"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
Ghadeer A. Mansour
30-04-2021 - 06:21 pm
ياريت لو حد يعرف حاجه عن الموضوع يفدني
انا طلبت اوردر من موقع اسمه IHerbs لادويه vitamins ب ١٦٠٠ المفروض شركه الشحن ups اخدت مني ٣٦٥ مخلصات عشان يخلصولي الحاجة من الجمارك بعد ٣ اسابيع بتقولي عايزين فوق تمن ال اوردر جمارك ٢١٢٥ و ان الجمارك زادت و كلام كده مفهمتوش ف هل صح الكلام ده ان الجمارك زادت ولا الشركة بتنصب عليا حد يساعدني انا مش فاهمه حاجة و بيقوليدولي لو مدفعتش ابعتلهم تنازل يعدموها يعني فلوسي ف الارض


التعليقات (39)
Mohamed Adnan
Mohamed Adnan
هما عايزين زيادة ٢١٢٥ ولا الإجمالي هيكون ٢١٢٥

Ghadeer A. Mansour
Ghadeer A. Mansour
Mohamed Adnan
لا زياده انا دفعت للموقع ال ١٦٠٠ هما عايزني ادفع جمارك زياده عن تمن الاوردر ٢١٢٥

Ghadeer A. Mansour
Ghadeer A. Mansour
ده اللي شركه الشحن اسمها ups قلتهولي

Mohamed Adnan
Mohamed Adnan
Ghadeer A. Mansour
انا مش عارف ايه نظامهم بس في كل الأحوال كتيييييير جدآ المبلغ ده لو ينفع ترجعي الاوردر رجعية

Mohamed Adnan
Mohamed Adnan
بس التخليص الجمركي حاجة و الجمارك حاجة بس المفروض كانوا يعرفوكي القيمة هتكون تقريبآ كام

Ghadeer A. Mansour
Ghadeer A. Mansour
تمام شكرا

Khaled Gohary
Khaled Gohary
Mohamed Adnan
هيعرفوها ازاي ده تقدير موظف الجمارك كل طرد بمزاجه لو قال ١٠٠٠ أو ٥٠٠٠ مش عاجبك روح قدم تظلم وادفع ارضيات وغالبا نفس الموظف بيرجع له التظلم ويرفضه

Mohamed Adnan
Mohamed Adnan
Khaled
هما شغالين في أصناف محدودة و دخلوها قبل كدا كتير المفروض يبقوا عارفين حتى بالتقريب... لكن برضة عندك حق الجمارك عندنا هي اللي مالهاش كتالوج

Azza Ahmed
Azza Ahmed
هو المبلغ الاول دوت فلوس انهم حيعملوا ليكي التخليص الجمركي أما البلع التاني دوت ثمن الجمرك المطلوب ايوه هو ده النظام مع ups

Ahmed Eldeeb
Ahmed Eldeeb
الزياده دي الجمرك نفسه!

Abd El-Rhman Mahgoub
Abd El-Rhman Mahgoub
قد يكون استهبال من الشركه .. وقد يكون من الجمارك .. طالما خدو رسوم الافراج ممكن حضرتك تروحي المطار برقم الشحنه وتستعلمي عن الجمارك قيمتها قد ايه .

Adel Alrayan
Adel Alrayan
اه الجمرك على الادوية بقا 10 جنيه على الحبايا يعنى لو العلبة فيها 50 حبايا يبقا 500 جنيه جمرك

Ahmed Mohammed
Ahmed Mohammed
اعتقد شركات الشحن نصابين والله اعلم حصل معايا نفس الموقف من شركة DHL اشتريت ماسك من الامارات ب ٤٠٠ جنيه تقريبا واخدوا للشحن حوالي ١٦٥ جنيه ولما وصل القاهرة DHL طلبت ٨٥٠ جنيه اضافية بيدعوا انها جمارك رفضت استلمه وحاولت اكلمهم اشتكي مفيش استجابة

Mohamed Ali
Mohamed Ali
للاسف الجمارك دلوقتي فيه مصاريف 1000 جنيه بس مهما كانت تمن الشحنة سواء 1$ او 10000 دولار الاحسن حضرتك تروحي تخلصي الشحنة بنفسك من مطار القاهرة تاخدي البوليصة بتاعت الشحنة وتخليصها بنفسك

Hasnaa Ali
Hasnaa Ali
اعتقد المبلغ الاولاني دة تمن الشحن فقط بدون تخليص جمركي والحاجة لما بتوصل بتتجمرك طبعا والمبلغ التاني دة الجمارك

Marianne Maher
Marianne Maher
ال 1600 دا تمن الاوردر. بيبقي ملوش علاقه بالجمرك. اي حاجه بتدخل البلد بيبقي ليها جمرك مهما كانت. فالمبلغ التاني جمرك. ملوش علاقه بتمن الاوردر. و المبلغ الي بتقرره هيءه الجمرك نفسها و دي هيءه حكوميه. Ups مش هيا الي محدده المبلغ


حد يعرف اى معلومات عن كورس انعاش العقل و التدريبات العقلية
حد يعرف سبب تغير رائحة الماء في كولدير المياه