"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
Esraa Abdelmaksoud
13-11-2017 - 11:57 am
هو لو دكتور اخد مقاس نظارة غلط ممكن ده يتسبب في حول بسيط بعد لبس النظارة دي فترة 6 شهور مثلا؟.. دورت في جوجل بس مفادنيش..


التعليقات (43)
Ahmed Nasr
Ahmed Nasr
حضرتك وضحي ايه الغلط اللي في النضاره يعني مقاس النضاره الغلط ايه و المقاس المفروض ايه

Esraa Abdelmaksoud
Esraa Abdelmaksoud
الفرق بين المقاس الجديد والقديم في عين واحده فقط القديم كان sphere -0.5 ومفيش cylinder ولا axis الجديد cylinder +0.25 و مفيش sphere وال axis 70 انا عارفه ان الارقام بسيطه بس ملاحظة من وقتها ان بدأ يبقى في حول بسيط ناحية الانف تدريجي بيزيد من وقتها

Ahmed Nasr
Ahmed Nasr
لا ميسببش حول طيعا

Ahmed Nasr
Ahmed Nasr
و اصلا دي مقاسات صغيره جدا يعني ملهاش اي علاقه بالحول

Esraa Abdelmaksoud
Esraa Abdelmaksoud
شكراً لحضرتك :) انا بس معرفش ممكن يكون ايه سببه

Ahmed Nasr
Ahmed Nasr
حضرتك عندك شكوي بتشوفي الحاجه اتنين او صداع شديد او اي عرض تاني؟

Esraa Abdelmaksoud
Esraa Abdelmaksoud
Ahmed Nasr لأ مش بشوف الحاجه اتنين بس زمان قبل ما البس النظارة القديمه انا مكنتش بعرف اعيش منغير المسكن اصلا من كتر الصداع.. وللاسف اقل وقت بقعده قدام اللاب يوميا 10 ساعات

Ahmed Nasr
Ahmed Nasr
انا شايف ان مقاسات النضاره صغيره جدا ..لو فعلا حول ملحوظ لازم تكشفي عند طبيب عيون مختص حول مش اي دكتور عيون ..ممكن ارشح لحضرتك اي حد علي حسب منطقه سكنك لاني خارج مصر

Ahmed Nasr
Ahmed Nasr
القعده علي اللابتوب بتعمل اجهاد في العين و ده مع اي شغل قريب و الافضل تريحي عينك بالنظر لشيء بعيد كل ساعه

Esraa Abdelmaksoud
Esraa Abdelmaksoud
هو الحمدلله شكله مش صعب بس لما ببص لقدام بيبان وكذا حد لاحظ ده.. انا في مدينة نصر

Ahmed Ana Mousa
Ahmed Ana Mousa
لازم الكشف عند الدكتور وقياس النظر بالنظاره وبدونها يكون فيه سبب آخر

Sameh Nabil
Sameh Nabil
علي حسب الخطا كان ف ايه .. لو طفل صغير مثلا وانت حطيتله مقاس يخليه hyperope يبقي هيضطر يعمل accomodation ويظهرلك عليه حول esotropia وفي حالات كتير ممكن بدرجات متفاوتة او العكس

Marwa Ali Yousef
Marwa Ali Yousef
سؤال طيب ليه كل ما اكشف كشف نظر يكون الكشف غير التاني ...

Sameh Nabil
Sameh Nabil
انا فاكر اني برد علي جروب دكاترة رمد :D

Marwa Ali Yousef
Marwa Ali Yousef
ههههههه طيب ممكن حضرتك تضيفني في الجروب ده

Sameh Nabil
Sameh Nabil
عموما ف الاطفال لحد سن 18 سنه طبيعي المقاس ممكن يتغير .. في الكبار الفروقات لما بتكون ربع او نص درجة دا عادي مش هتأثر علي نظرك ف حاجة .. لو تغيير كبير ف الكبار لازم نعمل شوية فحوصات نطمن علي سبب التغيير .. و احيانا لما بيكون حد كبير واول مرة يلبس نضارة و مقاسها كبير بنحطله جزء من المقاس بس علي ما يتعود علي النضارة و بعد 3 الي 6 شهور بنحطله المقاس كامل


عايزة دكتور تخسيس في مصر الجديدة كويس وعن تجربه
حد يعرف دكتور اطفال شاطر فى الهرم