ازاي اروح المستشفى الوطني للعيون مصر الجديدة ؟

Kiro El Meskeen

30-08-2018 - 08:36 am

ازاي اروح المستشفى الوطني للعيون في مصر الجديدة من محطة مترو عزبة النخل ... ومعلش وحدة وحدة عليا علشان اسكندراني

التعليقات (7)

Aya Mosleh

07-09-2018 - 11:48 am

من محطة المترو اسال عن حاجة رايحة الجراج.. ومن ااجراج هناك موقف اوتوبيسات اركب منو حاجة هتعدي عالحجاز قولو ينزلك قدامها

Hussein Badr

08-09-2018 - 03:48 pm

انت قدامك طريق من اتنين على حد علمى ... 1 - تركب من عزبة النخل ميكروباص لحد موقف العاشر و بعدين تركب من موقف العاشر ميكروباص بيروح شيراتون و تقول للسواق نزلنى عند السندباد و من هناك تتمشي ربع ساعة تبقي عند المستشفي ... 2- تركب من عزبة النخل ميكروباص لحد الجراش و ده هيمشي فى عين شمس كده لحد جسر السويس (الجراش) و من هناك تركب ميكروباص قديم و مكسر كده و بيروح شيراتون و تقوله ينزلك اقرب مكان لميدان الحجاز لانه بياخد طريق من اتنين .. بيعدى من عند السندباد (ف هتنزل عند السندباد) او بيعدى من عند مجمع الاسكواش ( ف تنزل هناك اقربلك) و بردو تتمشي شوية لحد المستشفى ... اظن لطريق كده سهل خالص اهوه

Aya Mosleh

09-09-2018 - 08:36 pm

يا حسين حلولك صعبة جدا الجراج اصلا مليان اتوبيسات نقل عام للمستشفى

Hussein Badr

11-09-2018 - 02:12 am

شوفى .. بصراحة انا عمرى ما لقيت حاجة بتدخل ميدان الحاجز علطول الا اذا كانت طالعه من شيراتون ... بس طالما انتى متاكده يبقي ده طبعا اسهل بكتير لحد المستشفي .. شكرا على المعلومه

Aya Mosleh

12-09-2018 - 08:36 am

لالا فيه كتير بيمشو من جنب السيرك كده كانهم رايحين على نادي الشمس ويلفو ويدخلو من الحجاز ويكملو سانت فاتيما وتريومف

Hussein Badr

13-09-2018 - 03:48 pm

طيب ديه معلومه كويسه و الله ... شكرا ليكى

Aya Mosleh

14-09-2018 - 11:48 pm

العفو على ايه

ازاى اروح مركز شباب مدينة نصر من مصر الجديدة ؟←
ازاي اروح شارع الميرغنى فى مصر الجديدة من العتبة ؟→