ازاي اروح الخليفة الظاهر السابع بالعربية من النزهة الجديدة؟

اللي اعرفه انك توصل لاول عباس ازاي بقى معرفش?وهتدخل عباس وتفضل ماشي لغاية الحديقة الدولية حمزة قصادها

الفرع القديم عارفاه الجديد هو اللي مكنتش رحته

انا مأخدتش بالي من كلمة الخليفة الظاهربس هو الفرع الجديد ده فتح امتى

انا لقيتهم كاتبين الفرع التالت بس رحت لقيته مش شغال معرفش ليه ، بس فرع وهم دورين واماكن قاعدة ف الدور الفوق والمحل نفسه قدامه ساحة تقعد غير قعدة الشارع بتاعت التاني دي وركنة للعربية وايه

شارع اللواء صالح حرب متقاطع مع الخليفة الظافر ، ادخل يمين من ابو رامي هتعدي الفطاطري القليوبي تاني يمين بعده هتلاقيه ف وشك محل بناصية كبير احلى خالص

هاتخلي بنزينة توتال اللي في شيراتون على شمالك وتمشي علطول مع الشارع لغاية ما تطلعي كوبري المطار وتنزلي تكملي في طريق النصر لغاية ما تلاقي رابعة على شمالك. خدي اليوتيرن وأدخلي في الطيران وكملي لغاية الجامع الأخضر الكبير اسمه نوري خطاب وادخلي يمين جنبه بس ماتلفيش اليوتيرن زي الناس. كملي في شارع علي أمين لغاية تقاطع يوسف عباس وبعده هاتلاقي على شمالك مسجد تاني كبير اسمه يوسف مال الله وعلى يمينك مباني تبع جامعة الأزهر. هاتلفي اليوتيرن ساعتها وتاخدي الشارع اللي جنب المسجد هاتلاقيه مليان ورش هو ده الخليفة الظاهر.فيه حمزة تاني اللي عند الحديقة الدولية هاتدخل عباس العقاد من أول يوتيرن بعد ميدان الساعة في طريق النصر وتدخلي من جنب البنزينة اللي تحتها إيتوال وتكملي في عباس العقاد وتاخدي اليوتيرن بتاعت مصطفى النحاس وترجعي عباس العقاد تدخلي في أول شارع يمين قبل الحديقة الدولية.

?ميرسي يا أيوي روحت بس لقيت الفرع الجديد قافل رحت للمزحوم

روحت من عند ابو رامي دخلت يمين ف تاني يمين بس حلوة وصفتك ابقى اجربها لما يفتح بقى

الوصفة بالحرف من شيراتون تسلم ايدك ???

حمد الله على السلامة <3