعني اصح احس انها بتتقل جدا وكتير بحس بيها كده وكأنها عاوزه تقف مكانها مع العلم البنزين ٩٥ فيس ليفت ٢٠١٩


كيا سبورتاج

التعليقات (14)

Mohamed Salah
Mohamed Salah
29-09-2019 - 05:12 pm

ده بيحصل معايا بردو فيس ليفت ٢٠١٩ و أعتقد السبب أن البودى تقيل على الموتور ال ١٦٠٠ و بالتالى يشكل مقاومة بتشد العربية و ده مجرد رأى و الله أعلم
محمد المدنى
محمد المدنى
03-10-2019 - 07:36 am

فرامل اليد محمله شويه
Mohamed Dewidar
Mohamed Dewidar
11-10-2019 - 10:00 am

عادي جداً كل الجديد كدة
محمد المدنى
محمد المدنى
12-10-2019 - 09:12 pm

القديم مش كده ٢٠١٧
Ezzeldin Abo Moslim
Ezzeldin Abo Moslim
14-10-2019 - 09:12 am

بتحصل ف الاغلب وقت الداون شفت بتاع الجير
Shreef Gheith
Shreef Gheith
15-10-2019 - 10:00 pm

بص يا باشا دا من الفتيس لما بترفع رجلك بينزل النقلات فبيهدي العربيه وبتحس انها بتتكلبش كدا ودا طبيعي مع العربيه دي ولو حطيتها ع مليون جهاز ووديتها التوكيل مش هيبان اي عيب عشان الفتيس متصمم كدا وبرده لو عكسنا الموضوع وحبيت تجري وقرصت ع الدواسه هتحس ان الفتيس بياخد ثواني كدا وبعدين يحس فجاءه انك عايز تجري فيسقط نقلات والعربيه تنط هو فتيس الكيا ال ٦ نقلات كله كدا وعن تجربه لاكتر من عربيه
Mohamed Abdou Elgharib
Mohamed Abdou Elgharib
17-10-2019 - 11:36 am

طيب ممكن حضرتك تخلي العربية تاخد سرعتها وتفصل الجير وتجيبة على ال N وتشوف حركة العربية طبيعية ولا فيها حاجه مسكها لو نفس المشكلة هيكون في شد في فرامل اليد او السفايف ماسكة على الطنابير لو ما في يبقى ده من الجير لسه محكوم واستني شوية لما العربية تعمل عشر الاف كيلو
Wael Ghaith
Wael Ghaith
03-11-2019 - 11:36 pm

بتحصل معايا في السبورتاج ومش بتحصل في السيراتو . واضح انه من الفتيس لانه بيكلبش العربيه .
Mohamed Sayed
Mohamed Sayed
05-11-2019 - 10:00 pm

لا طبعا
Omar Abdelghany
Omar Abdelghany
09-11-2019 - 09:12 pm

دي حقيقة اول ما تلمس فرامل احس انها بتفرمل لوحدها
Sayed Abdelfatah
Sayed Abdelfatah
11-11-2019 - 10:00 pm

الناس مش واخده بالها دي مشكله فعلا في الفيس ليفت ٢٠١٩ ولو مشكله تجميع فتيس يبقي التوكيل يشوف لها حل ويعيد برمجته ونفس المشكله اني اكون ماشي علي سرعه ٦٠ والفتيس واخد الغيار السادس وسألت فيها قالي دي خاصيه علشان توفير البنزين انا احب اتحكم في سرعه عربيتي بنفسي مش هي اللي تتحكم في ولو المشكلة كده كنت جبتها مانيوال افضل
Shreef Gheith
Shreef Gheith
13-11-2019 - 11:36 pm

Sayed Abdelfatah
Amin Elminiawy
Amin Elminiawy
18-11-2019 - 05:12 am

اه بتحصل معايا
Elsaqqa Talal
Elsaqqa Talal
20-11-2019 - 09:12 am

مشاكل اداء العربية دي كلها تتمثل في برمجة الفتيس الي معمولة بهدف توفير البنزيين بانه ديما يقلل لفات rpm قدر المستطاع حتي لو علي حساب عزم العربية وادائها في كل الحالات والكلام ده طبعا ضعف تكنولوجيا مواتير في الاصل بتحرق بنزيين عالي فيحاول يعالج الموضوع من الفتيس والنتيجة برضو بتكون سيئه في الاستهلاك ودة مش في موجود في العربيات الياباني مثلا عن تجربة العربية دي عشان تاخد منها اداء معقول لازم تفضل كابس علي نفسها ديما في دوسة البنزيين ومع الوقت حتحس ان العربية بدأت تتعلم و تستجيب معاك بشكل افضل حتي مع الدوسات البسيطة بس دا طبعا حكلفك بنزين كتير
|