"ريبوتا Reboota" منصة تواصل اجتماعي تم تطويرها باياد عربية، تهدف إلى اثراء المحتوى العربي و انشاء مجموعات من الاهتمامات المشتركة بين مجموعة كبيرة من المستخدمين بغرض تبادل المعلومات و الخبرات و التجارب.
كل المجموعات يتم إداراتها آلياً وفق خوازرميات يتم تطويرها تسمح بالتدفق المحايد للمعلومات، ندعوك لدعم ريبوتا من خلال نسخ رابط المجموعة المهتم بها ونشرها مع الاصدقاء و المهتمين للمساهمة في تطوير وانتشار المنصة...
Mohamed Ahmed
22-06-2022 - 03:49 am
ممكن اعرف افضل طريقة لتنظيف شقة فيها تراب لدرجة الرمل
كنس ولا مسح ولا اعملها بالمكنسة ولا هتبوظ المكنسة
ولا اجيب حد أو شركة ينضفها و اشتري دماغي ؟ و هياخد كام في تنظيفها ؟؟


التعليقات (26)
محمد احمد
محمد احمد
فضي كيس تراب المكنسه ونضف الخرطوم والوصلات بتاعتها
واشفط بيها اللي تقدر عليه وبعد كده مسح

Mohamed Ahmed
Mohamed Ahmed
محمد احمد

المكنسة مش هتبوظ يعني لو شفطت بيها الرمل ؟
أنا خائف تتحرق

محمد احمد
محمد احمد
Mohamed Ahmed


مش هتبوظ لا من الرمل مهيا معموله عشان تشفطه ابقى ريحها كل تلت ساعه وافتح
الشبابيك تهوي ولو تعرف تلبس كمامه ولو فيه اي نضاره وانت شغال يبقى كويس

Mohamed Ahmed
Mohamed Ahmed
محمد احمد

تمام شكرااا

Marwa Sadek
Marwa Sadek
التراب لو عالارض و ينفع يتلم بمقشة بالبخاخة كدة خفيف و رش و بعدين اكنس
بالمقشة والجاروف لم التقيل بس المية هتخليه عهادى ميعفرش زيادة و يترب
اكترو يتعب النفس بعدين اللسي ينفع بالمشقة والجاروف عادي لمه واللى مينفعش
بالمكنسة بس بالراحة عليها متشتغلش متواضل عشان متسخنش و حذاري من البلاور
فكرة فاشلة طالما التراب كتير كدة كل اللى هيحصل عفرة زيادة

Mohamed Ahmed
Mohamed Ahmed
Marwa Sadek

اه كله علي الارض
هحاول كدا اتعامل إن شاء الله
بالبخاخة زي ما حضرتك قولتي شكرا جدااا

محمد احمد
محمد احمد
Marwa Sadek


مياه + تراب = طين
الكنس الاول وبعدين المسح عشان يتشال التراب الناعم

Marwa Sadek
Marwa Sadek
محمد احمد

مش دلق مية أنا بقول بخاخة المكوة يعني يدوب مش نقط حتى اقل منها

Huda Gad
Huda Gad
شركة افضل

Ashraf El Masry
Ashraf El Masry
يفضل شركه
ولو اشخاص هيقوموا بالتنظيف اهم حاجه يلبسوا كمامات حمايه من التراب ويفضل
تتغيرها كل فتره ومع التغيير غسيل للوجه واستنشاق مع طرد اي عوالق بالانف
حفاظا علي صحتهم

Mohamed Ahmed
Mohamed Ahmed
Ashraf El Masry

ترشح حد ؟ و هتتكلف كام؟

Ashraf El Masry
Ashraf El Masry
Mohamed Ahmed


للاسف معرفش شركه متخصصه
بس ممكن مرات البواب مع ولادها او حد هي تعرفه المهم الامانه والحفاظ علي
ممتلكات الشقه

Yasmin
Yasmin
تقصد تراب ناعم بس كتير صح ولا انا فهمت غلط و هو رمل رمل اصلا؟

Mohamed Ahmed
Mohamed Ahmed
Yasmin

لا تراب ناعم بس متراكم جدا جدا جدا

Yasmin
Yasmin
Mohamed Ahmed

سهله
سمي الله و بالمكنسه الكهرباء و هايتسحب عالطول و بعد كده نضف الأثاث و بعد
كده امسح الأرض
المهم المكنسه تفصلها كل شويه ولو حسيت الكيس اتملي فضيه بعد كده كمل
ولو في أماكن فرشاة المكنسة مش بتوصله شيل الفرشاة و اسحب التراب بالماسورة
بتاعه المكنسه عادي
أبشر

Mohamed Ahmed
Mohamed Ahmed
تمام شكرا جدااا


احسن محل حلويات تورتة و جاتوه في القاهرة
نقل رقم الموبايل من شركة لشركة تانية