"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
Basem Hassan
15-03-2018 - 10:19 pm
هل تكييف شارب الانفرتر بيوفر كهرباء فعلا


التعليقات (42)
Ossama Ghoneim
Ossama Ghoneim
أيوة ، أي تكييف بالإنفرتر (مش شارب فقط) مفروض يوفر في إستهلاك الكهرباء بنسبة ما ممكن توصل 50% وممكن تبقى 10% وممكن ما يوفرش خالص لو أسيئ إستخدامه فكرة الإنفرتر هي التحكم في سرعة دوران الكباس عند الأحمال الجزئية اللي هي أكتر من 90% من أحمال التكييف الفعلية، وبالتالي بيقل إستهلاك الكهرباء بشكل جزئي لقلة سرعة الدوران مع تحكم أفضل في درجة الحرارة داخل الغرفة، والجهاز لما يشتغل مثلا لمدة 10 ساعات على حمل 50% بيستهلك أقل من لو إشتغل 5 ساعات على حمل 100% أرجو أن الكلام يكون واضح ومفهوم للناس كلها ولو فيه أي إستفسار أنا تحت أمركم

Basem Hassan
Basem Hassan
مثلا لو التكييف ع 24 ويوفر كهرباء كويس

Ossama Ghoneim
Ossama Ghoneim
بالظبط، حضرتك لما تظبط الدرجة على 24 فرص التوفير هتزيد، وغالبا توقع توفير في حدود 30% مقارنة بالأجهزة ذات كباسات السرعة الثابتة

Basem Hassan
Basem Hassan
تمام

Ossama Ghoneim
Ossama Ghoneim
لكن لو ظبطت الدرجة على 18 (مثلا، لأن بقى إجباري أن مصنعي الأجهزة ما يخلوش العميل يقدر يظبط أقل من 20 وأحيانا 21) فغالبا الجهاز الإنفرتر سيستهلك أكثر من الجهاز العادي لو هو مش

Mohamed Marmoush
Mohamed Marmoush
لية في الحالة دي الجهاز الانفرتر حيستهلك أكثر ؟ المفروض إنهم يستهلكوا ذي بعض لأنهم شغالين ١٠٠%

Basem Hassan
Basem Hassan
فعلا لية اكتر

Ossama Ghoneim
Ossama Ghoneim
بفرض أن الكباسين نفس القدرة ونفس التكنولوجيا، للإنفرتر كفاءة تحويل طاقة تمثل فقد Losses هنا

Ossama Ghoneim
Ossama Ghoneim
ميزة الإنفرتر في الأحمال الجزئية فقط

Ossama Ghoneim
Ossama Ghoneim
طبعا هو مع الإهتمام بتوفير الطاقة فالكباسات الحديثة مع أجهزة الإنفرتر هي كباسات ذات تكنولوجيا عالية وغالبا BLDC عالية الكفاءة ، يعني لو هتقارنها على حمل 100% مع جهاز قديم أكيد هتستهلك أقل، لكني أقارنها بنفسها مرة بالإنفرتر ومرة بدونه

Baraa Fouad
Baraa Fouad
خاصية الانفرتر موفره بشكل عام انا عندي الجهازين في البيت واحد انفرتر والتاني عادي والاتنين نفس القدره، الانفرتر بيستهلك من ٥٠ ل ٦٠٪؜ من استهلاك العادي بالفعل هو موفر وفلوسه فيه، بلاش شارب هات ماركة جري، صيانتهم افضل وتكييفهم افضل، أنا حسبت الإستهلاك كويس علشان عندي عداد الكارت وحساب الإستهلاك فيه أدق بكثير للي مركز ومتابع. طبعاً متعملش التكييف على ١٨ وتستنى توفير التكييفات عندي مش بتعلى عن ٢٤ صيف أو شتاء لإني بشغله دفايا والإستهلاك على المستوى مع قفل الباب ومراعاة الأحمال والمساحات والقدرة المطلوبه، إنسى إن عندك تكييف بالنسبه للكهرباء. 4

Yasmine Zakaria
Yasmine Zakaria
جري افضل حاجة بالسوق حاليا؟

Baraa Fouad
Baraa Fouad
ايوه وعن تجربه

Ossama Ghoneim
Ossama Ghoneim
جري ماركة كبيرة جدا على مستوى العالم والوكيل بتاعها في مصر أحد رواد صناعة التبريد والتكييف في مصر ومن الشركات المحترمة جدا لكن شارب ممتاز، كارير رائع، LG ممتاز، ميديا ، توشيبا ، وفريش كمان وكرافت وغيرهم، أغلبهم أجهزة محترمة جدا اللي حضرتك تدوري عليه فيالجهاز هو الآتي: 1- خدمة ما بعد البيع والضمان وسرعة الإستجابة في حالة الأعطال 2- التقييم وإستهلاك الطاقة في بطاقة إستهلاك الطاقة الصادرة من هيئة المواصفات والجودة 3- السعر لأن ممكن تلاقي ماركة مغطية خدمة ما بعد البيع في منطقة ما بشكل ممتاز في حين أن لديها قصور في مكان آخر وهكذا

Baraa Fouad
Baraa Fouad
كل ما سبق ينطبق على جري باقي الماركات للاسف مليانه مشاكل

Ossama Ghoneim
Ossama Ghoneim
جايز، أنا مجالي التكييف والطاقة، بس بأشتغل أكثر في التكييف المركزي وشغل الأجهزة المنزلية عندي بسيط أوي فمش على دراية كافية بمن هو الأفضل في خدمة ما بعد البيع وكل هؤلاء زملاء مهنة وبعضهم أعرفهم شخصيا وهم جميعا ناس محترمون ومجتهدون


رأيكم تكييف يونيفرسال ولا شارب من حيث السعر والجودة ؟
كم يتكلف نقل تكييف من مكان لمكان تاني؟