"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
Shahir Labib
09-08-2020 - 01:13 pm
طريقه عمل الرخصه فى المانيا من رخصه مصرى؟


التعليقات (25)
Marwan El Husseiny
Marwan El Husseiny
اول حاجة تترجم الرخصة في مكتب معتمد يكون مترجم محلف ثانيا بتعمل classification للرخصة من ADAC و بعد ما تخلص و تستلمها تروح تسجل في مدرسة سواقة بعد كدا تروح تودي الأوراق لل Straßenverkehrsamt بعد في حدود شهر تقدر تعمل امتحان النظري و بعدها العملي

Shahir Labib
Shahir Labib
Marwan El Husseiny
مكاتب الترجمة الموجوده على موقع السفارة فى مصر؟

Mahmoud Elsherbini
Mahmoud Elsherbini
Marwan El Husseiny
انا سمعت اني ممكن اسوق بالرخصه المصريه بس اترجمها واوثقها خارجيه وسفاره وبس علي كده الكلام ده صحيح؟!

Marwan El Husseiny
Marwan El Husseiny
لا انت ممكن تسوق لو جبت رخصة دولية و بتبقي سارية لمدة ٦ شهور بس . لو انت حتعمل معادلة للرخصة في بلد تانية أوروبية غير المانيا ممكن تأخذ الرخصة من غير امتحانات بس في المانيا لازم امتحانين

Shahir Labib
Shahir Labib
Marwan El Husseiny
من بلد تانيه ممكن بالاقامه بتاعه المانيا ولا لازم عنوان فيها و اى بلاد و شكرا

Marwan El Husseiny
Marwan El Husseiny
لازم إقامة و عقد ايجار

Marwan El Husseiny
Marwan El Husseiny
You are welcome

Mohamed AbdelMeguid
Mohamed AbdelMeguid
Marwan El Husseiny
شكراً للمعلومه، ازاي اعمل الclassification? انا رحت مدرسه سواقه و محدش جبلي سيره

Marwan El Husseiny
Marwan El Husseiny
Mohamed AbdelMeguid
عفوا . ال classification بيتعمل عند ال ADAC كل اللي هما بيعملوة بيكتبولك نوع الرخصة B ولا BE ولا C

Mohamed AbdelMeguid
Mohamed AbdelMeguid
شكراً جزيلاً لو ممكن سؤال كمان من فضلك، المدرسه قالتلي على تكاليف حاجه اسمها TÜV تمنها 130€ دي إجباري اعملها؟ و اه فايدتها شكراً لذوقك

Marwan El Husseiny
Marwan El Husseiny
Mohamed AbdelMeguid
ال TÜV انت بتدفع مرة تقريبا في حدود ٤٥ يورو لما تودي الملف بتاعك و بتدفع ثمن امتحان النظري و امتحان العملي انا مش فاكر الأسعار الصراحة بس انت لازم تسال ال ١٣٠ يورو دول ثمن اية بالظبط في ال TÜV

Shahir Labib
Shahir Labib
و لازم أوثق الترجمة من السفاره

Marwan El Husseiny
Marwan El Husseiny
Shahir Labib
لو حترجم الورق في مصر لازم توثق الورق

يوسف الحو
يوسف الحو
1- حضور دورة اسعافات اولية وعمل اختبار نظر في أي مدرسة سواقة جنبك 2- ترجمة الرخصة المصرية من نادي السيارات الألماني 3- الذهاب لل verkehrsamt بالرخصة المصرية وترجمتها واختبار النظر ودورة الإسعافات الأولية و42.5 يورو وجواز السفر وصورة بيومترك كبيرة الحجم للرخصة -قول كدا في محل التصوير- 4- انتظار الموافقة من مكتب المرور -تستغرق من 4 ل 6 اسابيع- 5- المتابعة مع مدرسة السواقة باقي الخطوات

Amr El Shikshaky
Amr El Shikshaky
يوسف الحو
طيب التكلفة الإجمالي كام من فضلك

يوسف الحو
يوسف الحو
Amr El Shikshaky
هي بتفرق من مدرسة لمدرسة ومن شخص لشخص بس ممكن تقول تقريبا ١٠٠٠ ل١٢٠٠ يورو تزيد أو تنقص


ايه الاجراء القانوني في حالة رفض جزء من الورثة البيع ؟
تجربتي السيئة مع جوميا Jumia