افضل فنادق و كامبات دهب

ازاى تروح دهب البوست ده هنتكلم على الإقامة
تقعد فين فى دهب على حسب اللى يناسبك..

دهب مدينة فيها كل انواع الإقامة وكل الاسعار
(فندق،كامب،شقق) بس برده خلينا متفقين ان دهب مش مدينة fancy زى شرم الشيخ
والغردقة يعنى الحياة فيها مش luxurious حتى الفنادق فى الممشى صغيرة عبارة
عن عمارة على البحر.

الموقع: احسن مكان من وجهة نظرى الممشى لانه حيوى وكل حاجة حواليك وكمان
سهولة التنقل منه بالمواصلات.
فى موقع تانى: العسلة ده مكان تانى بموود مختلف تماما البيوت(اللى هى
الفنادق) هناك قريبة جدا من البحر ده غير الوان البحر هناك والمنظر مع
الجبل view وهمى تصحى عليه كل يوم منطقة هادية ومعظم اللى قاعدين هناك اجانب.

?الفنادق:
فندق ديارنا احسن وانضف فندق بالنسبالى فى الممشى موقعه حلو بعيد عن الدوشة
قريب من اللاجونا وفى اتنين pool منهم واحد للاطفال علشان كده مناسب
للعائلات و الشباب واللى بيعجبنى فيه اوى انه الوحيد اللى على الممشى قدّامه
open view للبحر انا برشحه وده اللى بنزل فيه وده اللى فيه صورة البوست.

فندق باندا و Swiss inn الشاطىء بتاعهم رملى بس دول مش فى الممشى مناسبين
للعائلات وكمان لل honeymooners

فندق Ecotel dahab resort
ده فى مكان تانى مختلف طريق three pools ومناسب جدا جدا لشهر العسل
وبيعملوا كمان honeymoon package

فندق full moon فى الممشى صف تانى مكانه برده حلو قريب من اللاجونا وبعيد
عن الدوشة وسعره حوالى لطيف ٣٠٠ج الليلة single room

فندق شمس و فندق نسيمة حلوين على الممشى بس مش open view زى ديارنا.

فندق بيت تريزا منطقة العسلة اللى كان متصور فيه مسلسل لعبة نيوتن
overrated اوى بالنسبالى.

فندق lion palace فى العسلة لطيف وفى بيوت اكتر كمان فى العسلة.

فندق Daniela Village & Diving Center موود استجمام اوى وده بسبب مكانه فى
طريق blue hole

Dahab heights boatel

?الكامبات:
بتبتدى من ٥٠ ج فى الليلة على حسب اللى يناسبك فى منهم زى نظام hostel غرفة
مشتركة حمام بره فى غرفة منفصلة بالحمام فى كمان غرف بتكييف وغرف مروحة.
دول بقى موجودين كتير فى دهب فى اللى فى الممشى واللى فى اللاجونا (واللى
فى blue lagoon بتعيش مع الطبيعة مافيش اى خدمات)
Charlie House Dahab
New life house
البشبيشى
المالكى
وفى اكتر من اللى انا كتباهم بكتير موجودين على booking.com

اهم حاجة فى الكامب انك تروح مكان قريت عنه reviews او حد تعرفه نزل فيه
وتسأل على موود الكامب علشان لو مش موودك مش هتستريح فيه.

?الشقق:
متاحة برده على booking.com

ومتاح انك لما توصل هناك تسأل اهل البلد على شقة.

*لو انت risk taker ممكن تسافر وانت حاجز ليلة فى اى مكان وتروح تلف على
الاماكن بنفسك وتختار اللى يناسبك باقى ايّام إقامتك.
*بالنسبة للاسعار مش هقدر اكتبها لانها بتختلف من وقت للتانى لوحابب تعرف
اسعار كل اللى كتبتهم موجودة على booking وليهم صفحات على Facebook او ممكن
تتواصل مع المكان على طول.
*اتمنى اللى جرب مكان اقامة فى دهب يرشحه فى التعليقات بس مايكونش اعلان من
فضلكم.