"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
Mahmoud Fathy
16-12-2020 - 03:41 pm
السلام عليكم جميعا
المقارنة الاشهر انا عايز اشتري ومحتار بين c5 وسبورتاج عايز اراء حيادية وبكل أمانة اعمل ايه ومحدش يقولي الألماني والكوري ميتقارنش لأن السوق في مصر بيقارن قلبي بيقول ستروين وعقلي بيقولي كيا


التعليقات (27)
يوسف عباس
يوسف عباس
اعادة البيع والانتشار للكيا اي حاجه غير كده لصالح سيتروين

Mahmoud Alaa
Mahmoud Alaa
حالياً ف اعاده البيع وكل حاجه سواء امان و رفاهيه ل صالح سيتروين و ده واقع حالي والدليل على كده شوف المستعمل ف ال C5 بكام و اسبورتاج وتوسان بكام و هتعرف ان فعلاً السوق اتغير ١٨٠ درجه

اسامة موسي محمود
اسامة موسي محمود
Mahmoud Alaa
الامان يا باشا في صالح الاسبورتاج ادخل علي صفحة اليورو ان كاب واتفاجئ

Mahmoud Alaa
Mahmoud Alaa
اسامة موسي محمود
حضرتك في بيدج ع اليوتيوب اسمها 77km في فيديو عن ثبات كل عربيه ف المنحنيات اتفرج سبورتاج عامله ازاي وسيتروين عامله ازاي لكن التوسان كانت كويسه بس توسان اللي بتيجي هنا مصر مختلفه ف الامان شويه عن اللي بتنزل بره

اسامة موسي محمود
اسامة موسي محمود
Mahmoud Alaa
حضرتك اللي بيقدر الامان ومعترف بيهم علي مستوي العالم تلات جهات اليورو ان كاب ومعهد تامين السلامة علي الطرق السريعة الامريكي ال IIHS واختبارات الامان الامريكية ال NHTSA غير كده مالوش لازمة حضرتك بتقارن اختبارات موقع الكتروني وما تعرفش هو بيطلع النتايج ازاي وفي اي ظروف ومين اصلا اللي بيسوق العربيات دي هل هو شخص واحد وظروف واحدة طبعا لا

Mohamed Adel
Mohamed Adel
كنت زيك.. ولما شوفت الستروين ورجعت دخلت الكيا..قلت تولع اعادة البيع.. بس حرام ادفع فلوس فى عربية ناقصة حجات كتير مقارنة بالستروين الرائعة.. هى الفكرة بس فى قطع الغيار اللى حتكون طبعا فى صالح السبورتاج..

Mohamed Toutou
Mohamed Toutou
سيبك من اي وجهة نظر و شوف انت اختبارات السلامه و الأمان الاتنين و خد قرارك بنفسك

اسامة موسي محمود
اسامة موسي محمود
Mohamed Toutou
يبقي حيجيب الاسبورتاج?? الاسبورتاج واخدة خمس نجوم في اليورو ان كاب مع ٩١٪؜ في حماية الركاب في حين السيتروين واخدة اربع نجوم مع ٨٧٪؜ في حماية الركاب

Mohamed Toutou
Mohamed Toutou
انا برضه لا برجح له دي و لا دي على العموم حضرتك بص ع الفيديو ده بغض النظر عن عنوانه و قولي رايك

Essam Mostafa
Essam Mostafa
مافيش مقارنه بين الاوروبي والكورى الاسعار ومصاريف التشغيل بقت قريبه من بعض الاختيار يبقي للاوروبي اكيد

اسامة موسي محمود
اسامة موسي محمود
Essam Mostafa
بص من الاخر الاوربي الماني غير كده بلح …

DrMahmoud Ghanim
DrMahmoud Ghanim
اسامة موسي محمود
الاسبورتاج بتاع اوروبا غير الاسبورتاج بتاعة مصر

Peter Edward
Peter Edward
اسامة موسي محمود
بس الاوبشن كله متشال من الاسبورتاج، و مفيهاش متعة قيادة ، مافيهاش اي ميزة غير اعادة البيع ، و حتي اعادة البيع مش مضمونة لان السوق بيتغير بسرعة،

اسامة موسي محمود
اسامة موسي محمود
Peter Edward
في الفئات العالية حتلاقي اللي انت عايزه حتي فيها ٦ ايرباج وده مش موجود في اي فئة في السيتروين وشنطة كهرباء برضو مش موجودة في اي فئة من السيتروين وحتي السيتروين اللي هنا غير بتاع اوروبا اوروبا ما فيهاش سيتروين باربعة ايرباج ولا في اي فئة ما فيهاش توقف تلقائي

Ismail Sabry
Ismail Sabry
انا ارشح لك الكيا. علشان انا اتجننت وبعت الكيا واشتريت الستروين وبنندم أشد الندم... الكيا فيها شنطه تحط فيها الستروين كامله بركبها..…

Ihab ALghazali
Ihab ALghazali
يا باشا العقل بيقول انك تستفت قلبك اجمد كده واختار بقلبك وهاتنبسط باذن الله ان شاء الله ربنا هايدلك علي الخير


رأيكم في عربية Daewoo Nubira دايو نوبيرا
رايكم افضل عربية للسفر المتكرر و والمسافات الطويلة