"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
Kareman ALsahar
01-05-2021 - 06:06 am

عيوب شراء لاب توب استعمال من الخارج
لو حد جرب لاب توب استعمال من الخارج ياريت يقولي ايه العيوب اللي وجهته أو عايزه اشتري لاب توب من الصفحه دي ايه الضمان اللي ممكن اخده انا مش بفهم ف الاب توب اووي ومقلقه بصراحه بس محتاجاه جداا الفتره دي والاسعار عاليه جداا


التعليقات (27)
Yasser Gomaa
Yasser Gomaa
بيكون كارت الشاشة فالأغلب ضعيف لو workstation والبطاريات شوية وبتفيص هو حرفيا بطيخة ممكن يجي نصيبك واحد كويس جدا وممكن يكون لاب وحش جدا

Kareman ALsahar
Kareman ALsahar
Yasser Gomaa
هو حقيقي فعلا ابن خالي جاب واحد واللهم بارك شغال معا كويس جدا طب حضرتك تنصحني ببديل للصفحه دي يعني اماكن تكون مضمونه باسعار كويسه

Yasser Gomaa
Yasser Gomaa
Kareman ALsahar
محل معرفة بحيث تجربي بنفسك كل حاجة قبل ما تشتري لكن أونلاين مش مضمون حتى لو لاب جديد لسه

Kareman ALsahar
Kareman ALsahar
Yasser Gomaa
طب معلش هتعبك معايا ايه المواصفات مثلا اللي اركز فيها عايزه إمكانيات معقوله

Yasser Gomaa
Yasser Gomaa
حسب الاستخدام هيكون ايه بس هو اللي بيشتري لاب بيبص ل ٣ حاجات اساسيين رامات وبروسيسور وكارت الشاشة

Yasser Gomaa
Yasser Gomaa
حسب الاستخدام بقا ممكن حد يضحي بحاجة من التلاتة متكونش عالية عشان مش محتاجها

Kareman ALsahar
Kareman ALsahar
شكرا ل حضرتك جداا هدور وربنا ييسر

Waleed Hamza
Waleed Hamza
نصيحة بلاش كتير بشوفهم كاتبين انهم ندموا بعد الشراء مستورد لعيوب مخفيه

Kareman ALsahar
Kareman ALsahar
Waleed Hamza
حضرتك تعرف بديل بدل الصفحات دي

Waleed Hamza
Waleed Hamza
Kareman ALsahar
البديل حضرتك جيبي جديد اضمن حتى لو امكانياته اقل

Ezio Audetori
Ezio Audetori
جهاز تعبان و مواصفاته ضعيفة ... نصيحة أبعد عن المستعمل

Kareman ALsahar
Kareman ALsahar
Ezio Audetori
معلش حضرتك ايه الإمكانيات اللي شوفتها واقعه فيه اخد بالي منها ف العموم

Ezio Audetori
Ezio Audetori
حضرتك أولا: الهارد ضعيف جدا ٥٠٠ جيجا حجمه نشيل منهم ١٠٠ جيجا مثلا للويندوز و ملفات النظام يتبقى ٤٠٠ و مش هاتنفع في حاجة في حجم الملفات الحديثة ... في ألعاب مثلا بتوصل ٤٠ و ٦٠ جيجا ثانيا: حجم الرام قليل دلوقت أقل من ١٦ اصبح بلا معنى و لا يستحمل الالعاب الحديثة ثالثا: الحكاية مش وجود كارتين شاشة الموضوع امكانيات الكارتين أيه؟ و بالمقارنة بامكانيات الجهاز الضعيفة يبقى الكارتين مش هايبقوا بالقوة اللي متخيلينها لان مثلا كروت انفيديا من احسن الكروت بس لو الفئة بتاعة الالعاب الكارت لوحده ممكن يبدأ من ٥٠٠٠ دول يبقى اكيد الكارت اللي موجود مش قوي ولا من فئة تدعم الألعاب او الجرافيكس

Ezio Audetori
Ezio Audetori
شكرا لحضرتك ... نصيحة بلاش المستعمل لأنه بدون ضمان و كمان تاجر المستعمل بيعرف يضحك على الناس ببضاعة هو نفسه عارف امكانياتها الضعيفة و عيوبها ...

Kareman ALsahar
Kareman ALsahar
انا اصلا مقلقه منو ف قولت اسال ربنا ييسر وأشوف جديد بإمكانيات بسيطه

Ezio Audetori
Ezio Audetori
حضرتك طبيعة استخدامك للجهاز أيه؟ ١) ألعاب و جرافيكس عالي؟ ٢) شغل مكتبي يعني مجرد Word, Excel,Internet و حاجات عادية؟


رأيكم في تندة بلكونة حديد في الدور الاخير
حد جرب بن starbucks ستار باكس قهوة تركي