Osama Boshra
20-09-2017 - 07:36 am


استفسار بخصوص صيانة كيا الرحاب وكيا ابو رواش
يا ريت تفيدونى انا عندى استفسار كنت بعمل صيانه فى الرحاب وبالصدفه بيكشفوا على العفشه ولقيوا تيش الميزان وبيضه الطرف خفاف وقالولى هنطلبهم من التوكيل وكمان شداد الباب اليمين عايز يتغير وده كله فى الضمان العربيه موديل 2015 الكلام ده بقاله اكتر من 20 يوم . وتابعت معاهم بعدها قالولى ان فيه بعض حاجات وصلت لكن الباقى لسه .
المهم لقيت كيا الرحاب بيكلمنى انهارده وبيقولى ان فرع ابو رواش عايزين يشوفوا العربيه طب ازاى .
دلوقتى سؤالى هو كده فرع الرحاب غير موثوق فيه بالنسبه لفرع ابورواش ولا ايه الحكايه لانهم جايين بعد اكتر من 20 يوم يفتكروا انهم عايزين يشوفوا العربيه. وانا اصلا مش بحب اعمل صيانه فى فرع ابو رواش لانهم متعبين جدا فى المعامله.
يا ريت مهندس هشام يوضحلنا الصوره ماشيه ازاى عشان نفهم بس ومتأسف على الاطاله.


كيا سبورتاج

التعليقات (26)

Ahmed Aladawy
Ahmed Aladawy
30-09-2017 - 07:36 pm

فرع أبو رواش دة الفرع الرئيسي واى حالة حرجة 😄 مثل الفتيس أو. دبرياج أو. خلافه بيتحول فورا هناك لا تقلق حصلت معايا 🙄👍 بعدان الى فى الرحاب ده مركز واخد التوكيل فلو مركز لا يعتمدون كلامه ابدا ولو اعطاك شهادة موثقة وحصلت معايا وواضح جدا أنه مركز واخد وكيل تقريبا مثل الرواس بالعبور وخلافه مكتوب( بدر ) بجوار كلمة كيا
Abdelrahman Khedr
Abdelrahman Khedr
03-10-2017 - 07:36 am

تساؤلك في محله طبعا، هل كيا الرحاب غير موثوق فيه من ابو رواش؟!! ملهاش تفسير تاني
Khaled Abdelmaksoud
Khaled Abdelmaksoud
04-10-2017 - 02:48 pm

اتصال بالمهندس هشام علي طول
Khaled Abdelmaksoud
Khaled Abdelmaksoud
08-10-2017 - 05:12 pm

كيا الرحاب مركز معتمد مفيش كلام بس العربية اعتقد انا اعرفها حاضرتك مش صاحبها الاول صح كدة
Osama Boshra
Osama Boshra
13-10-2017 - 02:48 am

ليا الشرف يا هندسه 😍
Aly S Zayed
Aly S Zayed
19-10-2017 - 10:48 am

لا بصً حصل معايا كده في فرع الشروق وانا بكشف علي قطمه الدركسيون والي اكتشفته أن أي حاجه ها تتغير في الضمان لازم عن طريق أبو رواش بس بس حتي في أبو رواش محترمين وإلحاحه الي عايزه تتغير هيغيروها
Osama Boshra
Osama Boshra
21-10-2017 - 02:48 am

اتمنى
Mohamed Ayman Ellaethy
Mohamed Ayman Ellaethy
26-10-2017 - 07:36 am

لا عادي عشان ضمانك قرب يخلص ف بيطمنوا بس
Moustafa Mustafa
Moustafa Mustafa
28-10-2017 - 02:48 am

نفس الطريقة حصلت معايا كان علامه علبه البيئة منوره كيا الرحاب اكدوها ابورواشش طلبو يشوفو ألعربيه بعد وأقعدت عندهم أسبوع قالولي عيب بطاريه ولقيت ألعربيه ماشيه ٣٥٠ كم بسألهم ليه قالو كنا بنجرب العربيه ودفعوني ٤٠٠ جم فواتير بنزين كل ده بيتهربو من الصيانه في الضمان
Ahmed Hazem
Ahmed Hazem
29-10-2017 - 10:48 pm

بص يا سيدي ... ليه ابو رواش ؟! عشان لو عيب صناعة بتاخدها ببلاش ... وده حصل معايا في الفتيس كان فيه مشكلة عيب صناعة ... توكيل ابو رواش مشكورا غيرها مجانا واداني عربية موقتا كمان ... توكيل محترم جدا ...
Ahmed Hazem
Ahmed Hazem
31-10-2017 - 07:36 pm

تم تغيير الفتيس بالكامل ... مجانا
Wael Keshta
Wael Keshta
02-11-2017 - 05:12 pm

انا شاري 2014 35000 ك عاوز اعرف ازاي انا في الضمان ولا لاء
Mohamed Ahmed
Mohamed Ahmed
04-11-2017 - 03:36 pm

كده خلاص مفيش ضمان لانه 5 سنين فقط
Maher Shalan
Maher Shalan
14-11-2017 - 07:36 pm

عادى بتحصل فى كل فروع التوكيل ساعات المركز الرئيسى بيطلب يعاين السيارة والتأكد من تلف القطع المراد استبدالها لما بتكون قطع كتير او لما يكون عمرها الافتراضى لم ينتهى وكل دة مفيش لة اى علاقة بعدم الثقة فى الفرع ولكن دة سياسة التوكيل واى فرع واخد توكيل معتمد عدى مرحلة الثقة بينة وبين المركز الرئيسى
Noha Ibrahim
Noha Ibrahim
16-11-2017 - 10:48 pm

هو انا عايزه اعرف من فضلكوا هو كيا الرحاب ده خليجي ولا وكيل
Muhammad Al-Mangouri
Muhammad Al-Mangouri
02-12-2017 - 07:36 pm

يعني شدادات الأبواب اللي المفروض تتتغير بسبب عيوب الصيانة لازم نروح أبو رواش مش كيا الرحاب و بس ، كده حتبقي مشواير جامدة علينا بدون داعي !!! John Talaat
Ahmed Bahgat
Ahmed Bahgat
05-12-2017 - 05:12 am

المشكلة في قطع الغيار اللي مش موجوده .. مركز صيانه كيا اللي محور الشهيد ورا معرض محمد زكي .. كان عندي مشكله في عفشة الجنب الشمال خلفي بعد خبطة و قالولي هيعملوا مقايسة و لو رفضت الإصلاح هدفع ١٠٠٠ جنيه قيمه المقايسة ووافقت .. بعد المقايسة قالوا ٣٧ الف قلت ماشي .. قالولي مفيش قطع غيار و حاجات هتيجي كمان شهر و حاجات تانيه كمان ٣ شهور ( الإصلاح كان هيبقي كاش لاني مش مأمن علي العربية ) رفضت طبعا و قولتله انا مش هفضل من غير عربية ٣ شهور .. معلومة تانية :- العربية متحركتش من مكانها و لا رفعها و لا اي حاجة .. المقايسة كانت عبارة عن عامل فرش كرتونه تحت العربية و بص عليها .. رحت جبت ونش و هشيل العربية اوديها مكان تاني قالي لازم تدفع ال ١٠٠٠ ثمن المقايسة !!!!! قولتله هو انا اللي رفضت الإصلاح و لا انتم اللي مش عندكم قطع غيار .. المهم اني صلحتها بره التوكيل مراكز الصيانه المعتمده مش كلها تمام و مليانه بالنصابيين .. 😏 الفكرة انه هيفضل يقولك مفيش قطع غيار و يعطلك بدل الشهر تلاته
Osama Boshra
Osama Boshra
07-12-2017 - 03:36 pm

على فكره يا جماعه انا مش بشكك فى قوة كيا الرحاب بالعكس انا مرتاح جدا فى التعامل معاهم وخاصا بعد ما واجهت مشكله مع ابو رواش ولكن تم حلها فى الرحاب بكل سهوله واحترام وعشان كده انا مش بحب اتعامل مع ابو رواش لانهم بيحاولوا يتهربوا من الصيانه فى الضمان عن تجربه
Osama Boshra
Osama Boshra
10-12-2017 - 02:48 am

وتجربتى كانت مع ابو رواش انى رحتلهم عشان كانت العربيه فيها تعويمه خفيفه ومن غير ما يكشفوا على العربيه قالولى هنظبط زوايا وهتكلفك 450 جنيه مع ان الزوايا كانت مظبوطه فى اكتر من مركز وفى توكيل روكسى قبلها علطول وعملت مشكله ومشيت وبعد تدخل مهندس خالد Khaled Abdelmaksoud
Mohamed Yassin
Mohamed Yassin
12-12-2017 - 02:48 pm

حد جرب صيانه كيا اللى ناحيه المقطم
Mohamed Yassin
Mohamed Yassin
25-12-2017 - 02:48 pm

بدخل له من صلاح سالم
Mohamed Yassin
Mohamed Yassin
11-01-2018 - 07:36 am

سالت ميكانيكى قالى ممكن يكون abs
Mohamed Yassin
Mohamed Yassin
17-01-2018 - 03:36 am

لما بدوس فرامل فجاءة البدال ينزل لتحت و احس برجه مش مضبوطه
Ahmed Bahgat
Ahmed Bahgat
23-01-2018 - 02:48 am

الراشد .. او كيا الرحاب .. بس ده عادي افتكر و ده ال ABS فعلا انا ٢٠١٦ و برضه بتعمل كده
Mohamed Yassin
Mohamed Yassin
23-02-2018 - 10:48 pm

لا الرجه عندى مش طبيعيه خالص والعربيه مبتفرمش اصلا بتسحف
Osama Boshra
Osama Boshra
02-03-2018 - 05:12 pm

اكشف عليها فى الرحاب وهما هيفيدوك
|