ازاي اروح عند نادى وادى دجلة المعادى بالمترو جيزة ؟

انزلي المعادي واركبي من هناك عرب ومن العرب اركبي زهراء وقوليلي نزلني عند شارع المدارس اللي فيه نادي وادي دجلة

معلش ممكن حضرتك توضحلى اكتر اركب ميكروباص عرب و انزل للاخر ولا فين بالظبط وابدل من محطة ايه طيب ، و من انهى محطة معادى ثكنات ولا حدايق ؟؟

محطة المعادي بس اللي مابين حدايق وثكنات انزلي من المحطة اخرجي من ناحية اتجاه المرج عشان الموقف من الناحية دي مش من ناحية اتجاه حلوان هتخرجي برة هتلاقي عربيات بتنادي عرب بساتين او عرب مؤمن او عرب اي حاجة اركبي اي واحدة منهم وقوليله نزلني عند العرب العرب حتة مشهورة والناس كلها عارفاها بس ده مش الاخر لان الميكروباص بيكمل وبيروح البساتين او مؤمن او او اواو من العرب بقى اسألي على عربيات زهراء المعادي اركبيها وقوليلي للسواء نزلني عن نادي وادي دجلة او شارع المدارس هينزلك تمشي شارع صغير هتلاقي النادي على طول

تمام شكرا جدا لحضرتك و اسفه على تعبك

العفو مفيش حاجة

هتركبى من الجيزة مترو وتحولى من السادات وتركبى اتجاه حلوان وبعدين تنزلى محطة المعادى هتنزلى من المترو وتعدى السلم النحية التانية واركبى عربيات العرب قول له نزلنى عند عربيات زهراء المعادى

تمام شكرا جدا لحضرتك