غيري مكان السرير بحيث يكون في مجرى تيار الهوا بين باب وشباك مثلا

حطي فوطة مبلولة في التلاجة (الفريزر) قبل الكهربا ما تقطع علشان تتجمد نص
تجميده ولما تقطع الكهربا لفي الفوطة دي على رقبتها وتحت الإبط وعلى قصبة
الرجل علشان تبرد جسمها.
او فوط كتيرة قديمة اعصريهاعصر خفيف وخلي الميه اللي فيها تتجمد في الفريزر

لو في امكانيات اشتري مولد كهربا صغير حتى لو يقدر يشغل مروحة واحدة قريب منها

حطي قزايز ميه كتيرة في الفريزر تتجمد استعداد لقطع الكهربا ، ولما تقطع
تقدري تستعملي التلج في تبريد الفوطة او تبريد الاوضة
تقدري كمان تحطي ميه وتلج في حلة او اي حاجة بلاستيك وتحط رجليها فيها لو
بتقدر تحركها

لو تقدري تشتري من على النت مروحة صغيرة بتشتغل بالبطاريات القلم وتتحط
حوالين الرقبة

خليها تشرب ميه كتير علشان ما يحصلش لها جفاف وعلشان الكلية تشتغل طبيعي

الملح مهم جدا في الحر ، علشان بيساعد الشخص انه يشرب ميه كتير

حمام الميه البارد بيساعد الجسم في التغلب على حرارة الجو لساعات طويلة

تخفيف الملابس قدر المستطاع واستعمال ملابس قطن خفيفة تمنع التعرق

Sad Bird

22-07-2023 - 02:23 am

بطارية عربية ومحول ٢٢٠١٢ V البطارية تشحن وقت وجود الكهرباء ولما تقطعه
ناخد منها تشغل مروحه ولمبة صغيرة بس
.
.
مولد كهرباء ٥ ك سعره حاليا يوصل ٢٠ الف او يزيد حسب بلد الصناعه
.
.
خلايا شمسية وبتخزن اطفي بطاريات ليثيوم ودي استخدام على المدي الطويل مش
على قد الفترة الحاليه
.
.
طبعا الملابس تكون قطنيه
وملايه السرير كذلك
طبق مياه صغير فيه ماء بارد وفوطه صغيره بنمسح الجسم كله ونسيبه يتهوي
.
.
وربنا وحده الشافي

Mai Hussain

22-07-2023 - 02:24 am

لو مفيش امكانية للتكيف ..حط سريرها تحت شباك او جنب بلكونه بحيث يدخل لها
هوا طبيعي بتاع ربنا..وساعات والله كنا بنمسك جلده كتاب تخينه نهوي بيها
علي نفسنا

Hwaida Abo El-Hamd

22-07-2023 - 02:26 am

ازايز ثلج تتحط تحت الغطا

Radwa Elhussieny

22-07-2023 - 02:27 am

مروحة ستاند بإعادة الشحن دي غير المراوح الصغيرة على امازون، اعتقد بتتباع
في شارع عبد العزيز بس اسألي الاول بتتباع فين عشان مش متأكدة، من كام سنة
كانت بتيجي مستوردة

ادم عمرو

22-07-2023 - 02:29 am

مولد كهرباء صغير لتشغيل مروحه و ضروري مرتبه طبيه

Nona Said Mosa

22-07-2023 - 02:30 am

مرتبه هوائيه عشان قرح الفراش ووجهي السرير بجانب البلكونه ربنا يراضيكي
ويجعلك باره بيها وييسر أمركم يارب ويشفي ويعفي يارب

Venus Queen

22-07-2023 - 02:32 am

فيه تكييف محمول وفيه مروحة محمول
انا شخصيا معايا المروحة بشحنها وبشغلها لما الكهرباء تقطع بتديني نفس
وحلوة جدا

Ahmed Al Kady

22-07-2023 - 02:33 am

لا حول ولا قوة الا بالله العلي العظيم.
حسبيا الله ونعم الوكيل..
مرتبه هوائية او جيب مكيف