افضل فلتر تنقية مياة من حيث توافر الفلاتر و الجودة

Abdelrahman Yehia

25-08-2021 - 06:59 pm

افضل فلتر تنقية مياة من حيث توافر الفلاتر و الجودة

سؤال لاهل الخبره واللي جرب
ايه افضل وحده تنقيه مياه منزليه من حيث :
١- توافر الفلاتر
٢- سهولة الصيانه والتنظيف.
٣- خدمة ما بعد البيع والدعم الفني ؟
السؤال هنا عن الفلاتر السبع مراحل
"Reverse osmosis”
اسماء الشركات كتير وتفاوت اسعار بشكل غير منتظم
تعديل:
بنقدر نستفيد اكتر لو حد عنده تجربه مع شركه معينه باسمها ويكون شاف فيهم
نموذج محترف في الشغل يذكره لينا

التعليقات (53)

Mohamed Mamdouh

25-08-2021 - 08:00 pm

حسب المكان اللى هيركب فيه يعنى لو القاهرة والجيزة فلتر باناسونيك مرحله
واحده ممتاز جدا انما ٧مراحل هيبقى ضرره اكتر من نفعه اما لو محافظه من
الدلتا او مطروح ينصح بفلتر ٧مراحل وتتقاس المياة بقياس tds قبل وبعد التركيب

Mahmoud Hossny

25-08-2021 - 09:03 pm

Mohamed Mamdouh

ايه الفكرة بعد اذنك ف الموضوع ده ؟

Mohamed Mamdouh

25-08-2021 - 11:15 pm

Mahmoud Hossny

المياه فالقاهرة والجيزة افضل كتير من الارياف ومطروح فمش محتاج فلتر
٧مراحل لأن هيفصل املاح معدنيه مفيدة
عكس الارياف ومطروح المياة بتبقى محتاجه فلتر بممبرين علشان المواسير هناك
متهالكه وبتبقى فى احيان كتير مخلوطه بصرف صحى

Ramy Mohamed

26-08-2021 - 12:24 am

Mohamed Mamdouh

طيب لو سمحت ال TDs. المفروض يكون كام ؟

Mohamed Mamdouh

26-08-2021 - 02:48 am

Ramy Mohamed

من ٥٠ ل١٠٠ د أفضل حاجه
من الحنفيه على tds من ٣٠٠ل٤٠٠
وال٧مراحل بيبقى اقل من ١٠ وده مش كويس طبعا

Mohamed Abo Elnaga

26-08-2021 - 05:20 am

Ramy Mohamed

النسبة لغاية ٥٠٠ ملجرام لكل لتر مقبولة

الاملاح الذائبة في مياه النيل حوالي ٢٣٠-٢٤٠ تقريبا

Ahmed Mohmed El Nagy

26-08-2021 - 12:15 pm

افضل فلاتر موجودة في مصر التيوانى الاصلى والاتحاد الاوربى
التيوانى معروف زى كوجين فلوكستك ماجنتيك وايت ووتر وكمان في اكوا جيم
اذا كان الفلتر هايشتغل على مياة حكومية مش جوفيه
يبقي لازم يكون فيه شمعة الالكالاين بالاضافة لشمعة الكالسيت ولو الجهاز
مافهوش الشمعتين دول واصليين زى كوجين او اكوا فلتر الاتحاد الاوربى او
ليكس بيور الهندى يبقي ماتشتريش
في تفاصيل كتير اوى في موضوع اختيار الفلتر ومش اى حاجة مكتوب او محفور
عليها تيوانى تبقي اصلى
ممكن تتواصل معايا على الخاص وهاشرحلك بالتفصيل او تواصل معايا على الواتس
اب من اللينك ده wa.me201127181285

للعلم انا فنى صيانة وتركيب فلاتر ووحدات معالجة ومحطات تحلية
وعندى معرض بابيع فيه المنتجات الاصلية وبس ونتيجتها بالتحاليل

Abd Elhamid Radwan

26-08-2021 - 03:15 pm

Panasonic
الافضل
بعد مراجعه طويله جدا مفيش حد اختلف عليه

Hossam Ali

26-08-2021 - 04:48 pm

معلش انا ليا وجهه نظر مختلفه شويه لانى بحثت كتير اوى ف الموضوع ده
افضل فلتر لو انت من سكان القاهرة والجيزة او اى محافظه فيها مياه كويسه
هو فلتر ال3 مراحل او المرحله الواحدة السيراميك ( بانسونيك )
انما اى فلتر 7 مراحل فيه وحدة تناضج عكسي
بيغير كمياء المياه لانه بيشيل الاملاح اللى فيها وبيعادل هو من عنده
واى خطأ ف التركيب او الصيانه بيبقي مضر جداً
ده غير انه بيستهلك مياه كتير جداً انا عن نفسي بستحرم كميه الميه اللى
بتترمى من فلتر ال7 مراحل
عشان يشيل الاملاح من ليتر مياه ممكن يترمى نصه على الاقل
ملاحظه : لو انت شاكك في مصدر المياه ممكن تركب فلتر يشيل شوائب و يعقم
بلمبه ال uv فقط
بس بلاش تشيل املاح من المياه . نصيحه

Sara Mohamed

26-08-2021 - 06:23 pm

Hossam Ali

من وجهة نظرى المية عموما فيها مشكلتين الاولى هى البكتريا او الجراثيم ودى
تم حلها باضافة الكلور .. المشكلة التانية بسبب الكلور الزائد وليس املاح
المية ..طيب بنحتاج نقلل الكلور فاي مرحلة بتقلل الكلور لانة حسب علمى هو
المشكلة بالاضافة اذا الشبكة قديمة فبتتحلل والصدأ والكلام دا .. فاي مرحلة
بتعالج المشاكل دى

Hossam Ali

26-08-2021 - 08:00 pm

Sara Mohamed

انا مربي لاسماك الزينه
والتعارف عندنا ان الكلور بيتشال من المياه تهويه المياه لمدة ساعات
يتطاير الكلور
مشكله الباكتريا والجراثيم افضل حل ليها هى ال uv

Yasser ELsayad

26-08-2021 - 09:39 pm

Hossam Ali

السلام عليكم حضرتك انا لا أفقه شي في الموضوع ده لكن انا ساكن في جنوب
سيناء المياه هنا تحليله مياه البحر بقالي سنه مركب الفلتر ال٧ وملتزم
بالصيانه الدوريه وكل أهل بيتي بنشرب منها وحسييين انها ميه كويسه ولكن في
بعض الأوقات بتتغير الطعم ودا موش كتير أخشى أن ممكن يكون في ضرر على المدي
البعيد ممكن تفيدني